Iivesi zeBhayibhile ezithandwayo ezisuka ᒐᓂᓯᔅ 49

Yabelana

ᑎᐸᔨᒋᒐᐤ ᓯᔅᑲᐅᓐ ᓇᓂᑎᒻ ᒋᑭ ᑎᑯᓐ ᐊᓐᑕ ᐊ ᑕᒡ ᐊ ᐸᐃᑯᔅᑲᓇᓯᔨᓐ, ᑭᔭ ᒋᑦ ᐊᓂᔅᑯᑕᐸᓐᒡ ᓇᓂᑎᒻ ᒋᑭ ᑕᐧᑯᓂᒧᒡ ᑎᐸᔨᒋᒐᐤ ᓯᔅᑲᐅᓂᔪᐤ ᐅᑎᒋᐛᐛᒡ, ᐸᑎᒪ ᒋ ᑎᑯᓯᒐ ᐊᓐ ᒋᒋᐛ ᑕᐱᔨᐛᐅᓯᑦ ᓯᔅᑲᐅᓂᔪᐤ ᑭᔭ ᐎᔾ ᒐ ᓂᓇᐃᑕᑯᑦ ᐃᔪᐛ ᒥᓯᐛ ᐊᔅᐱᑎᔅᑭᒥᑲᔨᒡ᙮

ᒍᓯᑉ, ᒧᔭᒻ ᑲᓂᐧᑲᑎᓯᑦ ᑲᐸᐃᑭᔎᐤ ᒋᑦ ᐃᑕᔨᑕᑯᓯᓐ, ᑲᓂᐧᑲᑎᓯᑦ ᑲᐸᐃᑭᔎᐤ ᐊ ᑕᑦ ᐅᐱᒪ ᒧᔅᒋᒍᐅᓂᐸᑯᒡ ᐊᓐᑕ ᐅᐱᒪᔭᐛᒡ᙮ ᑲ ᐛᐧᑲᑎᔅᒡ ᐊᒂᑎᓯᐅᓂᒡ ᔅᒋ ᒪᓯᐧᑲᑯᒡ, ᑭᔭ ᒋ ᓇᓴᐅᑯᒡ ᐊ ᑕᑯᓇᒡ ᐅᑦ ᐊᒐᐱᐛᐛ ᑭᔭ ᐅᑭᔅᑯᐛᐛ᙮

ᒥᒄ ᔅᑎᒋᔾ ᐊᓐᑕ ᑎᔭᑯᓂᑦ ᐊᒐᐱᔾ ᓇᒪ ᓂᓇᒥᐱᔪᐤ᙮ ᒥᔅᑯᐎᑕᑭᓄᐛ ᒋᔅᐱᑐᓇ ᑭᔭ ᔅᑎᒋᔭ ᐅᓱᐧᑲᑎᓯᐅᓂᒡ ᐅᒡ ᒥᓯᐛ ᐊᓯ ᓱᐧᑲᑎᓯᔨᒋ ᒐᑭᑉ ᐅᒋᓴᒪᓂᑐᒪ, ᐊᓐ ᐃᔭᐱᒡ ᐊᓯᓂᐧᑲᑕᑭᓄᐅᑦ ᒪᔭᑕᓂᓯᐅ-ᐃᔪᐤ ᑭᔭ ᐃᔅᕋᐃᓪ ᐅᒋᔅᑕᐱᔅᑯᒪ᙮ ᐊᐅᑯᓐ ᐊᓐ ᐊᔭᒥᐊᔅᑐᐅᒃ ᒋᓴᒪᓂᑐᐤ ᒐ ᐛᐎᒋᐃᔅᒃ᙮ ᒥᓯᐛ ᐊᓯ ᓱᐧᑲᑎᓯᑦ ᒋᓴᒪᓂᑐᐤ ᐊᓐ ᒐ ᓱᐛᔨᒥᔅᒃ, ᒐ ᒥᔨᔅᒃ ᓱᐛᔨᒋᒐᐅᓇ ᒋᒋᒋᓯᑯᒡ ᐅᒡ, ᓂᐱᔪᐤ ᒧᔅᒋᒍᐅᓇᐳᒡ ᐅᒡ ᐊᓐᑕ ᑕᒥᔅᑭᒥᑲᒡ ᐅᒡ, ᑭᔭ ᓱᐛᔨᒋᒐᐅᓇ ᒐᒋ ᒥᒐᑎᒡ ᒋᒥᒋᑎᐧᑯᒥᒡ ᑭᔭ ᒋᑦ ᐊᐛᓯᒥᒡ᙮

ᒍᑕ, ᒋ ᓴᐧᒋᐊᐅᒡ ᒥᓯᐛ ᑲ ᐛᐧᑲᑎᔅᒡ᙮ ᐊᑯ ᑭᔭ ᒐ ᒪᒥᒋᒥᔅᒡ ᑭᔭ ᒐ ᓄᐛᒋᔅᑕᔅᒡ ᒋᐧᑲᓂᓯᒡ᙮ ᒍᑕ ᓂᑯᓴ, ᒋ ᓱᐧᑲᑎᓯᓐ ᒧᔭᒻ ᒥᓯᐱᓱᐤ᙮ ᐊᐛᓯᓯᒡ ᐅᐎᔭᓱᐛᐤ ᔅᒋ ᐅᒋ ᐱᒥᓂᑯᐅᓐ, ᒧᔭᒻ ᒥᓯᐱᓱᐤ ᒋ ᐱᑎᐱᓐ ᑭᔭ ᒋ ᐱᒥᓯᓐ, ᓇᒪ ᐊᐛᓐ ᑯᒂᑕᔨᑎᒻ ᒐᒋ ᐅᐧᑲᐊᑦ᙮

ᕈᐱᓐ, ᓂᓂᔅᑎᒧᓴᓐ, ᒋᔾ ᐅ ᓂᒥᔅᑯᓯᐅᓐ ᑭᔭ ᓂᔅᑎᒻ ᐅᑯᓯᒪᐤ ᑲᒋᓴᐸᐎᔭᓐ, ᑲ ᒋᔅᑕᔨᒧᑦ ᑭᔭ ᒪᐅᒡ ᑲ ᓱᒋᓯᑦ ᒥᓯᐛ ᓂᑯᓯᒡ᙮ ᐛᔅ ᒧᔭᒻ ᐊᑲ ᒋᑲᐛᑕᔨᑕᒂᒡ ᐊ ᐃᔅᒋᐸᒡ ᒂᑕᔨᑕᑯᓯᔨᓐ, ᒥᒄ ᓇᒪ ᓴᔅ ᒋᑭ ᒋ ᒥᔅᑎ ᐃᔅᐱᑕᔨᑕᑯᓯᓐ, ᐛᔅ ᔅᒋ ᐎᐸᒪᐤ ᓂᐅ ᑭᔭ ᔅᒋ ᐅᓂᑐᑕᓐ ᓂᓂᐸᐅᓂᒡ᙮