Timoteus I 4
4
Paulus i boharni le lodu bahilou i gmeher muren.
1Meluan Helian i vong, i boharni, bersi muren su holel ademu su gbieni Ndorlaben, su holel ber boan ogo su ghenunuen su gle momen ge, su ha somui gle bahilou asu, su dohor le ndro su beld lie. 2Delengasu le nongen asu ndremda hernou bahilou ge. Su ogo su gorni longu hendre e hendre le bergolsu. 3Su sendraini su, mbue su gibdi bihin le nambulsu, su ha lengi, su ndramed bandri le gan si, le longu hendre e hendre, Jehova i da gin mengseni. Ndorlaben i ha lengi su lao aden masi, dansu longu ber lang monen ge su gien leri, su ha somui le gan ogo hian, su gabmugueni Jehova gleri. 4Longu masi Jehova gin ilgi, i hian ge, heb longu i de momen bui, be homo i gabmugueni Jehova gleri, be i beg ieni. 5Nongen ad Jehova, ma lodu asu gleri gin hinen i hian rosan ge. 6Be uo absou longu ogo le ndro su ndere, uo hom lao dandendegei ad Jesu Kristo monen ge, uo da ien nongen ad Jehova, aga gan anem, uo da henunuen su le nongen ogo monen ge, uo da henunuen su le sal hian, uo dogi ri. 7Mbue hanguruen longu hendre e hendre molhege, ghanguruen bern hian ge. 8Su da hanguruen longu hendre e hendre ber boan, aga i de vonei bui, aga i molhege. Be homo i da ibdi bern hian ge, aga i monen, i da horuan le gor aden ber boan ogo, ma le gor lundielang dagara lie. 9Aga nongen monen ge, i vonei, su masi ha somui ri. 10Su ber boan, su boii du, su hal le adu, gonan, iou de hanguruen nongen asu bui, iou hanguruen longu hendre ge, iou ha belengeni i ge: Aga Ndorlaben Jehova i da mamaren ge, i bolumiasu ndramed masigane, hanu su, su gin boro ndoui aden. 11Hian, absou le ndro su longu ogo ndoun, ghenunuen su gleri.
Paulus henunuen Timoteus le longu hendre e hendre.
12Mbue homo i ghanguruen momen gle adem, be i ilndri uru adem de dsoln masou, uo hom ulhou ge. Ha dogi monen le bormarsu masi, le longu adem, ma le nongen adem masi, golmgisden su, e boro ndoui ad Ndorlaben gle hian ge, meluam na ge rosan ge. 13Absou le ndro su nongen helian, bohernou le ndro su, ghenunuen su gleri, mabenan io gmeher. 14Gob mburer gle ndoui ad Ndorlaben, ndoui Ndorlaben gin hengen le ndro uo be su labenen ber lodu gin daui nemesu le balem, gin lodu le ndro Jehova le bormarm. 15Aga mburer adem ge, ghanguruen i, gob mburer hian ge, su masi dansu lele uo, ha dogi monen le sal ad Jehova. Orgulue meluam, 16nongen ad Jehova le bergolm, uo da henunuen su gleri, ha boro ndoui gle nongen ad Ndorlaben. Be uo hinen i dagara, uo gdogi monen ge le sal ad Ndorlaben, uo danem dulieni su lie gle sal monen, be delengasu le nongen adem.
موجودہ انتخاب:
Timoteus I 4: LLENT
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Published by the British and Foreign Bible Society 1956