Iivesi zeBhayibhile ezithandwayo ezisuka Matyo 7

Yabelana

Yeso n dza tə̀ ghə nə̀, “I bəbə na fə̂ key ghaa ləghənə n wɔ Zə̀ kə, Zə̀ kə i fuu bə tə̀ ghaa. I kəŋə tsu na, ghaa i koʼ. Buʼ na bàʼ kə, Zə̀ kə i chi tsu tə̀ ghaa.

N təŋkey wù wey tə bəbnə fə kə, Zə̀ kə i fuunu tə wi. Wù wey tə kəŋənə, tə î koʼonu. Zə̀ kə î chiənu baʼ kə tə̀ wù wey tə buʼnə baʼ kə.

Yeso n dza tə̀ ghə nə̀, “Wù wey tə zownə ghɔɔmə zuŋ zən, ghəŋŋə ndòw ghəə ghey n dzanə, loʼ tə̀ à loʼ wù tɔbə wey tə â dza i bəghə ndaw, tə n səd tsu dzə tsə̂ kə tii kə nə atay.

Sey ghaa i ghəŋŋə ndòw ghəə ghə tə̀ ghə̂ ghə nghee tə̀ ghaa ləghənə nə̀ ghə i ghəŋŋə bə soʼo tə̀ ghaa. À wən loʼ ndzoʼo doʼo zey laŋ kə Mushi nsə Tûm tə Kəzə̀ tə diinə.”

Fuʼ u mbàa wey u ney ndòw wù n luʼu key tə i keelinə muu zə itsali zə, u təbənu, jìi fə tii fə a fwɔli loʼ soʼonə, à fu tii tsəghə kə sə̂ fə aghə̂.”

Yeso n dza kpiʼi ndow tə̀ ghə nə̀, “Tsəghə na n fuʼ u mbàa u təbə wə ni ndow n fɔɔ u Kəzə̀, n təŋkey, fuʼ u mbàa wey u downə, jìi tii dow dzɔbə soʼonu, u ney ndòw wù n luʼu kə uchɔd. Ndəmə aghə̂ a loʼnu ghə neynə ndzoʼo jìi i tii zə.

Abə ghaa loʼnə ni fuu fə̂ u dzuŋu wə tə̀ waa a ghaa ghə, loʼ sey nə̀ ghaa bəbənu, Bày ghaa idəŋ î sə̀ boʼo fuu ngee fə̂ u dzuŋu wə tə̀ ghə̂ ghey ghə nɔɔnə tə̀ wi ə?

Yeso n dza tə ghə nə̀, “Kə̂ ghaa nə saʼanə wù, sey nə̀, kə̂ Zə̀ kə nə saʼa soʼonə ghaa. N təŋkey, jìi zey wə̀ saʼanə nuu tii, à loʼ soʼo sey Zə̀ kə î saʼanə wɔ. Laŋ wey wə neynə ni saʼ wù nuu tii, à loʼ soʼo laŋ u tii wə Zə̀ kə i neynə ni saʼ wɔ tii.

Wù wey tə zownə ghɔɔmə zuŋ zə, ghəŋŋə way ghəə ghey n dzanə, loʼ tə̀ à loʼ wù laʼlə wey tə â bəghənə ndaw wi nə kəsəsay.

À loʼ kee wə laalənə sala fə fəkaʼ fey n sə̂ i waazu, loʼ sey nə̀ wə kee khə bàŋ kə fəkaʼ n sə̂ zə ə? Wə zəghənu ni dza tə̀ waazu nə̀, ‘N waazə, bə tə̀ n shiələ nuu sala fə fəkaʼ fey fə loʼnə n sə̂ zə, loʼ sey nə̀ bàŋ kə fəkaʼ kə loʼ n sə̂ zə ə?’

Yeso n dza tə̀ ghə nə̀, “Ney na ghə̂mə zə n tûm tə Kəzə̀ tə tsɔŋɔ tə. Ghə buulə bəghə n səə ghaa tə̀ a loʼ tənjì, loʼ sey nə̀ n fə̀ŋ tə ghə, ghə bəbə faalə tə a loʼ ubəghə. Ghaa i koʼo keeli ghə n ghəə a ghə à ghəŋŋə ghə. Wù way ni kɔy təlami nə ukaakaa nkee tə kɔy mmbuŋŋə n kaʼ fə təmgbii.

Kaʼ fə dzuŋu fə mə̂ə bə kə tam u dzuŋu wə. Kaʼ fə bəbə fə mə̂ə bə kə tam u bəbə wə.

Kaʼ fə dzuŋu fə way ni mə̂ dzə tam u bəbə wə. Kaʼ fə bəbə fə u way soʼo ni mə̂ tam u dzuŋu wə.

Abə kaʼ fə mə̂ə way tam u dzuŋu wə, ghə n fùŋ maʼa tsu, kpəghə ndòw nə uvəllə.