Timoteus I 1
1
Heb nongen hanu.
1Io Paulus, io hom Apostel Jesu Kristo, le ngarn ad Jehova, i da rumburdi du, me la ngarn ad Jesu Kristo, io da belengeni i, 2iou beani nongen hian ge le ndro Timoteus nduro, gle ndoui ber lang, golnisden e gahaloseli, e mandri ad Jehova i Damen, i da ge ndro uo, ma ad Ndorlaben adu Jesu Kristo.
Nongen asu ndramed i molhege, nongen ad Jehova Kristo.
3Io gin bai le ndro uo, be io gin bieni Masedonia, uo gsou le gor Evesus, uo bai le ndro su holel, mbue su henunuen su ndramed le bahilou ge. 4Mbue su hanguruen nongen molhege ber goru, ngarsu ber um asu ber goru, nongen ogo i molhege, de dansu sobani su ndramed bui, i de vonei le ndro su lao ad Jehova bugane. 5-6Be iou bohernou longu ber lang, iou ha lengi su golnisden le bergoln rosan ge, su gboro ndoui ber lang monen ge, delengasu le ngasen hian i da le bergolsu. 7Su gorbo, su ha leng henunuen su ndramed le nongen ad Mose, dansu heb leri bugane. Dansu i bui, su gin hanguruen derbe gle longu hendre e hendre. 8Dandu, nongen ad Mose ber goru i hian ge, ar homo i hanguruen monen gleri. 9Dandu hanguruen longu hendre ge nongen ad Mose gle ndro su, su da dogi hian monen bugane, le ndro su ge, su da bo longu momen, su da bieni Jehova, su da dogi heb monen bui. Heb longu i helian ndro su bui, su da bo momen le ndro dam e nanen; le ndro su daiandramed. 10Le ndro su, su da hanguruen longu ber sungsou; le ndro su, su da semani su ndramed; le ndro su, su da rui su ndurgamel; le ndro su, su da bahilou; le ndro su, su da daui nemesu le belengan gle bahilou; dagara le ndro su holel, su da hanguruen hendre e hendre dege ogoro. 11Jehova, Ndorlaben ber engerang, i henunuen du dagara, i gin henunuen io le longu ogo masi.
Ndorlaben gin ibdi gahaloseli le ndro Paulus.
12Io bamugueni i, i da gin hinen io ndoa, aga Ndorlaben adu Jesu Kristo, i gin hanguruen io, i gin daui mburer aden me ndro io, i gin hanguruen, io dono hinen i. 13Goru, io gin boii ngarn, io gin hingismad su lao aden, io gin bo iil le ndro su. Malabo ge, gahaloseli aden gin meher ndro io. Goru, io de dono Ndorlaben Jesu bui, io de gin boro ndoui aden masou. 14Golnisden ad Ndorlaben adu, i gin bo mburer le bergolo ndoun, i gin hinen i, io dono boro ndoui ad Jesu Kristo, goloisden i ge. 15Nongen ogo i ndangen, i monen be iou ha somui ri: Jesu Kristo gin meher le gor boan, beg rumburdi su ndramed momen, ma io, io homo hanu le asu masi. 16Gahaloseli ad Ndorlaben gin meher ndro io, Jesu Kristo i de gin bieni io bui, i gin belengeni io, i beg henunuen su masigane su da gin boro ndoui aden masou i ndoa ge ndro su, le hengen le ndro su, su na ge monen, su mamaren gle ndoui aden. 17Iou bamugueni King ber gor masigane, i de somad bui, hom de danen ilndri i bugane iou bamugueni Jehova, i Ndorlaben homo ge, bing si e rang si sidegesi. Amen.
18Nduro Timoteus, io beg daui nongen ogo gle bergolm, aga heb nongen la born ndro nongen ordo, io da gin hondre le ndro uo. Ibdi bahun hian ge, ad Jehova ge. 19E boro ndoui ad Ndorlaben ndoa ge, orgulue ngasem hian i da le bergolm. Su holel su de delengasu le ngasen asu bui, su gin los, gina momen ge, 20dege Himeneus, sor Aleksander sor gin hinen i. Io gin ilgi sor le ndro Satan, i rii sor debosan sor boii Jehova.
موجودہ انتخاب:
Timoteus I 1: LLENT
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Published by the British and Foreign Bible Society 1956