Timoteus II 1
1
Heb nongen hanu.
1Io Paulus, io hom Apostel ad Jesu Kristo, Jehova gin daui mburer aden le nemo, ndoui ad Jesu Kristo gin meher ndro io. 2Io beani nongen hian le ndro Timoteus, aga nduro, goloisden i. Golnisden ad Ndorlaben Jesu Kristo, ma gahaloseli ad Damdu Jehova, ma mandri aden i da ge ndro uo.
Soling ad Paulus le ndro Timoteus, i bogulue nongen hian le bergoln.
3Io bamugueni Ndorlaben ordo, io da bo mburer aden le bergoln rosan ber mamemei, dege su damen e nanen ordo gin hinen i goru, io mugueni Jehova be io hanguruen uo, lobing e lorang io hanguruen uo le raring ordo le ndro i. 4Io gunuen hi bui, io ha leng ilndri uo, be io hanguruen ndurmarm i da gin muh be uo gin idndri io, io ha leng ilndri uo, boen bergolo i mugmug le adem. 5Boen io ha mugmug be io ilndri, uo gin boro ndoui ber lang hian ge, ndoui ogo i da ndro naduhum Lois, ma le nanen Eunike, malabo io dono, i da le bergolm lie.
6Io ha lengi, uo hanguruen memrad ad Jehova i da gin daui le bergolm, be io gin daui nemo gle balem. Godnisde nad Ndorlaben i dege moan i iad la manden le bergolm. 7Jehova gin hengen me ndro du meluan hian ge, i da noh hebsa bui, aga meluan ndoa ge, aga meluan le golnisden aden ge. Uo danem bogulue meluam gle longu hendre e hendre i da heb monen bui. 8Mbue bombulem i mesi le boharni le ndro su longu le Ndorlaben adu. Mbue bombulemi mesi me ordo, io da le kalabus le mburer ad Ndorlaben ordo. Ha somui le ngendian masi i da mehere ndro homo ma homo, i da bohernou longu ber lang, dege Jehova i rendegien i me ndro du, ndoui aden i da gmeher ndro du lie. 9I gin bolumiadu, i loh du le mburer aden helian, aga golnisden aden ge, le surien longu adu hian bui, aga golnisden aden ge, i gin hengeni me ndro du gle gous, le ngarn ad Jesu Kristo, i da ber nandugian sidesi. 10Malabo i gin mbsig me ndro du ndremda Bolumiadu, aga Jesu Kristo. I gin ndounen noh adu be iou na gmed, i hinen du mamaren ge, iou horuan sidegesi le nongen aden ber lang. 11Iou gin boharni ri, Ndorlaben gin hinen io le hom Apostel aden, io ghenunuen su nongen ogo ber lang. 12Le longu ogo malabo ngendian i da ndro io, bombulo i de mesi ri bui. Io dono i, aga i sie, io da gin boro ndoui aden, io dono i, i ndoa me ndro io, i danen bogulue memrad aden ber lang, i da gin hengen me ndro io, mabenan i gmehere. 13Uo gin hirong nongen ogo monen ge, uo gin ilndri dogi ordo, uo gin hirong longu hendre e hendre le golnsden ad Ndorlaben ma le ndoui ad Jesu Kristo. 14Hian orgulue memrad ogo hian manden gle bergolm, orgulue i gle ndoui ad Meluan Helian i da le bergolm. 15Uo danem longu hendre ogo: Su masi ber Asia mandehe su gin bieni io, su ndrbo le sal ordo bui, Vifielus so Hermogenes sor la born ndro su. 16Ndorlaben ibdi gahaloseli le ndro su ber um ad Onesivorus, i gin sobani io bersi ma bersilie. Bombulen de gin mesi le sen ordo bui i da le nemo. 17Be i gin meher le gor Rom, i gin gahi io sidesi, mabenan i gin danoni io. 18Ndorlaben Jesu i ibdi gahaloseli le ndro i, i osbani i, be i gmeher ndro Jehova le rang manden, i da beg mehere, i gin bo mburer hian ge le gor Evesus lie, aga uo danem.
موجودہ انتخاب:
Timoteus II 1: LLENT
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Published by the British and Foreign Bible Society 1956