Iivesi zeBhayibhile ezithandwayo ezisuka Zãa 1

Yabelana

Gbɛ̃́ pɔ zɛ̀aanɔ aa aà naaikɛ̀ɔ sɔ̃, à ń gbá zɛ́ aa gɔ̃̀ Lua nɛɔ ũ.

A sĩnizĩ Yã ku, Yãpi ku ń Luao mɛ́ Yãpiá Luaɛ.

Gupuapi lɛ́ bii gusiau, ɔ̃ gusia i aà sio.

Yãpi gɔ̃̀ gbɛ̃nazĩna ũ, à gɔɔplakɛ̀wanɔ, ɔ̃ wa aà gawi è, Mae Lua Nɛ mɛndona gawiɛ, gbɛ̃kɛ ń sĩanao pɛ̀ɛwà.

Lua pɔpii kɛ̀ aà sabaiɛ, pɔe ku à kɛ̀ aà saio. Aà guu wɛ̃ni kuu, mɛ́ wɛ̃nipi dɛ gupua ũ gbɛ̃́ɔnɛ.

Kɛ́ a gu dɔ̀, Zãa Yesu è, àlɛ mɔ́ a kĩi, ɔ̃ à mɛ̀: Sã pɔ Lua kpà a dũnia duuna wolon we.

A ku dũniau. Baa kɛ́ Lua dũnia kɛ̀ aà sabai, dũnia i aà dɔ̃o. À mɔ̀ a bɛ, ɔ̃ aà gbɛ̃́ɔ i aà dilɛo.

Gupua sĩande pɔ ì gupu gbɛ̃piiɛ mɛ́ lɛ́ mɔ́ dũniau.

Lua a ikoyã kpàwɛ̃ɛ Mɔiziwa, à gbɛ̃kɛ ń sĩanao kɛ̀wɛ̃ɛ Yesu Kilisi sabaiɛ.