Iivesi zeBhayibhile ezithandwayo ezisuka मत्ती 26

Yabelana

ख्‍यिराङ शैतानकी खोक्‍पा ल्‍हापला मेख्‍येल्‍शी सिनी ङ्‍यिमालोका क्‍यानी मोपोर की। सेमला ति कितुप नो वे, यिन्‍सिनाङ जुकी अला कि मुथुपी।”

तमा खोकी तिवाला सुङ्‍सुङ, “ङला छासे सेम्‍दुक लानी शेप दोके छ्‍याता छ्‍यिता गल वे। तुक क्‍यानी ख्‍यिराङ ङे मुला ङ्‍यिमालोका क्‍यानी देता।”

तमा खो ति चेयी फेचेक फेप्‍नी खवुतुङ्‍मा ज्‍युनी दुक सिनी मोपोर क्‍या नाङ्‍सुङ, “ओ ङे पपा, च्‍युङ थुप्‍सिन दी छेटाङकी कोरा ति ङ नेसुर दोनी नाङ। यिन्‍सिनाङ ङे नोवा दोके मिन, पपी नोवा दोके राङ च्‍युङ्‍शी।”

ती ति मी बङीकी थोक्‍ला दिक्‍पा ने थर ज्‍यितुपला देन्‍दुप कोन्‍छ्‍योककी थाक्‍छ्‍येन नङ्‍गुप ङे ठक यिन।

खोतिवा डेन शेयी वोतुप पेला येशूकी शुब्‍ज्‍याङ लानी कोन्‍छ्‍योकला थुचिछे पुल्‍सिमा ती शुब्‍ज्‍याङ ति च्‍याक्‍सुङ। तमा लोमातिवाला तेरिन सिरा दुक सुङ्‍सुङ, “लानी सो, दी ति ङे जु यिन।”

तमा येलुङ खोकी कोरा लानी कोन्‍छ्‍योकला थुचिछे पुल्‍सिमा तिवाला तेरिन सिरा दुक सुङ्‍सुङ, “ख्‍यिराङ तेरीकी दी कोरा नेसुर थुङ।

ती ज्‍युक्‍ला खो लोमातिवी चाला फेप्‍सालेन्‍सिन तिवा ङ्‍यी गलुप थोङ्‍सुङ। खोकी पत्रुसला सुङ्‍सुङ, “काङ ख्‍यिराङ घण्‍टा च्‍यिक साङ ङे मुला ङ्‍यिमालोका क्‍यानी दे मुथुपी?

तमा ङ ख्‍यिराङला सिरिन, ङे पपी ग्‍येल्‍खापला ख्‍यिरा मुला सम्‍बा माथुवा सेक्‍ला ङ येलुङ गुन्‍डुम दोङ्बी डेलु नेमा जोवु ति मुथुङ।”

तमा “च्‍यवु कुकुरी देन्‍दुप सिनाङ गोमाला ख्‍योरो ङला थेङ्‍मा सुम ङो मेशेवी सिवी।” सिनी येशूकी सुङ्‍गुप ति टेन्‍नी पत्रुस ति पाङ्‍ला गल्‍नी कशेन ङुसुङ।

लो, मुला राङ डोप। ल्हो ताङ, ङला जिम तेरुप ति चाला राङ वा वे।” सिनी सुङ्‍सुङ।

तमा येशूकी ती खुर्पा ग्‍यकुप तीला सुङ्‍सुङ, “ख्‍योरो खुर्पा ति शुपकी नाङ्‍ला च्‍यी। च्‍यिलासिसिन खुर्पा थोकुप मीतिवा खुर्पा थ्‍वोनी राङ ना डिवी।