Iivesi zeBhayibhile ezithandwayo ezisuka Maatiyu 7

Yabelana

“Toree, ɗum hokkay'on. Ɗaɓɓitee, on keɓay. Cilminee, ɗum maɓɓitanay'on dammugal.

Ngam koo moye toriiɗo ɗum hokkaymo, ɗaɓɓutuɗo boo heɓay, nden koo moye cilminiiɗo ɗum maɓɓitanaymo dammugal.

“Ngam non, neɗɗo fuu nanɗo ɗe'e boliiɗe am waɗi ko mbiimi e nandi e neɗɗo gooduɗo faamu mahuɗo wuro muuɗum dow tafaare.

“Fuu ko ngiɗɗon woɓɓe ngaɗana'on, onon maa ngaɗaneeɓe non, ngam kanjum woni ko Attawra e Defte Annabo'en mbi'i.

Ammaa dammugal jaarayngal yonki ki re'ataa ngal ɓiɗɗiingal, ɗonmaa ɗatal jaarayngal yonki ki re'ataa e ngal saɗi tokkuki, yimɓe seɗɗa tokkatangal.

“Nattiree dammugal ɓiɗɗiingal. Ngam dammugal jaarayngal halkere ngal jaajungal, nden ngal saɗaa tokkuki, nattirooɓengal e ɗuuɗi.

To onon kalluɓe, on andi no kokkirton ɓiɓɓe mooɗon fii boɗɗum, hakko Nyaako mooɗon Mo Dow! O ɓuray non hokkuki toriiɓemo fii boɗɗum!

“To' on kiito woɓɓe, ngam to' ɗum hiito'on. Ngam non no kiitoriiɗon woɓɓe, onon maa non ɗum hiitorantoo'on, nden e poondirgel ngel poondirɗon, e maagel ɗum foondiranta'on.

“Ammaa koo moye nanɗo boliiɗe am waɗaayi ko mbiimi e nandi e neɗɗo mo walaa hakkiilo mahuɗo wuro muuɗum dow njaareendi.

Ngam ɗume ndaarataa geenel gongel nder hitere bandiraawo maaɗa, ammaa a wannaayi e legga wonga nder hitere maaɗa? No waɗata mbi'aa bandiraawo maaɗa, ‘Al mi ittanmaa geenel nder hitere maaɗa,’ nden boo e woodi legga nder hitere maaɗa?

“Paamanee annabo'en fewre garayɓe to mooɗon nder nandi baali, ammaa nder ɓerɗe maɓɓe e ɓe nandi e caafaali kalluɗi. On anditirayɓe kuuɗe maɓɓe. Ɗum heɓataa ɓikkoy inabooje to gi'ehi, koo ibbe daga to kooraaje.

Non maa, koo kiye lekki boɗki e ki rima ɓikkoy mboɗkoy. Lekki ki wooɗaa boo e ki rima ɓikkoy koy mbooɗaa.

Lekki boɗki rimataa ɓikkoy koy mbooɗaa. Non maa, lekki ki wooɗaa rimataa ɓikkoy mboɗkoy.

Fuu lekki ki rimataa ɓikkoy mboɗkoy ɗum fe''ayki ɗum faɗɗaki nder hiite.