Iivesi zeBhayibhile ezithandwayo ezisuka Yɔni 1

Yabelana

Kɛrɛ bindɛ fooma bi yɛrɔkɔy niŋ beŋ ka thathukuma namɛŋ thaŋ e bindɛ niŋ piiteke, ndɛ dunkune bindɛ mayoho ba niyɔ mpati bi ka Masaala.

Saanuŋ kafay woŋ ba therino, wɔ wo dɔma Thampa thaŋ woŋ kiŋ nde. Wundɛ kiŋ nde iŋ Masaala, awa ndɛ wobɛina na nde Masaala.

Hiŋ waŋ babɛina ba si bɛndi ka huntuma haŋ kɛrɛ huntuma haŋ sa bɛŋ punku dɔmina.

Wɔ wo dɔma Thampa thaŋ woŋ see niyɔ wɔmɛti awa e ndɛ si niya yikiya mateete makɛntuŋ. Wundɛ thimo nde mina wumandiŋ awa e ndɛ mina tepe nɔndi baŋ ba Masaala. Miŋ kute nde yiki ba iŋ wundɛ baŋ, awa yiki ba yɔkɔŋ ndɛ nagbɛti ndɛ na kutɛ bɛŋ maŋaye ka Fandama woŋ.

Awa maŋaye kɛnama yehinuwe na Masaala munki fooma, awa Masaala tha yeheni ntha yo ntha mahɛŋ nama. Ka Thampa thaŋ kɛna ŋaye sii ba ntha yo ntha ki hɛmɛ. Awa sii babɛina bɛna see niyɔ waŋ ba biyamɛti.

Ka gbɛɛŋ wowuntheŋ woŋ, Yɔni kute Yisɔs si see ka kooye ndɛ ka iŋ bakarandeni nama beŋ. Huna dome ndɛ kɛnamɛŋ, na “Ya taka wohatiyɛ wo fuŋuŋ Masaala woŋ ba niya na biyamɛti bi kafaydo beŋ peniyo hakɛŋ namɛŋ baŋ.

Wɔ wo dɔma Thampa thaŋ woŋ kiŋ nde kafaydo, awa kafaydo yehinuwo nde maŋaye kɛnama, kɛrɛ halisa biya bi kafaydo beŋ tha niŋ ŋee. Ndɛ see nde ka kuyɛkɛŋ nama koŋ, kɛrɛ biya bikɛnama beŋ tha niŋ yɛrɔkɔ.

Bɛna nde waŋ bagbeeŋ ba nde tɔŋinɔkɔ kafaydo baŋ e bɛŋ kɔ tɔŋina waŋ ka biyamɛti fooma.

Masaala dunkuŋ nde Siraŋ nama baŋ ka biyamɛti maŋaye ka Musa. Kɛrɛ makutiyɛ nama maŋ mɛnɛ nɔndi nama baŋ see kafaydo maŋaye ka Yisɔs Kraist.