Hebru 10
10
1Longu ber goru dege Mose gin boharni, aga ogo ber goru i de danen hinen su rosan gane bui, ndro Ndorlaben. 2Be dohor asu dansu surhi su gane, su de dohor bersi ma bersilie bugane, su gina rosan sumburdi sidegesi, de bui. 3Aga bui, su da dohor ndrai aden, i gin sab longu momen asu mabondro su, i henunuen su longu asu momen. 4Ndrai asu bulmagou, uo mbuerem gan ansu ndramed, uo momen bugane. 5Aga Mesias i danen i, be i gin meher le boan, i vong, i bai: Uo mbuerem ndrai asu bulmagou ma asu meh de danen sibui longu gin mengseni mondro gle dohor adem. 6Uo mbuerem su dohor gan ansu, le sibui longu asu momen, uo de voamiso dohor asu bui. 7Io gin bai: E lele, io gmehere, Buk Helian gin hondre ri, io beg meher, io beg bo mburer adem o Jehova dege uo ha lengi i. 8I vong hanu: Uo mbuerem ndrai mbuerem dohor asu, uo de voamiso dohor asu bui. Ma su ber goru su gin dohor longu dege ogoro, dege Mose i gin bai le ndro su. 9Malabo i vong, i bai, e lele io gmehere, io beg hinen mburer adem, dege uo ha lengi i. I bieni longu ber goru le nongen ogo, i daui longu houen le ndro du le surian. 10Aga Jehova i ha lengi, i gin hinen du helian rosan ge gle mandrn ad Jesu Kristo, iou rosan sidesi. 11Homo ma homo asu Prister, su da dohor bing si e rang si, su da bo mburer asu, rang si dege rang si, dohor asu de danen sibui longu momen bugane. 12Jesu Kristo i gin dohor bersi ge, gin sibui longu momen, boen i gin lugdo im nemen sengen ad Jehova, i do da sidegesi. 13Malabo i belengeni rang ber muren be Jehova i golgi su ndremda rah aden gle ndegen. 14I gin dohor bersi ge, i gin hinen su helian rosan gane, su ha somui ri. 15-16Aga Meluan Helian i boharni me ndro du, i vong, i bai: Io beg daui longu houen bersi muren le ndro su, Jehova i bai: Io beg ilgi nongen ordo le bergolsu, io beg hondre nongen ordo gle hanguruen asu. 17Io de hanguruen longu asu momen hebsa bui. 18Be Ndorlaben gin sibui longu adu momen, aga i molhege be iou beg dohor gan anu gleri.
Irgai monen gle ndoui ad Kristo.
19Mu ndere hian, iou ha mugmug, malabo dandu hilou le lundieum helian helian gane, gle ndoui ad Jesu Kristo i da gin hengen ndrai aden me ndro du. 20Aga sal hasel houen ge, aga sal mamaren ge i da dulieni du le lundieum, salo i da sehi lundieum gle marndr giao, aga i vonei sengen ad Kristo. 21Prister adu i da le belengan, i bogulue um ad Jehova. 22Du gal ndro i le bergoln monen du gboro ndoui aden hian ge, i ge, gin surhi bergoldu, i gin sibui longu adu momen gineao, iou gin surhi mandru le ndran rosan ge. 23Iou boharni longu hian, iou da belengeni i, i ghengen me ndro du dege i gin bai goru. 24Homo ir bogulue homo, homo golnisden homo, homo i ghenunuen homo le bo mburer hian ge. 25Iou de bieni lodu adu bui, iou da me gouse sidegesi, su holel su de meher la born ndro du bui, aga heb hian bugane. Homo i ndemani homo, i gob lodu le ndro Ndorlaben, dandu, heb eluen bui muren, rang ad Jesu Kristo na gmehere.
26Be iou ha leng bo longu momen, iou gahi i, sehe dohor i dandon gle longu momen ogoro? Dandu longu masigane le Jesu Kristo. 27Heb gahaloseli aden de meher de la ndro du bui, gord aden ir belengeni i, gus aden manden ge, moan manden i da dilmui su ndremda rah ad Ndorlaben. 28Ar homo i hangaini nongen ad Mose, i ha leng bo momen gle nongen ad Mose, i na gmed, heb gahaloseli de meher ndro i bui, be sor marmou de su madilmou su gobharni i. 29Sehe surien ir belengen i ge, i da gin hangaini Ndur Jehova, be i gin hardaui Ndorlaben le ndegen, be i gin hanguruen momen le ndrai helian, i da gin surhi i goru, i hanguruen momen le meluan, i gin bo momen le golnisden ad Jesu Kristo, i gin hal le memrad ogo ber lang. 30Dandu i, i da gin bai: Surien longu momen aga mburer ordo ge, io ha leng surien i. Ma bersi: Ndorlaben i gob gord le ndro su lao aden. 31I gina momen gane, i de glos le nemen ad Jehova.
32Hian, ghanguruen rang ber goru, be mu gin ibdi sul ber lang gle bergolmu, be mu gin ibdi ngendian ad Ndorlaben, le bahun aden. 33Su gin bo momen le ndro mu, su gin bo ngendian le ndro mu, su gin boii mu, mu gin ha somui ri. Mu gin sobani su le rang asu momen ngendian i da ndro su. 34Mu gin ibdi ngendian asu ber kalabus, mu gin ha somui ri be su gin behena memrad ademu, mu gin mugmug le memrad ademu ber lang i da ndro mu, danmu, homo de danen behena i bui, i da ge ndro mu sidegesi. 35Mbue bieni mugmug ademu, Ndorlaben i ha surien mugmug ademu gle memrad ber lang. 36I hian ge ndro mu be mu ha mugmug, be mu ndoa, Jehova i ha lengi dagara, i ghengen le ndro mu dege i gin bai goru. 37Heb eluen bui muren, ehe, ndangen heb eluen bui muren i na gmehere, Ndorlaben beg rendegien i, iou de belengeni i dahed bui. 38Lao ordo monen ge, i da gin boro ndoui ordo i mamaren ge, ar homo i da heb ndoa bui, i da vob ge molhe, golo de hanguruen i bui, vooiso aden bugane. 39Iou dege ogoro bui, iou de vob bugane, dandu, su na ge momen ge, su da vob, iou gboro ndoui ber lang, iou mamaren gleri.
موجودہ انتخاب:
Hebru 10: LLENT
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Published by the British and Foreign Bible Society 1956