Tesalonik I 1
1
Heb nongen hanu.
1Io Paulus, Silvanus, e Timoteus, iou beani nongen hian ge le ndro su lao ad Jesu ber Tesalonik, le ngarn ad Jehova, i Damen adu, ma le ngarn ad Ndorlaben Jesu Kristo. Golnisden aden, e mandri i da ge ndro mu.
Paulus i mugmug le bern hian i da le molengasu Tesalonik.
2Sidesi iou bamugueni Jehova, be iou hanguruen mu masi, iou hanguruen mu le raring adu. 3Sidegesi iou hanguruen mu le bormarn ad Jehova, i Damen adu, dandu mu gin boro ndoui ad Ndorlaben gle hian ge. Mu gin bo mburer hian ge golmugisden su ndere, mu da belengeni sidesi Ndorlaben adu, Jesu Kristo. 4Mu ndere hian, Jehova golnisden mu, dandu, Ndorlaben gin loh mu. 5Iou gin bohernou le ndro mu longu ber lang gle nongen molhe bui, iou gin henunuen mu gle ndoui ber lang, gle Meluan Helian, iou gin boro ndoui ad Kristo. Danmu i hian, iou da le molengamu hi derbe. 6Mu gin somui gle nongen adu, mu dondrbon Ndorlaben Jesu, mu de gin hanguruen ngendian, e rang momen i da gin meher ndro mu, heb bugane. Mu ha mugmug ge gle nongen ber lang, Meluan Helian gin daui mugmug ogo le bergolmu. 7Su lao ad Jesu ber Masedonia, ma su ber Grek masi, su gin ilndri bern ademu, su mugueni mu. 8Nongen ad Ndorlaben i da gin meher ndro mu, i gin hilou le ndro su gor masi ber Masedonia, ma le ndro su masi ber Grek, dagara le ndro su gor ma ger bosanged. Ngarnongen gle ndoui ber belengan i da le molengamu gin hilou roud le ndro su gor ma gor bosanged, iou de bosoui malabo heb le longu ogo bui, su masi dansu i. 9Su ndramed su bosoui longu hendre e hendre ademu, su mugueni mu, mu da gin somui le nongen ad Jehova, mu gin bieni su beld, mu da dohor le ndro Jehova ge, i da mameren, i Ndorlaben ndangen. 10Mu ha belengeni Ndurn i da le lang, Jehova gin hingeni i le ngad aden, aga Jesu, i da rumburdi du le gus ad Jehova, ma le gord aden ndoun ndoun.
موجودہ انتخاب:
Tesalonik I 1: LLENT
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Published by the British and Foreign Bible Society 1956