San Mateo 5

5
Jesús oñemoñe'ẽ peteĩ yvyty ári guive
1Ohechávo Jesús hetaha umi ijatýva, ojupi peteĩ yvytymíme ha upépe oguapy. Hemimbo'e kuéra oñembyaty ijerekuévo, 2ha Jesús oñepyrũ ombo'e chupe kuéra he'ívo:
3“Ovy'a vaerã umi ohecha kuaáva imboriahuha ipy'apýpe, chupe kuéra guarã hína ñesãmbyhy yvágagui oúva.
4Ovy'a vaerã umi ohasa asýva,#Is 61.2. Tupã voi omyangapyhýta chupe kuéra.
5Ovy'a vaerã umi ojejapo'ỹva,#Sal 37.11. Tupã ome'ẽta chupe kuéra yvy imba'e teerã.
6Ovy'a vaerã umi Tupã rembipotánte oipotáva ojehu,#Pr 9.5; Is 55.1-2; Eclo 24.21. ha'e ome'ẽta chupe kuéra opa oikotevẽva.
7Ovy'a vaerã umi oiporiahurerekóva hapichápe, Tupã oiporiahurerekóta chupe kuéra.
8Ovy'a vaerã umi ipy'a potĩva,#Sal 24.3-4. ha'e kuéra ohecháta Tupãme.
9Ovy'a vaerã umi oporomoingo porãva,#Pr 12.20. Tupã oguerekóta chupe kuéra ita'ýra ha itajýra ramo.
10Ovy'a vaerã umi ohasa asýva Tupã rembipota ojapógui,#1 P 3.14. chupe kuéra guarã hína ñesãmbyhy yvágagui oúva.
11Pevy'a vaerã pejeja'o ha pehasa asy ramo,#1 P 4.14. ha oje'e ramo pende rehe opa mba'e vai, che ndive peikógui. 12Pevy'a ha pende py'a rorýke,#2 Cr 36.16; Hch 7.52. tuicha jopói oñeme'ẽtagui peẽme yvágape. Peẽicha avei, maranduhára*f** kuéra ohasa asy vaekue peẽ mboyve.”
Juky ha mba'e rendy
(Mc 9.50; Lc 14.34-35)
13Peẽ niko jukýicha hína ko yvy ári. Juky nahe'ẽvéi ramo niko ndaikatu véima oñemohe'ẽ jey, naiporã véima mba'everã. Upévare, okápe oñemombo ha oñepyrũmba hese.#Mc 9.50; Lc 14.34-35.
14Peẽ niko mba'e rendýicha hína ko yvy ári.#Jn 8.12; 9.5. Peteĩ táva oĩva yvyty ru'ãme niko ndaikatúi ndojehecháivo. 15Avave niko nomyendýi mba'e rendy ha upéi omoĩ mbayru guýpe térã tupa guýpe. Yvate katu oñemoĩ,#Mc 4.21; Lc 8.16; 11.33. ohesape haguã óga ryepýpe oĩvape. 16Péicha aveíke, peñeha'ã peẽ pehesape opavave renondépe. Ha ha'e kuéra ohechávo pene rembiapo porãngue, omomba'e guasúta pende Ru, yvágape oĩvape.#1 P 2.12.
Jesús oporombo'e Moisés rembiapoukapy rehe
17Ani peimo'ã che aju hague amboyke haguã Moisés rembiapoukapy térã umi mba'e maranduhára kuéra oporombo'e vaekue. Che ndajúi amboykévo umíva, aju umíva ojehupa haguã hekoitépe. 18Añete ha'e peẽme, yvága ha yvy oĩ aja, mba'evete asy ndojepe'a mo'ãi Moisés rembiapoukapýgui, ojehupa peve umi mba'e ipype oĩva.#Lc 16.17. 19Upévare, upe omboykéva Tupã rembiapoukapy ha ojapo'ỹva pe michĩvéva jepe, ha oporombo'éva péicha ojejapo haguã, upévata pe michĩvéva Tupã oporosãmbyhyhápe yvágape. Upe Tupã rembiapoukapy ojapo ha oporombo'éva katu, tuicháta Tupã oporosãmbyhývo yvágape. 20Che ha'e peẽme ikatutaha peguahẽ yvágape Tupã oporosãmbyhyhápe, peẽ peñeha'ãve ramo pejapo Tupã rembipota, umi Moisés rembiapoukapýre oporombo'évagui ha fariséo kuéragui.
Jesús oñe'ẽ jejukáre
(Lc 12.57-59)
21Peẽ peikuaa yma oje'e hague pende ypy kuérape: “Aníke reporojuka.#Ex 20.13; Dt 5.17. Pe oporojukáva oñembojovake vaerã.” 22Che katu ha'e peẽme: Opavave oñembojovake vaerã ipochy haguére hapicha ndive. Ha oimérõ he'íva hapichápe ‘Nde výro’ upéva ojereraha vaerã karai kuéra renondépe. Ha pe he'íva hapicháre ‘Nde aña ra'y’ upéva ohóta ochyryry aña retãme.
23Upévare, rerahakuévo hína ne mba'e kuave'ẽ altárpe ha nemandu'a sapy'a nde rapicha ipy'a vaiha ne ndive, 24eheja ne mba'e kuave'ẽ pe altar renondépe ha tereho nde rapicha rendápe. Eñemoĩ porã raẽ hendive ha upéi katu eju altárpe ha eme'ẽ ne mba'e kuave'ẽ.
25Oimérõ nde rerahaséva ñembojovakehápe, tapére ikatu aja gueteri, eñeha'ã eñemoĩ porã hendive. Upeicha'ỹrõ, pe mbojovakehára ne me'ẽta mburuvichápe, ha mburuvicha ne moingéta yvyrakuápe. 26Añetehápe ha'e ndéve, upégui neresẽ mo'ãi neremyengoviapái peve viru pehẽngueminte jepe ndéve hembýva.
Jesús oñe'ẽ ñemyakã ratĩre
27Peẽ peikuaa oje'e hague yma: “Ani reporomyakã ratĩ.”#Ex 20.14; Dt 5.18. 28Che katu ha'e peẽme: Oimeraẽ oma'ẽva peteĩ kuñáre ha oguerekose chupe, upéva ku oikómarõ guáicha hendive ipy'apýpe.
29Upévare, nde resa nde reitýtarõ angaipápe, enohẽ ha mombyry emombo. Iporãve niko oñehundi nde rete michĩ ra'ymi, aña retãme rejeity rangue nde rekovete.#Mt 18.9; Mc 9.47. 30Ha nde po nde reitýtarõ angaipápe katu eikytĩ, ha mombyry emombo. Iporãve niko oñehundi nde rete michĩ ra'ymi, aña retãme rejeity rangue nde rekovete.#Mt 18.8; Mc 9.43.
Jesús oñe'ẽ ména ha tembireko juejáre
(Mt 19.9; Mc 10.11-12; Lc 16.18)
31Oje'e vaekue avei: “Oimeraẽ opoíva hembirekógui, ome'ẽ vaerã chupe kuatia he'íva opoiha chugui.”#Dt 24.1-4; Mt 19.7; Mc 10.4. 32Che katu ha'e peẽme: “Peteĩ kuimba'e opoírõ hembirekógui, ha ndaha'éi ramo omenda'ỹ vaerã haguére ojuehe hikuái, hese opẽta ágã hembirekore oporomyakã ratĩrõ omenda jeývo. Pe kuimba'e hese omendáva, oporomyakã ratĩta avei hína.”#Mt 19.9; Mc 10.11-12; Lc 16.18; 1 Co 7.10-11.
Jesús oñe'ẽ ñe'ẽ ñame'ẽvare
33Peikuaa avei oje'e hague pende ypy kuérape yma: “Ani repyrũ ne ñe'ẽ Ñandejára renondépe reme'ẽ vaekuére.”#Lv 19.12; Nm 30.2; Dt 23.21. 34Che katu ha'e peẽme: Ani peme'ẽ pene ñe'ẽ mba'eveichavérõ. Ani yvágare, cháke upéva Ñandejára guapyha, 35térã yvýre, cháke upéva ipyenda.#Is 66.1; Mt 23.22; Stg 5.12. Ani Jerusalén rehe, upévako mburuvicha guasu Tupã táva.#Sal 48.3. 36Pene akãre jepe ani peme'ẽ pene ñe'ẽ. Peẽ niko ndaikatúi, peteĩ pene akãraguénte jepe pemyapatĩ térã pemohũ. 37Peje uvei ‘Hẽe’, térã ‘Nahániri’. Pejeve ramo, upéva ou Pe Ivaívagui.
Mba'éichapa ñamyengovia vaerã ñande rehe ojejapóva
(Lc 6.29-30)
38Peikuaa oje'e hague: “Oimeraẽ ohesa mombúva ramo hapichápe, chupe ojehesa mombu vaerã. Ohãi'o ramo hapichápe, chupe oñehãi'o vaerã.”#Ex 21.24; Lv 24.20; Dt 19.21. 39Che katu ha'e peẽme: “Ani pemyengovia pe ivaíva ojapóvape pende rehe. Oĩ ramo nde rova petéva, eheja ta nde rova pete jovái.#Lm 3.30. 40Oĩ ramo nde rerahaséva mbojovakehápe oipe'aségui ndehegui nde ao, eheja togueraha nde ahoja avei. 41Oĩ ramo oguerojaukaséva ndéve imba'e pohýi 1 legua, eraha chupe 2 legua. 42Oimérõ omba'e jeruréva ndéve, eme'ẽ chupe upe ojeruréva. Oĩ ramo omba'e poruséva, eiporuka chupe.”
Mba'éichapa jahayhu vaerã ñande rehe ija'e'ỹva
(Lc 6.27-28,32-36)
43Peikuaa avei oje'e hague: “Ehayhu nde rayhúvape,#Lv 19.18. ha na nde a'éi vaerã nde rayhu'ỹvare.” 44Che katu ha'e peẽme: “Pehayhu umi pende rayhu'ỹvape, ha peñembo'e umi pene mbohasa asývare. 45Péicharõ peẽ pehechaukáta pejoguaha pende Ru yvágape guápe. Ha'e niko oheja kuarahy ojope peteĩcha iñaña ha imarangatúvape guarã, ha ogueru ama hembiapo porã ha hembiapo vaívape guarã. 46Mba'éicha piko Tupã omyengoviáta peẽme, peẽ pehayhúrõ umi pende rayhúvapente? Umi viru ombyatýva táva Roma peguarã jepe niko péicha oiko. 47Ha peẽ peñe'ẽrõ umi peikuaávapente, piko mba'e iporãva oĩ upévape? Umi Tupãre ojerovia'ỹva jepe niko péicha ojapo. 48Pene marangatúke peẽ, pende Ru yvágape oĩva imarangatuháicha.”#Lv 11.44-45; 19.2; Dt 18.13.

موجودہ انتخاب:

San Mateo 5: GPC2006

سرخی

شئیر

کاپی

None

Want to have your highlights saved across all your devices? Sign up or sign in

YouVersion آپ کے تجربے کو ذاتی بنانے کے لیے کوکیز کا استعمال کرتا ہے۔ ہماری ویب سائٹ کا استعمال کرتے ہوئے، آپ ہماری کوکیز کے استعمال کو قبول کرتے ہیں جیسا کہ ہماری رازداری کی پالیسیمیں بیان کیا گیا ہے۔