Iivesi zeBhayibhile ezithandwayo ezisuka 1 Кор 12

Yabelana

Цилӓлӓн пайда лижӹ манын, Шӱлӹш каждый эдем гач пӓлдӹрнӓ.

Тӓ Христосын кӓпшӹ ылыда, а пасна-пасна – тӹдӹн лаштыквлӓжӹ.

Ик лаштык парвала гӹнь, тӹдӹн доно иквӓреш цилӓ лаштык парвала, ик лаштык лӹмлештӓрӓлтеш гӹнь, тӹдӹ сага цилӓ лаштык ӹвӹртӓ.

Иктӹлӓн Шӱлӹш гач ышан шамак пуалтеш, весӹлӓн тӹ Шӱлӹш гачок – пӓлӹмӓш шамак, иктӹлӓн тӹ Шӱлӹшок пингӹдӹ ӹнянӹмӓшӹм пуа, весӹлӓн тӹ Шӱлӹшок – паремден мыштымашым. Иктӹлӓн цӱдӓм ӹштӓш сила пуалтеш, весӹлӓн – пророкла попымаш, иктӹлӓн шӱлӹшвлӓ лоштышы айыртемӹм ужмаш, весӹлӓн – шукы йӹлмӹ, южшылан – йӹлмӹвлӓм ынгылдарымаш.

Цилӓ тидӹм ик Шӱлӹшок ӹштӓ. Тӹдӹ ӹшке шанымыжы семӹнь каждый эдемлӓн мыштымашым пуа.

Анжыкташ ярыдымы лаштыквлӓнӓм мӓ яжон леведӹнӓ, а анжыкташ ярышы лаштыквлӓлӓн тидӹ ак кел. Но кӓпӹштӹ пасна лаштыквлӓ иктӹ-весӹштӹ ваштареш ӹнжӹштӹ лиэп, а цилӓн икӹжӓк-иктӹштӹ верц икань шытырланышты манын, Йымы кӓпӹн лаштыквлӓжӹм иктӹш ушымыжы годым чӹдӹрӓк шотеш пиштӹмӹ лаштыквлӓлӓн айыртемӹнок кого ӓкӹм пуэн.

Святой Шӱлӹш пумы мыштымаш – шукы йиш, а Шӱлӹш иктӹ. Служымы пӓшӓӓт шукы йиш, а Господь иктӹ. Ӹштӹшӓшлык пӓшӓ шукы йиш улы, а цилӓ тидӹм цилӓнӓ гач ӹштӹшӹ Йымы иктӹ.

Иктӹвлӓм Йымы Церкӹштӹ Апостолеш, весӹвлӓм – пророкеш, кымшывлӓм тымдышеш шагалтен; южшылан цӱдӓм ӹштӓш силам, южшылан паремден мыштымашым, палшен кердмӓшӹм, вуйлатен мыштымашым ӓль шукы йӹлмӹм пуэн.

Кӓпӓт ик лаштык гӹц агыл, а шукы лаштык гӹц ылеш.

Анешлӓ, кӓпӹн кыды лаштыквлӓжӹ молы гӹц слабкаракла кайыт, нӹнӹ сек керӓл ылыт.

Улы кӓп сӹнзӓ ылеш гӹнь, ма доно колеш? Улы кӓп пӹлӹш ылеш гӹнь, ма доно пышым шижеш? Но Йымы цилӓ лаштыкым шанымыжы семӹнь вӓрӓнгден, кӓпӹштӹ каждыйлан ӹшке вӓржӹм пуэн. А цилӓнӓт ик лаштык веле лит ылгецӹ, кышты кӓпшӹ лиэш ыльы?