Timoteus I 3
3
Bern asu, su bo mburer ad Jehova.
1Nongen ogo i ndangen: Ar homo i ha leng ibdi mburer ad hom Bisop, i hanguruen mburer hian ge. (Ngarn Bisop i vonei: Ndremda bogulue mburer ad Jehova.) 2Hom Bisop na ge monen ge, nambulen aden homo ge, bern aden hian monen, heb bahilou aden bui, i ha somui su gle um aden, i hom ndremda hernou, i danen henunuen su gle hian. 3I de gilmui ndrunvain dsoln bui, i de gob iil bugane, i hian ge le ndro su ndramed, voaniso benu, de hanguruen memrad de moni bui. 4I homo, i danen bogulue su ber um aden hian ge, i ghenunuen su ndurn, delengasu le nongen aden ge. 5Ar homo de danen bogulue su ber um aden bui, i danen bogulue su lao ad Jehova hi derbe? 6I homo, i da eluen le lodu ad Ndorlaben, debosan Satan i seslaini i, i ghanguruen, i hom hian manden ge. 7Su Haiden gabmugueni bern aden lie, debosan su vong momen le aden, Satan i gseslaini i, i na glos.
8Su da sobani su le lodu, hian, su gamel su ha dogi monen ge, nongen asu dsoln bui, su gvong monen ge ndangen ge, mbue su gilmui ndrunvain dsoln, mbue meruasu dsoln. 9Dansu boro ndoui ber lang, bergolsu i rosan ge. 10Seslaini su hanu, su da vonei le mburer ber lodu de masou, boen daui le ndro su mburer ad Jehova, be bern asu monen gane. 11Dagara nambulsu ha dogi monen ge mbue nongen asu dsoln, su bo mburer asu hian monen ge. 12Su da sobani uo le mburer ber lodu, nambulen asu homo gin bo mburer le lodu hian monen ge, su lao su gobgulue su ber um asu gle monen ge. 13Ar homo gin bo mburer le lodu hian monen ge, su lao ad Jesu delengasu le nongen aden, dansu bohernou le ndro su gle ndoui ad Jesu Kristo ndoun ndoun, su ha somui ri. 14Io gin hondre heb nongen ogo le ndro uo, io hanguruen, io gmeher ndro uo roud. 15Be io de meher roud bui, malabo uo danem sehe longu i hian, i monen ge le um ad Jehova, aga um, lodu ad Jehova i da mamaren ge, i dege bahud ndoa ge, um i de glos bui. 16Aga longu hendre hian, hian ge, le ndro homo, i da hengang le berlalen ad Jehova: I gin mbsig me ndro du, gin ibdi sengen ad hom ndramed, Meluan Helian gin ha somui mburer aden helian, i gin mbsig le ndro su Angelo, su gin bohernou ngarn aden le ndro su gor masi, su ber gor boan ha somui nongen aden, boen i gobad le gor lundielang, le engerang ad Jehova.
موجودہ انتخاب:
Timoteus I 3: LLENT
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Published by the British and Foreign Bible Society 1956