Timoteus II 4
4
1-2Io ha vong le ndro uo ndoun le bormarn ad Jehova, ma la bormarn ad Jesu Kristo, i da gob gord le ndro su mamaren, ma le ndro su, su da ginmad, i da gmeher lie, dagara gor aden, io ha vong le bormarn helian: Bohernou le ndro su nongen ber lang, al ndro su le rang hian, ma le rang momen, su ha leng hirong i de bui, vong le ndro su, habai su, soling ndro su gle ndoui adem masigane, ghenunuen su, ha belengen su. 3Rang i gmeher, su ndramed mbueresu nongen hian monen ge, su gahi su ndremda hernou beg hirong su, su da absou nongen mamali ge, nongen ogo i hian gle delengasu. 4Su gbieni nongen monen ber lang, su ghanguruen nongen molhege ber boan. 5Bbue uo dagara, ghanguruen monen ge le longu masigane, ibdi ngendian ad Ndorlaben, gob mburer ad hom ndremda hernou hian monen ge, boharni le ndro su longu ber lang.
Bahun hian ma surien aden.
6Be io hanguruen longu ordo, e lele, su gharengeni ndrai ordo, io gin dohor ndrai ordo le ndro Ndorlaben, rang gin meher io gbieni boan ogo. 7Io gin bo bahun hian ge, io gin hilou sal ordo boen, io gin boro ndoui ber lang hian ge. 8E lele, malabo salion ir belengen io, Ndorlaben, ndremda gord monen ge, i daui i le borbalo le rang aden, gle borbalo ge bui, gle borbalsu masi, bergolsu gunuen hi bui, voasuiso Ndorlaben.
Paulus beani nongen hian le ndro su Kristen holel.
9Mbue melmal, hian am ndro io roud. 10Demas i voaniso gor boan lie, i gin bieni io, i gin dogi le gor Tesalonik. Kresdens gina le gor Galatia, Titus le gor Dalmatia. 11Lukas, i ge, i da ndro io. Hedi Markus la born ndro uo le sal adem, gdulieni i le ndro io, io ha lengi, i ibdi heb mburer ordo. 12Io gin rendegien Tigikus le gor Evesus. 13Renkod ordo i da le um ad Karpus le gor Troas ghedi i, dagara buk masi ma peper masi i gme ndro io. 14Ndremda mordo ngarn Aleksander i gin bo momen manden me ndro io, Ndorlaben ha surien longu aden momen. 15Orgulue meluam, mbue de la ndro i. Sidesi i gin bo iil me ndro du. 16Be io da le gord hanu, homo de gin sobani io bui, su masi su gin bieni io, mbue Jehova na gsurien hanguruen asu momen. 17Ndorlaben i ge, gin meher ndro io, i gin sobani io, i ha lengi io ghinen mburer aden na gbomud, su Haiden masi su ghirong nongen aden. I gin rumburdi io le bohon ad laion. 18Ndorlaben i ghinen dege ogoro sidesi me ndro io, i grumburdi io le nemesu i rui io le gor aden ber lang. Io bamugueni i bing si e rang si sidesi. 19-20Io beani nongen hian le ndro Prisila so Akuila ma le ndro su ber um ad Onesivorus. Erastus i dandon gor Korint, io gin bieni Trovimus le gor Milet, iab i da ndro i. 21Am ndro io roud, debosan lengen na gmehere. Eubulus, dagara Pudens, Linus e Klaudia, dagara su ndere masi su beani nongen hian le ndro uo. 22Ndorlaben Jesu i da ge ndro uo, i da gle meluam. Golnisden aden i da ge ndro mu masi.
موجودہ انتخاب:
Timoteus II 4: LLENT
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Published by the British and Foreign Bible Society 1956