Timoteus II 3
3
Nongen le rang momen i beg mehere, be su ndramed bieni Ndorlaben.
1Ghanguruen longu hendre ogo, io ha lengi i: Bersi muren rang momen na gmehere. 2Su ndramed su hangungerou longu asu ber boan ge, meruasu dsoln, su gabmugueni bern asu le nongen dsoln, su boii dam e nanesu, delengasu le nongen asu bui, dansu mugueni su bui, su da gin bo hian le ndro su, su gbieni Jehova. 3Heb golnisden asu bui, de dansu bo mburer asu heb monen bugane, so gogobaini su, su gien dsoln, su bieni longu hendre e hendre monen ge, 4su hevani su, meluasu momen ge, ghanguruen ge gous asu, de voaniso Jehova bui, su de noh aden bugane. 5Su iao le numo lodu, la born ndro su lao ad Jesu, heb ndoui asu bui. E bieni su, su da hanguruen dagara. 6Su holel asu dansu hilou le umb asu, dansu seslaini su, hanu su bihin asu, su hangungerou momen le bergolsu sidesi. 7Su ha lengi su ndremda hernou su ghenunuen su sidesi, mbueresu boro ndoui le nongen ber lang. 8Su dege Janes sor Jambres goru, be sor gin bo iil le ndro Mose, dagara su, su bo iil le ndro Ndorlaben gle nongen aden. Hanguruen asu heb monen bui, ndoui asu hebsa bugane. 9De dansu hinen longu momen daga, a heb eluen bui, muren homo ma homo i danen su sie, su derbe.
Nongen helien i nongen ndangen.
10Uo ge, uo ndrobom le sal ordo sidesi, uo gin somui le henunuen ordo, le dogi ordo, uo hanguruen dege io, uo gin boro ndoui ber lang dege io, uo ha belengen su ndramed, uo golnisden su, uo gahi su dege io. 11Uo gin ibdi ngendian, su hinen le ndro uo, dege su gin hinen me ndro io le gor Antiogia, le gor Ikonium, ma le gor Listra. Sehe longu gin meher ndro io: Be su gin hingismad ordo, Ndorlaben ge gin rumburdi io le longu asu masi momen. 12I ghinen i le ndro su lie, le ndro su masi su da ibdi Jesu Kristo le bergolsu, su ha somui, be su ndramed gob momen le ndro su. 13Su ndramed momen su gob mburer asu momen, sidegesi. Su gseslaini su ndramed le longu asu momen, su bahilou, su behena, ma su surien behena e bahilou asu. 14Uo ge, gob mburer ad Ndorlaben, ghinen i dege su gin henunuen uo, longu hendre e hendre uo da gin boro i. Uo danem su, su da gin henunuen uo. 15Uo danem Nongen Helian ber mbunana ge, Nongen Helian gin henunuen uo le longu ber lang, i da gmeher ndro du le ngarn ad Jesu Kristo. 16Nongen Helian hendre e hendre Meluan ad Jehova gin boharni, aga i hian ge, i ghenunuen su ndramed, su gibdi bern houen, su gob hian ge, su ghanguruen monen ge le bergolsu. 17I ghinen hom ndramer ad Jehova na ge monen gane. I danen bo mburer hian ge sidesi.
موجودہ انتخاب:
Timoteus II 3: LLENT
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Published by the British and Foreign Bible Society 1956