Hebru 9
9
Dohor ad Kristo i surian ndangen.
1Mburer ad Jehova ber goru i hian lie, su gin bo mburer le kontrakt ad Jehova. 2Su gin mengseni um hom ber salo ndoun ndoun le lundieum sehendr hanu su gin ilgi logna sul, dagara geao ber suslong ad Jehova su ha bosoui um sehendr ogo um helian. 3Salo manden i sehi um gle marndr, sehendr ber um i da muren su ha bosoui um helian helian gane. 4Logna dohor i do dari dagara boges ad Jehova, lus hendre ber gold i da lundieboges, mana, aga suslong ber lang i do dari, dagara ndes ad Aron, ndes mamaren, lougei i da ndro i. Dagara nongen ad Jehova ber bad i da le lundieboges. 5Le marnboges sor Angelo marmou sor do da, nemesu i ndrodhi marnboges. Iou mbuere vong heb le longu ogo. 6Be Mose gin hinen longu ogo masi, su Prister su bo mburer le lundieum helian i da hanu. 7Le um sehendr, aga um helian helian gane, hom Prister de meher ri bui. Ndurhian asu Prister ge, i la lundieum helian helian gane, bersi be le kristmas si. Ndrai i da le nemen, i dohor ndrai ogo le surien longu aden momen ma longu asu momen masi. 8Meluan Helian beg henunuen du, beg boharni me ndro du sal i la lundieum helian helian gane, i do da masou, i helian le ndro su ndramed. Um helian hanu i ndrodhi um helian gane i da muren. 9Um helian i da hanu, aga dege longu dohongein ber rang adu, le ndro su, su da dohor gan ber beleng, de gan ndrai i do dari le ndro Ndorlaben. Gan ogo i de vonei bui le surien longu adu momen, i de hinen bergolsu de heb rosan bui, su da dohor Jehova le gan ansu. 10Aga nongen hendre e hendre le gan ansu le ndrelgei de le ndrunvain asu, de le ndran ber surhi longu asu. Aga longu masi i vonei le rang ogo, mabenan Jehova i daui mburer houen me ndro du.
11Kristo aga Ndurhian asu Prister, i da bogulue memrad ber gor lundielang, i gina le lundieum hom mandromai, monen gane, nemesu ndramed de gin mengseni i bui, aga i um ber boan ogo bui. 12Su da dohor ndrai ber bulmagou ma asu meh bugane, i gin dohor le ndro Ndorlaben ndrai aden ge, i gina le lundieum helian gane ber gor lundielang bersi ge, aga i vonei le surien du masi sidegesi. 13Be ndrai asu bulmagou ma asu meh ma gulua le sengen ber bulmagou bihin, su Prister su gin helui le ndro su be longu ogo i danen surhi mandrsu ndramed, 14ndrai ad Kristo, i da gin dohor le ndro Jehova ndoui e ndrai aden helian, aga dohor rosan gane, i gin dohor gle ndoui ad Meluan Helian, ndrai ogo ad Kristo i surhi bergoldu gle rosan, dandu bo mburer ad Jehova hian ge, mburer ad Ndorlaben i da mamaren sidesi. 15I ogo i gin daui me ndro du mburer houen, kontrakt houen ge. I ginmad le sibui longu momen ber boan, su ndramed gin hinen i goru. I hengen le ndro su lao aden, i da gin loh su memrad ber gor lundielang. 16Be hom ndramed i beg hengen le ndro ndurn le memrad aden, i bogulue memrad ogo, i beg hengen le ndro ndurn, be i gmad, muren ndurn i ibdi memrad ad damen. 17Nongen aden i gin bosoui goru, be i da mamaren na ge monen, be i na gmed, be i da mamaren ge, memrad ad ndurn i de meher le ndro i bui, i da ndro damen ge. 18Be su gin dohor le um ber goru le ndro Jehova, su gin dohor ndrai le ndro i. 19Be Mose gin boharni le ndro su Israel masi nongen ad Jehova, i hedi ndrai ber ndur bulmagou e ndrai asu meh, dagara ndran; heb kabog ramen ma Isop, i helui Buk ad Jehova, dagara su ndramed masigane ri. 20Be i gin hinen dagara, i vong, i bai: Aga ndrai (gelman) le kontrakt ad Jehova i da gin bo le ndro mu. 21I gin helui um ad Jehova ma memrad masigane i do dari gle ndrai dagara lie. 22Su surhi longu ad Jehova masigane le ndrai, Jehova de esbui longu momen bui, be su de harengeni ndrai bugane.
23Su gin surhi longu hendre e hendre ber um ad Jehova gle ndrai, dagara memrad i da le gor lundielang, le um helian helian gane, ndrai asu bulmagou i de vonei ri bui, Jehova i ha lengi ndrai ad homo. 24Kristo de gina le lundieum hom ber boan bui, nemesu ndramed gin mengseni i, um ogo ber boan aga i sameluan ge ber um helian i da le gor lundielang. I gina le lundieum helian, le bormarn ad Jehova, i beg sobani du. 25I de gin dohor ndrai aden bersi e bersilie bui, dege su ndurhian asu Prister su la lundieum helian helian gane bersi le kristmas si, ma le kristmas si lie. 26Be i ghinen i dege su Prister ber boan su gin hinen i, ngendian aden i gmeher ndro i bersi e bersilie. Dandu, i gin meher le boan bersi ge, le sibui longu momen ber gor masi le dohor aden. 27Aga ndangen, su ndramed su na gmed bersi ge, muren gord ir belengen su. 28Dagara Kristo i ginmad bersi ge, i gin dohor kristmas si e kristmas si, dohor asu i bosilieni sanged ri, bersi muren i gmeher lie le boan, heb longu momen i do dari bui, su ha belengeni aden ge, i da beg bolumiasu.
موجودہ انتخاب:
Hebru 9: LLENT
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Published by the British and Foreign Bible Society 1956