Iivesi zeBhayibhile ezithandwayo ezisuka Matias 7

Yabelana

“Ni golo'o, ḏuanga i'a ni dawongo. Ni disa, ḏuanga i'a ni sanga. Ni tolo'o ngalana, re ngalana ḏuanga i'a ya welanga.

Sababu 'a guna ḇato ga'a 'o golo'o, ḏuanga i'a 'o dawongo. 'A guna ḇato ga'a 'o disa, ḏuanga i'a 'o sanga. Re 'a guna ḇato ga'a 'o tolo'o ngalana, ḏuanga i'a ya welanga.

“Sababu gena-ge, ngowa'a mo-moini ga'a 'aḏi 'isene Ngoi 'ari demo re ya mete'e, ananga gena-ge ma tero sa'olo ngowa'a pahe matengo 'o side'oso 'ai wala toma maḏi ma re'u.

“Sababu gena-ge, 'a Musa 'ai hukumu ma do-doto'o re nabi-nabi manga do-doto'o ma ngale so'o ne: 'Oru ḇato ngini ni mau ngowa'a 'aḏi 'a'a ra ngini, ni 'a'a siḏa ra ananga.”

Mada'a ngalana re ngo'omo ga'a 'i peletoro ga'a 'i sigasa ngowa'a toma 'ahu ma dara, ngowa'a repe ua ya sanga.

Osama mete'e ngalana ga'a 'i peletoro. Sababu ngalana re ngo'omo roata ga'a 'i sigasa ngowa'a toma naraka re ngowa'a repe ya mete'e.

Kalaha ngini ngowa'a baraḏosa, ngini mai ni waro ḏi'i ni pula'a 'ori i'a ma la-la taninga ngowa-ngowa'a. Ma la-lamo'o i'a ḏi'i, ninga Ḇaḇa toma soroga! Tantu ḏua, Unanga 'o pula'a 'ori i'a ma la-la ra ananga ga'a 'aḏi golo'o ra Unanga.”

“Awa ngini ni sijuruhakimi ngowa'a, la Ma Jou'ongu Madutu ni sijuruhakimi ngini ua. Sababu ma tero sa'olo ngini ni sijuruhakimi ngowa'a, so'o gena ḏi'i Ma Jou'ongu Madutu ḏuanga i'a 'o sijuruhakimi ngini. Re ninga du-duga ga'a ngini ni pake di'a situga toma ngowa'a lelegu, du-duga gena-ge ḏi'i Ma Jou'ongu Madutu 'a pake 'a situga ra ngini!

Mada'a ngowa'a mo-moini ga'a ya 'isene Ngoi 'ari demo, mada'a ya mete'e ua, ananga gena-ge ma tero sa'olo ngowa'a haga matengo ga'a side'oso wala toma dongi ma re'u.

I'a sa'olo ngini ni oḏi'i 'o ate ma bingana taninga ioronongoḏu manga la'o, mada'a jaro jule moi taninga la'o, ni siwaro i'a ua. I'a sa'olo ngini ni kanau taninga ioronongoḏu, ‘Ino ngoi ta woi'i 'o ate ma bingana tani la'o,’ mada'a taninga la'o ma dara rema jaro jule moi?

“Ni ma'istiari toma nabi-nabi sa-sakala. Ananga 'aḏi sapolo ra ngini ma tero sa'olo doba. Mada'a ma ba-banari ananga manga maksudu 'i sijira ninga ngo-ngaku ma tero sa'olo serigala ga'a 'i oro-oromo ngowa'a. Ngini ḏuanga i'a ni nana'o ananga sa'olo nabi sa-sakala mete'e manga ga'a. Ngini ni sanga ua 'anggur ma sowo'o toma rurubu dodowo'o, re ni sanga ua 'ara ma sowo'o toma goroa dodowo'o.

So'o gena-ge ḏi'i, 'o ate 'i rousu, ma sowo'o 'i la-la. Mada'a 'o ate ma rousu ua, ma sowo'o 'i cira.

Ate 'i rousu, sanga ua enanga ma sowo'o 'i cira. So'o gena-ge ḏi'i 'o ate 'i rousu ua, sanga ua enanga ma sowo'o la-la.

Ate 'oru ḇato ga'a ma sowo'o rousu ua, wa tawele re tau'u toma u'u.