Iivesi zeBhayibhile ezithandwayo ezisuka MATHAYO 6

Yabelana

Îgûrû rîa mantû monthe cûani ûnene bwa Abaagu ûra arî îgûrû na rûthagaani kwenda gwake, rîru bibu bionthe bûrî bata na bio akabwaa.

Kwoogu bûtikaamakîre mantû ma rûû. Rûû rûkeemakîra rungwa. Wantugû îrî na mathîîna ma yo ma kûgana.”

Yiesû auga, “Ka mbwîreeni, bûtikeemakîre bûkîûragia i mbi bûkaarîa, i mbi bûkaanyua, kana i kû bûkaaruta nguo cia gwîkîra. Anga mwoyo t'uu ûrî gîtûmi nkûrûki ya irio na mwîrî na uu nkûrûki ya nguo?

Wenda kûromba thûngîra nyomba winge mûrango ûrombe Abaagu ûra arî îgûrû, ûra atoonagwa na meetho, na n'ûntû we noonaga mantû ma witho agakwa kîewa.

Rombagaani ûûgû, ‘Baaba wetû ûra ûrî îgûrû, riîtwa rîaku rîgongagwe. Ûnene bwaku bûûye, kwenda gwaku kûrûthagwe gûkû nthîgûrû ta bûra kûrûthagwa îgûrû.

Tweyage irio bia gûtûgana.

Tûrekagîre mabîtia meetû ta bûra tûrekagîra bara batûbîtagîria.

Ûtikaareke tûthûngîra magerioni, tûtunyûkagie ûra mûthûûku. [Ûnene, inya, na mwago i biaku tene na tene. Aameni.]’

Weegua bûkaarekagîra bara babûbîtagîria, wana Abaagu ûra arî îgûrû akabûrekagîra.

Taraithaani nyoni. Cio itiandaga na itikethaga kana ciaiga irio makûmbîîni. Abaagu ûra arî îgûrû n'we acieyaga irio. I biû bûrî gîtûmi nkûrûki ya cio?

Yiesû auga, “Bûtikeebaigîre ûtonga bwa gûkû nthîgûrû bwîgwetie bu, n'ûntû ndugunye na nganka nwa ibuînyangie kana bûkaiywa n'amba. Îbaigîreeni ûtonga bwa îgûrû bûra bûtaûmba kwînyangua i ndugunye kana nganka, kana mwamba athûngîra aiya. Ara ûtonga bwa muntû bûrî noogo nkoro yake îîgagua îrî.”

“Gûtirî muntû aûmba gûtûmîkîra anene baîrî. Nwa amenire ûmwe eenda ûra ûngî, kana aathîkîîre ûmwe atatîîye ûra ûngî. Bûtiûmba gûtûmîkîra Ngai na bûtûmîkîra ûtonga.”

Biû antû ba wîtîgio bûûkai! Ûkeegua Ngai nakûthongamia nyaki ya kîthaka bûgana ûgu rî, nyaki îkwîgua îrî îmbîthî îmunthî na rûû gûgîkinya îkîgerwa mwankiini rî, î biû akaabûmenyeera bûgana ata?

Rîra ûkweyana ûteethio, wana njara yaku ya ûmotho îtikaamenye bûra njara ya ûrîo îkûrûtha, kaingo ûteethio bwaku bûtuîka bwa witho, na Abaagu ûra oonaga mantû withooni agakwa kîewa.”

Yiesû auga, “Îmenyeereeni rîra bûkûrûtha mantû meega bûtigaakare taka bûkwîbonania kîrî antû. N'ûntû bwarûtha ûgu bûtiona kîewa kuuma kîrî Abaagu ûra arî îgûrû.

Yiesû auga, “Bwatîîrîra kûrîa n'ûntû bwa maromba, bûtikang'onyarie moothiû meenu ta bûra eebwithia barûthaga kaingo boonia antû ibatîîrîrîte kûrîa n'ûntû bwa kûromba Ngai. Na mma ga nkûbwîra kîewa kîao nwa gîku. Bwatîîrîra kûrîa n'ûntû bwa maromba thambagaani meetho, bûgaaka ntundu maguta na bûgaicanûra ta wîthîre, kaingo bûtoonia antû bwîrekeetie n'ûntû bwa kûromba Ngai. Igûtuîke nwa Abaagu ûra atoonagwa na meetho wenka aiyî. Na n'ûntû n'we oonaga mantû ma witho, akabwaa kîewa.”