Iivesi zeBhayibhile ezithandwayo ezisuka فیلیپیان ۴

Yabelana

هیچی وأسی دیل نیگران نیبید، بلکی همه چی وأسی دوعا و خوأهش تمنا اَمرأ، هَطویم شکرگزاری مره، شیمی خوأسته‌یأنَ خودایَ بیگید.

اَطویی خودا آرامش کی تومامٚ عقلٚ جأ بوجورتره، شیمی دیل و فیکرَ در مسیح عیسی حفظَ کونه.

آخرٚ سر، اَی برأرأن، هر چی کی راسته، هر چی کی سرتره، هر چی کی دوروسته، هر چی کی پاکه، هر چی کی دوس دأشتنی‌یه، هر چی کی شأ اونٚ خُبی‌یَ گفتن و هر چی کی عالی و قابلٚ ستایش کودنه، اوشأنٚ رِه عمیق فیکر بوکونید.

همه چیزٚ قودرتَ دأرم در اونْ کی مرَ قوّت فأدٚه.

همیشه در خوداوند شاد بیبید؛ ایوار دِه گم: شاد بیبید.

و می خودا تومامٚ شیمی نیازأنَ خو پور جلالٚ ثروتٚ اَمرأ در مسیحْ عیسی، برطرف کونه.

اونچی کی می جأ بامُختیدی و قوبیل بوکودید و هر چی کی می جأ بشتأوستیدی و یا می جأ بیده‌ییدی، هونَ عمل بوکونید، کی خودایٚ آرامش شیمی اَمرأ ایسِه.

وئلید شیمی مولایمت همه کسٚ رِه آشکارَ به. خوداوند نزدیکه.

فقیرْ بوستنٚ معنی‌یَ دأنم، هَطویم ناز و نعمتٚ میأن زندگی کودنَ. هر وضع و حالٚ دورون، چوطو زندگی کودنٚ رمز و رازَ یاد بیگیفتم، سِئری یا ویشتأیی میأن، دارایی و نداری میأن.

اَنَ ایحتیاجٚ وأسی نگم، چره کی بامُختم کی هر حالٚ میأن قانع ببم.