Iivesi zeBhayibhile ezithandwayo ezisuka مرقس 16

Yabelana

تے اوس اوہناں نُوں آکھیا۔ تُسی ساری دُنیا وِچ جا کے ساری خلقت دے اگّے اِنجِیل دی منادی کرو۔

تے اِیمان لیاؤن والیاں وِچ ایہہ مُعجزے ہون گے۔ پئی اوہ میرا ناں لے کے بدرُوحاں نُوں کڈھن گے۔ تے نَوِیاں نَوِیاں بولیاں بولن گے۔ اوہ سپّاں نُوں چُک لین گے۔ تے جے کُجھ زہر والی شے پی وی لین تے اوہناں دا کُجھ نئیں وگڑے گا۔ اوہ روگِیاں اُتّے ہتّھ رکھن گے۔ تے اوہ چنگے ہو جان گے۔

جیہڑا اِیمان لیاؤندا تے بپتِسمہ پاندا اے۔ سو ای نجات پاوے گا۔ تے جیہڑا اِیمان نئیں لیاؤندا۔ اوہ مُجرم کِیتا جاوے گا۔

تے اوہناں باہر جا کے ہر تھاں منادی کِیتی۔ تے خُداوند اوہناں دے نال ہو کے کمّ کر دا تے کلام نُوں اوہناں مُعجزیاں دے راہِیں جیہڑے نال نال ہوندے سن ثابت کر دا سی۔ آمِین۔

اوس اوہناں نُوں آکھیا۔ نا گھبراؤ تُسی یِسُوع ناصری نُوں جیہڑا صلِیب اُتّے چاڑھیا گیا سی لَبّھدیاں اوہ۔ اوہ تے جی اُٹھیا اے۔ اوہ ایتھے نئیں اے ویکھو ایہہ اوہ تھاں اے۔ جِتّھے اوہناں اوہنوں رکھیا سی۔

تے جد اوہناں نِگاہ کِیتی تے اوس پتّھر نُوں لانبھے ریڑھیا ہویا ویکھیا۔ پئی اوہ بُہت بھارا سی۔ تے قبر وِچ جا کے اوہناں اِک جوان نُوں چِٹّے کپڑے پایاں ہویاں سَجّے پاسے بَیٹھا ویکھیا۔ تے اوہ گھبرا گِئیاں۔