Kolosa 4
4
1Mu ndorlaben, hengen le ndro su lao dandendegei ademu surien monen le mburer asu, danmu, Ndorlaben ademu i da lundielang. 2Bo raring sidesi, hian mu mamed ge, gabmugueni Ndorlaben. 3Ghanguruen du lie le raring ademu, e ndemani Jehova, i hengen me ndro du dandu bohernou nongen aden, dandu bohernou longu ad Kristo, Jehova gin gorni goru, su gin daui io le kalabus ri. 4E ndemani Jehova, i osbani io, io gob mburer ordo le bohernou hian monen ge. 5Ha dogi monen ge le bormarsu Haiden, gob mburer le rang ademu. 6Absou nongen hian ge, nongen ademu i dege sol, i da bo hian le gan ansu ndramed, boen danmu vong le ndro homo ma homo i ndemani mu le longu hendre e hendr gmonen ge.
7Tigikus i absou le ndro mu longu hendre e hendre i da ndro du. I ndere ordo, i gin sobani io le mburer ordo, le mburer ad Ndorlaben. 8Io rendegien i le ndro mu, io ha lengi, danmu longu adu masi, i osbani mu gle hian. 9Onesimus i la born ndro i le sal, i hom ndere hian ge ber gor ademu. I gin bo mburer ad Ndorlaben hian ge. Sor marmou dansor absou le ndro mu longu masigane. 10Aristarkus i da le kalabus le born ndro io dagara Markus, ndern ad Barnabas, i beani nongen hian le ndro mu, io gin hondre le ndro mu le ad Markus, ha somui aden, be i gmeher ndro mu. 11Jesus, ngarn aden Justus, i beani nongen hian le ndro mu. Su madilmou ogo su ge, su Kristen asu Juda, su da bo mburer ad Jehova, su gin bo hian me ndro io. 12Epavras ber gor ademu i hom lao dandendegei ad Kristo Jesu, i da soling sidesi le ndro Ndorlaben, i osbani mu, ir bogulue mu, mu gdogi hian ge, dege Jehova i ha lengi, i ge, i beani nongen hian le ndro mu lie. 13Ehe, nongen ordo i monen ge be io bai i gin bo mburer mabosanged le lodu asu Laodisea, ma le ndro su Hierapolis. 14Lukas, i doktor, e Demas, sor beani nongen hian le ndro mu. 15Io beani nongen hian le ndro su ndere ber Laodisea, dagara le ndro Nimvas, ma le ndro su lao ad Jesu ber um aden. 16Be nongen ogo gin meher ndro mu, mu gin ilndri i, hian rendegien i le ndro su ber Laodisea, dansu ilndri i lie. Heb nongen, io da gin hondre le ndro su Laodisea i gla ndro mu lie. 17Absou le ndro Argipus: Gob mburer ad Ndorlaben hian monen ge. 18Aga nongen ordo, io Paulus io gin hondre. Ghanguruen io, io da le kalabus. Golnisden ad Ndorlaben i da ge ndro mu.
موجودہ انتخاب:
Kolosa 4: LLENT
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Published by the British and Foreign Bible Society 1956