Tesalonik II 3
3
Heb nongen hian le born.
1Longu hendre lie, mu ndere hian, ha soling ndro Jehova, i osbani du, nongen ad Ndorlaben i hilou ge roud, i gobharni engerang aden le ndro su gor masi, dege i gin hinen le ndro mu. 2Ha soling ndro Jehova i rumburdi du le su ndramed momen. Mburer le boro ndoui ber lang i asu masi bui, asu holel ge. 3Ndorlaben i ge, i hian, i ghinen mu ndoa, ir bogulue mu le ad Satan. 4Dandu le ngarn ad Ndorlaben, mu hirong nongen adu, delengamu gleri. 5Ndorlaben i rui bergolmu baghege le golnisden ad Jehova, baghege ndro Kristo, i da belengen mu. 6Mu ndere hian, iou ndemani mu le ngarn ad Ndorlaben adu, Jesu Kristo e bieni ndern, homo ma homo glendi i da dogi heb monen bui, i de delengan le nongen adu bugane. 7Danmu i, iou gin henunuen mu longu hendre e hendre, mu gin ilndri dogi adu. Be iou da le molengamu, iou de gin irgai momen bui. 8Iou de gin ien gan ansu gle molhe bui, iou gin bo mburer ndoun ndoun lobing e lorang, iou mbuere mu hengen me anu. 9I monen ge be mu hengen me ndro du, io mbuere ibdi heb longu ademu, iou ha lengi mu ilndri, iou ha dogi derbe. 10Be iou da le gor ademu, iou gin bai le ndro mu: Ar homo i mbueren bo mburer, gan anen gsou, mbue hengen le ndro i. 11Malabo iou hirong i, su holel ademu su de dogi monen bui, su de bo mburer bugane, su ha melmal ge. 12Hian, bai le ndro su ndramed ndoun ndoun le ngarn ad Ndorlaben Jesu Kristo, su gob mburer asu monen ge, su gibdi gan ansu le mburer asu. 13Mu masi ge, mu ndere hian, mandrmu de berad bui le bo mburer hian ge, le bo longu hian. 14Ar homo de delengan le nongen adu, iou gin hondre le ndro mu bugane, mbue la born ndro i, i gsou lendi, boen, i danen hanguruen bergoln i hi derbe. 15Mbue hanguruen, i ndremda rah ademu, bugane, ghenunuen i le bern hian, i hom ndern ademu. 16I ge, mandri i da ndro i, aga Ndorlaben adu, glug mandri gme ndro mu gle hian ge. Ndorlaben i da ge ndro mu masi. 17Aga ngoro, Paulus gin hondre le nemen, aga ngoro gelman le peper ordo masi, io hondre dagara. 18Golnisden ad Ndorlaben adu Jesu Kristo i da ge ndro mu.
موجودہ انتخاب:
Tesalonik II 3: LLENT
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Published by the British and Foreign Bible Society 1956