गिनती 7
7
वेदीन अभिषेक आरू डाहडान भेट
1ओळी जव मूसा तम्बू तानियो आरू सारो समान क सात मा हेको अभिषेक करीन हेको चुखो करीयो आरू सारा समान क सात मा वेदीन बी अभिषेक करने करीन हेको चुखो करीयो, 2तव इसराएलीन डाहडा जो आपसा-आपसा आड़ा बुड़ान घरानान मुखी ओदेमड़ा, आरू कुळोन बी डाहडा हुयीन गिनती लेनेन काम पर नेवाड़ला हुता, 3त्या योहोवान सामने भेट ली आया, आरू हेनकी भेट छव ढुपा छावली गाड़ीया आरू बारेह बयलीया हुता, मतलब दूय-दूय डाहडान तरफ सी एक-एक गाड़ी, आरू एक-एक डाहडान तरफ सी एक-एक बयलीया; हेनको त्या निवासन सामने योहोवा भगवानन सात ली गीया। 4तव योहोवा भगवान मूसा सी कयो, 5“उनी चीजन को हेनका सी ली लेयो कि मिलपवाळा तम्बून सेवान काम मा आवे, हतरान करीन हेनको लेवीयान क खास सेवा न अनसारे वाट देयो।” 6ओळते मूसा त्या गाड़ीया आरू बयलीयान को लीन लेवीयान क आप दीदो। 7गेर्शोनियान को हेनकी सेवान अनसारे मूसा दूय गाड़ीया आरू च्यार बयलीया आपीयो; 8आरू मरारियान को हेनकी सेवान अनसारे त्यो च्यार गाड़ीया आरू आठ बयलीया आपीयो; ये सब हारून पुजारान पोर्या ईतामारन हक मा कर दियो गयो। 9पुण मूसा कहातियान को त्यो काहय बी नी आपीयो, काहकी हेनका वाटे चुखली चीजन यी सेवा चाखरी हुती कि त्या आपसा कान्धा पर हाकली लिया करे। 10ओळी जव वेदीन अभिषेक हुयो तव डाहडा हेका समर्पणन भेट वेदीन साते ली जाने लागीया। 11अतरान करीन की योहोवा परमेश्वर मूसा सी कयो, “वेदीन सोपने वाटे डाहडा लोगहन आपसी आपसी भेट आपसा आपसा टाकला दाहड़ा पर चढ़ावे।” 12हतरान करीन जो ओदेमड़ो पेहले दाहड़े आपसी भेट ली गीयो त्यो यहूदा कुळ वाळा अम्मीनादाबन पोर्यो नहशोन हुतो; 13ओकी भेट यी हुती, मतलब चुखला जागान शेकेलन हिसाब सी एक सोव तीस शेकेल चाँदीन एक परात, आरू सत्तर शेकेल चाँदीन एक वाटको, या सब दुयू अन्नभेंट वाटे तेल सी सेकायला मैदा सी भरायला हुता; 14ओळी धूफ सी भरायला दस शेकेल सोनान एक धूपदान; 15होमबलि वाटे एक केवड़ो, एक गाडरा, आरू एक सालोन एक गाडरीन पीलो; 16पापबलि वाटे एक बकड़ो; 17आरू मेलबलि वाटे दूय बयलीया, आरू पाच मेढा, आरू पाच बकड़ा, आरू एक सालन पाच गाडरीन पीला। अम्मीनादाबन पोर्या नहशोन न यी भेंट हुती। 18दिसरे दाहड़े इस्साकारन डाहडा सूआरन पोर्या नतनेल भेट ली आयो; 19त्यो यो हुतो, मतलब चुखला जागान शेकेलन हिसाब सी एक सोव तीस शेकेल चाँदीन एक परात, आरू सत्तर शेकेलन चाँदीन एक वाटको, या दुयू अन्नभेंट वाटे तेल सी सेकायला मैदा सी भरायला हुता; 20ओळी धूप सी भरायला सद शेकेलन सोनान एक धूपदान; 21होमबलि वाटे एक केवड़ो , एक मेढ़ो, आरू एक सालन एक गाडरीन पीलो; 22पापबलि वाटे एक बकड़ो 23आरू मेलबलि वाटे दूय केवड़ा, आरू पाच गाडरा, आरू पाच बकड़ा, आरू एक एक सालन पाच गाडरीन पीला। सूआरन पोर्यान नतनेलन यी भेंट हुती। 24तीसरे दाहड़े जबूलूनियान डाहडा हेलोनन पोर्या एलीआब भेट ली आयो, 25मतलब चुखला जागान शेकेलन हिसाब सी एक सोव तीस शेकेलन चाँदीन एक परात, आरू सत्तर शेकेल चाँदीन एक वाटको, या दुयू अन्नभेंट वाटे तेल सी सेकायला मैदा सी भरायला हुता। 26ओळी धूप सी भरायला दस शेकेल सोनान एक धूपदान; 27होमबलि वाटे एक केवड़ो, एक गाडरा, आरू एक सालन एक गाडरीन पीलो; 28पापबलि वाटे एक बकड़ो; 29आरू मेलबलि वाटे दूय बयलीया, आरू पाच मेढ़ा, आरू पाच बकड़ा, आरू एक सालन पाच गाडरीन पीला। हेलोनन पोर्यान एलीआबन यी भेंट हुती।
30चवथे दाहड़े रुबेनियान डाहडा शदेऊरन पोर्यो एलीशूर यी भेट ली आयो, 31मतलब चुखलाजागान शेकेलन हिसाब सी एक सोव तीस शेकेलन एक परात, आरू सत्तर शेकेलन एक चाँदी वाटको, या दुयू अन्नभेंट वाटे तेल सी सेकायला वारला पीठा सी भरायला हुता; 32ओळी धूप सी भरायला सद शेकेल सोनान एक धूपदान; 33होमबलि वाटे एक केवड़ो आरू एक मेढ़ो, आरू एक सालन एक गाडरीन पीलो; 34पापबलि वाटे एक बकड़ो; 35आरू मेलबलि वाटे दूय बयलीया, आरू पाच गाडरा, आरू पाच बकड़ा, आरू एक-एक सालन पाच गाडरीन पीला। शदेऊरन पोर्यान एलीशूरन यी भेंट हुती।
36पाँचवे दाहड़े शिमोनियान डाहडा सूरीशद्देन पोर्यो शलूमीएल यी भेट ली आयो, 37मतलब चुखलाजागान शेकेलन हिओसाब सी एक सोव तीस शेकेल चाँदीन एक परात, आरू सत्तर शेकेल चाँदीन एक वाटको, या दुयू अन्नभेंट वाटे तेल सी सेकायला वारला पीठा सी भरायला हुता; 38ओळी धूप सी भरायला दस शेकेल सोनान एक धूपदान; 39होमबलि वाटे एक केवड़ो, आरू एक मेढ़ो, आरू एक सालन गाडरीन पीलो; 40पापबलि वाटे एक बकड़ो; 41आरू मेलबलि वाटे दूय बयलीया, आरू पाच मेढ़ा, आरू बकड़ा, आरू एक-एक सालन पाच गाडरीन पीला। सूरीशद्देन पोरयान शलूमीएलन यी भेंट हुती।
42छटवे दाहड़े गादियान डाहडा दूयेलन पोर्यो एल्यासाप यी भेट ली आयो, 43मतलब चुखलाजागान शेकेलन हिसाब सी एक सोव तीस शेकेलन चाँदीन एक परात, आरू सत्तर शेकेलन चाँदीन एक वाटको, या दुयू अन्नभेंट वाटे तेल सी सेकायला मेदा सी भरायला हुता; 44ओळी धूप सी भरायला दस शेकेल सोना न एक धूपदान; 45होमबलि न वाटे एक केवड़ो, आरू एक मेढ़ो, आरू एक साल न एक गाडरी न पीलो; 46पापबलिन करीन एक बकड़ो; 47आरू मेलबलि वाटे दूय बयलीया, आरू पाच, गाडरा, आरू पाच बकड़ा, आरू एक-एक सालन पाच गाडरीन पीला। दूयेलन पोर्यान एल्यासापन यी भेंट हुती। 48सातवे दाहड़े एप्रैमियान डाहडा अम्मीहूदन पोर्यो एलीशामा यी भेट ली आयो, 49मतलब चुखलाजागान भेंट शेकेलन हिसाब सी एक सोव तीस शेकेल चाँदीन एक परात, आरू सत्तर शेकेल चाँदीन एक वाटको, ये दुयू अन्नभेंट वाटे तेल सी सेकायला मेदा सी भरायला हुता; 50ओळी धूप सी भरायला दस शेकेलन सोनान एक धूपदान; 51होमबलि वाटे एक केवड़ो, एक मेढ़ो, आरू एक सालन गाडरीन पीलो; 52पापबलि वाटे एक बकड़ो; 53आरू मेलबलि वाटे दुय बयलीया, आरू पाच गाडरा, आरू पाच बकड़ा, आरू एक-एक सालन पाच गाडरीन पीला। अम्मीहूदन पोर्या एलीशामानन यी भेंट हुती।
54आठवे दाहड़े मनश्शेइयान डाहडा पदासूरन पोर्यो गमलीएल यी भेट ली आयो, 55मतलब चुखलाजागान भेंट शेकेलन हिसाब सी एक सोव तीस चाँदीन शेकेलन एक परात, आरू सत्तर शेकेल चाँदीन एक वाटको, ये दुयू अन्नभेंट वाटे तेल सी सेकायला मेदा सी भरायला हुता; 56ओळी धूप सी भरायला दस शेकेल सोनान एक धूपदान; 57होमबलि वाटे एक केवड़ो, आरऊ एक मेढ़ो, आरू एक सालन एक गाडरीन पीलो; 58पापबलि वाटे एक बकड़ो; 59आरू मेलबलि वाटे दुय बयलीया, आरू पाच गाडरा, आरू पाच बकड़ा, आरू एक-एक सालन पाच गाडरीन पीला। पदासूरन पोर्या गमलीएलन यी भेंट हुती।
60नवे दाहड़े बिन्यामीनियान डाहडा गिदोनीन पोर्यो अबिदान यी भेट ली आयो, 61मतलब चुखलाजागान भेंट शेकेलन हिसाब सी एक सोव तीसएकेल चाँदीन एक परात, आरू सत्तर शेकेल चाँदीन एक वाटको, ये दुयू अन्नभेंट वाटे तेल सी सेकायला मेदा सी भरायला हुता। 62ओळी धूप सी भरायला दस शेकेल सोनान एक धूपदान; 63होमबलि वाटे एक केवड़ो, आरू एक मेढ़ो, आरू एक सालन गाडरीन पीलो; 64पापबलि वाटे एक बकड़ो; 65आरू मेलबलि वाटे दुय केवड़ा, आरू पाच गाडरा, आरू पाच बकड़ा, आरू एक-एक सालन पाच गाडरीन पीला। गिदोनीन पोर्या अबिदानन यी भेंट हुती।
66दसवा दाहड़ा मा दानियान डाहडा अम्मीशद्दैन पोर्यो अहीएजर यी भेट ली आयो, 67मतलब चुखला जागान भेंट शेकेलन हिसाब सी एक सोव तीसएकेल चाँदीन एक परात, आरू सत्तर शेकेल चाँदीन एक वाटको, ये दुयू अन्नभेंट वाटे तेल सी सेकायला मेदा सी भरायला हुता; 68ओळी धूप सी भरायला दस शेकेल सोनान एक धूपदान; 69होमबलि वाटे एक केवड़ो, आरू एक मेढ़ो, आरू एक सालन एक गाडरीन पीलो; 70पापबलि वाटे एक बकड़ो; 71आरू मेलबलि वाटे दुय केवड़ा, आरू पाच गाडरा, आरू पाच बकड़ा, आरू एक-एक सालन पाच गाडरीन पीला। अम्मीशद्दैन पोर्या अहीएजरन यी भेंट हुती।
72गियारवे दाहड़े आशेरियान डाहडा ओक्रानन पोर्यो पगीयेल यी भेट ली आयो, 73मतलब चुखला जागान भेंट शेकेलन हिसाब सी एक सोव तीस शेकेलन चाँदीन एक परात, आरू सत्तर शेकेलन चाँदीन वाटको, या दुयू अन्नभेंट वाटे तेल सी सेकायला मेदा सी भरायला हुता; 74ओळी धूप सी भरायला दस शेकेल सोनान एक धूपदान; 75होमबलि वाटे एक केवड़ो, आरू एक मेढ़ो, आरू एक सालन एक गाडरीन पीलो; 76पापबलि वाटे एक बकड़ो; 77आरू मेलबलि वाटे दुय केवड़ा, आरू पाच गाडरा, आरू पाच बकड़ा, आरू एक-एक सालन पाच गाडरीन पीला। ओक्रानन पोर्या पगीयेलन यी भेंट हुती।
78बारवे दाहड़े नप्तालियान डाहडा एनानन पोर्यो अहीरा यी भेट ली आयो, 79मतलब चुखलाजागान भेंट शेकेलन हिसाब सी एक सोव तीस शेकेल चाँदीन एक परात, आरू सत्तर शेकेल चाँदीन एक वाटको, ये दुयू अन्नभेंट वाटे तेल सी सेकायला मेदा सी भरायला हुता; 80ओळी धूप सी भरायला दस शेकेल सोनान एक धूपदान; 81होमबलि वाटे एक केवड़ो, आरू एक मेढ़ो, आरू एक सालन एक गाडरीन पीलो; 82पापबलि वाटे एक बकड़ो; 83आरू मेलबलि वाटे दुय केवड़ा, आरू पाच गाडरा, आरू पाच बकड़ा, आरू एक-एक सालन पाच गाडरीन पीला। एनान पोर्या अहीरान यी भेंट हुती।
84वेदीन अभिषेकन टेमे इसराएलन डाहडान तरफ सी रीतिन भेंट यी हुयी, मतलब चाँदीन बारेह परात, चाँदीन बारेह वाटका, आरू सोनान बारेह धूपदान। 85एक-एक चाँदीन परात एक सोव तीस शेकेलन, आरू एक-एक चाँदीन वाटका सत्तर शेकेलन हुता; आरू चुखला जागान शेकेलन हिसाब सी ये चाँदीन ठीकरा दुय हजार च्यार सोव शेकेलन हुता। 86ओळी धूप सी भरायला सोनान बारेह धूपदान जो चुखलाजागान शेकेलन हिसाब सी दस-दस शेकेलन हुता, त्या सब धूपदान एक सोव वीस शेकेल सोनान हुता। 87ओळी होमबलि वाटे सब मेळीन बारेह केवड़ा, बारेह गाडरा, आरू एक-एक सालन बारेह गाडरीन पीला, आपसी-आपसी अन्नभेंट को सात मा हुता; ओळी पापबलिन सब बकड़ा बारेह हुता; 88आरू मेलबलि वाटे सब मेळावीन चोवीस केवड़ा, आरू साहठ गाडरा, आरू साहठ बकड़ा, आरू एक-एक सालन साहठ गाडरीन पीला हुता। वेदीन अभिषेक हुयनेन बाद मा रीतिन भेंट यीत् हुयी। 89आरू जव मूसा योहोवा सी वात करने करीन मिलापवाळा तम्बू मा गियो, तव त्यो पछतावान ढाकना पर सी, जो गवाहन पत्रीन पेटारीन ऊपर हुतो, दुयू करूबन विच मा सी ओकी आवाज समळीयो जो ओका सी वात करी रीयो हुतो; आरू योहोवा भगवान ओका सी वात करीयो।
The Dhankavi Bible © The Word for the World International and Dhankavi Mandli, Khargon, Raykhed, Nandurbar, Maharashtra 2025