ᕒᐅᒪᓇ 3
3
1ᑫᑲᐧᐩ ᒫᑲ ᐊᔨᐋᐧᐠ ᐁᑖᐸᒋᐦᐃᑯᐟ ᑳ ᒍᐃᐧᐟ? ᐊᐦᐳ ᑫᑲᐧᐩ ᐁᐧᑎᓯᐠ ᓴᕒᑲᒼᓴᐃᓯᐃᐧᐃᐧᐣ? 2ᒥᐢᑕᐦᐃ ᒥᓯᐁᐧ ᐃᓯ, ᓂᑲᐣ ᒫᑲ ᐁ ᑭ ᑲᓇᐁᐧᔨᑕᒧᐃᐦᒋᐠ ᐅᐟ ᐃᑌᐧᐃᐧᓇ ᑭᓭᒪᓂᑐ. 3ᑖᓂᓯ ᒫᑲ ᑭᐢᐱᐣ ᐋᑎᐦᐟ ᓇᒪᐃᐧᔭ ᑭ ᐊᔮᐊᐧᐠ ᑖᐯᐧᔦᔨᑕᒧᐃᐧᐣ? ᐁᑳ ᐁ ᐊᔮᒋᐠ ᑖᐯᐧᔦᔨᑕᒧᐃᐧᐣ ᐁᐊᐧᑯ ᒋ ᐅᐦᒋ ᓇᒪ ᓈᐣᑕᐤ ᑭᑕ ᐃᑖᐸᑕᓂᔨᐤ ᐅ ᑖᐯᐧᐃᐧᐣ ᑭᓭᒪᓂᑐ? 4#ᓂᑲᒧᓇ 51:4ᓇᒪᐃᐧᔭ ᑭᑕ ᑭ ᐃᐦᑭᐣ: ᒋᑫᒫ, ᑭᔮᒼ ᑭᓭᒪᓂᑐ ᐁ ᑖᐯᐧᐟ ᑭᑕ ᑫᒋᓈᐋᐤ, ᐋᑕ ᑲᐦᑭᔭᐤ ᐊᔨᓯᔨᓂᐤ ᑭᔮᐢᑭᐟ; ᑳ ᐃᑕᓯᓇᐦᐃᑳᑌᐠ, ᑭᑕ ᑲᐧᔭᐢᑭᑕᑭᒥᑲᐃᐧᔭᐣ ᑭᐟ ᐃᑌᐧᐃᐧᓂᕽ, ᒥᓇ ᑭᑕ ᓵᑯᑖᐧᔭᐣ ᐁ ᐱᐦᑐᑫᔭᐣ ᐅᔭᓱᐁᐧᐃᐧᓂᕽ. 5ᒫᑲ ᑭᐢᐱᐣ ᐁᑳ ᐁ ᑲᐧᔭᐢᑭᑖᑎᓯᔭᕽ ᐁᑯᑕ ᐅᐦᒋ ᓄᑲᐧᓂᔨᐤ ᐅ ᑲᐧᔭᐢᑭᑖᑎᓯᐃᐧᐣ ᑭᓭᒪᓂᑐ, ᑖᓂᓯ ᑫ ᐃᑌᐧᔭᕽ? ᓇᒪᐃᐧᔭ ᒋ ᑲᐧᔭᐢᑭᑖᑎᓯᐤ ᑭᓭᒪᓂᑐ ᑳ ᐅᑎᐦᒋᐸᔨᑖᐧᑫᐟ ᑭᓯᐋᐧᓯᐃᐧᐣ? (ᐁ ᐃᓯ ᐱᑭᐢᑫᐧᐟ ᐊᔨᓯᔨᓂᐤ ᑳ ᐃᑌᐧᔮᐣ.) 6ᓇᒪᐃᐧᔭ ᑭᑕ ᑭ ᐃᐦᑭᐣ: ᒋᑫᒫ ᑭᐢᐱᐣ ᐁᑯᓯ, ᑖᓂᓯ ᑫ ᑭ ᐃᓯ ᐅᔭᓱᐋᐧᑕᕽ ᑭᓭᒪᓂᑐ ᐅᒪ ᐊᐢᑭ? 7ᒫᑲ ᑭᐢᐱᐣ ᐅ ᑖᐯᐧᐃᐧᐣ ᑭᓭᒪᓂᑐ ᓂᔭ ᓂ ᑭᔮᐢᑭᐃᐧᐣ ᐅᐦᒋ ᐁᐧᔪᒋ ᐊᔮᔨᐤ ᐃᐧᔭ ᐅ ᑭᐢᑌᔨᑖᑯᓯᐃᐧᓂᕽ ᐃᓯ, ᑖᓀᑭ ᑫᔮᐱᐨ ᐅᒪᒋᐱᒫᑎᓯᐤ ᑳ ᐃᑕᓱᐋᐧᑎᑲᐃᐧᔮᐣ? 8ᐁᑯᓯ ᑖᓀᑭ ᓇᒪᐃᐧᔭ (ᑳ ᐃᓯ ᑭᔮᐢᑭᐊᐧᒋᒥᑲᐃᐧᔮᕽ, ᒥᓇ ᐋᑎᐦᐟ ᐁᑯᓯ ᐃᑌᐧᐊᐧᐠ ᑳ ᐃᑎᑯᔮᑯᐠ), ᐃᑐᑕᑖᐠ ᑳ ᒫᔮᑕᕽ ᑳ ᒥᔮᐧᓯᐠ ᑭᑕ ᐅᐦᒋᐸᔨᐠ? ᐁᐊᐧᑯᓂᐠ ᐅᔭᓱᐋᐧᑎᑯᐃᐧᓂᐋᐧᐤ ᑲᐧᔭᐢᑲᐧᓂᔨᐤ.
9ᑖᓂᓯ ᒫᑲ? ᐊᐊᐧᓯᒣ ᒋ ᑭ ᒫᔨ ᐊᔮᓈᓇᐤ ᐃᔨᑯᕽ ᐃᐧᔭᐋᐧᐤ? ᓇᒪᐃᐧᔭ, ᓇᒪ ᓈᓇᑕᐤ ᐃᑕ: ᒋᑫᒫ ᓵᓴᐩ ᑭ ᑭ ᐊᑳᐧᑕᒪᐋᐧᓇᐊᐧᐠ ᒍᐊᐧᐠ ᒥᓇ ᑲᕒᐃᑲᐠ, ᑲᐦᑭᔭᐤ ᐁ ᐊᔮᒋᐠ ᒪᒋᑎᐃᐧᓂᕽ; 10#ᓂᑲᒧᓇ 14:1-3; 53:1-3ᑳ ᐃᑕᓯᓇᐦᐃᑳᑌᐠ,
ᓇᒪᐃᐧᔭ ᐊᐃᐧᔭᐠ ᑲᐧᔭᐢᑭᑖᑎᓯᐤ, ᓇᒪ, ᓇᒪᐋᐧᐨ ᐯᔭᐠ; 11ᓇᒪᐃᐧᔭ ᐊᐃᐧᔭᐠ ᐃᑖᐤ ᐁ ᓂᓯᑐᐦᑕᕽ, ᓇᒪᐃᐧᔭ ᐊᐃᐧᔭᐠ ᐃᑖᐤ ᐁ ᓇᑐᓇᐋᐧᐟ ᑭᓭᒪᓂᑐᐊᐧ, 12ᑲᐦᑭᔭᐤ ᐅᐦᐱᒣ ᑭ ᐃᑐᐦᑌᐊᐧᐠ, ᒫᒪᐃᐧ ᓇᒪ ᓈᓇᑕᐤ ᐃᑖᐸᑎᓯᐊᐧᐠ; ᓇᒪᐃᐧᔭ ᐃᑖᐤ ᐊᐃᐧᔭᐠ ᐁ ᒥᔪᑐᑕᕽ, ᓇᒪ, ᓇᒪᐋᐧᐨ ᑲᓇᑫ ᐯᔭᐠ: 13#ᓂᑲᒧᓇ 5:9; ᓂᑲᒧᓇ 140:3ᐅ ᑯᑕᐢᑳᐧᐋᐧᐤ ᑖᐱᐢᑯᐨ ᐁ ᔪᑌᑯᑌᐠ ᓇᐦᐃᓂᑐᐃᐧᑲᒥᐠ; ᐅᑌᔭᓂᐋᐧᐊᐧ ᐅᐦᒋ ᑭ ᐋᐸᒋᑖᐊᐧᐠ ᑲᑲᔦᔨᓯᐃᐧᐣ: ᐅ ᐱᒋᐳᐃᐁᐧᐃᐧᐣ ᑳ ᓂᐸᐃᐁᐧᐟ ᑭᓀᐱᐠ ᐱᒋᑐᓀᐢᑳᑲᐧᐠ: 14#ᓂᑲᒧᓇ 10:7ᐅᑐᓂᐋᐧᐤ ᑳ ᒧᐢᑭᓀᔨᐠ ᐃᐧᔭᑫᐧᐃᐧᐣ ᒥᓇ ᒪᒋᑐᓈᒧᐃᐧᐣ: 15#ᐊᐩᓵᔭ 59:7,8ᐅᓯᑎᐋᐧᐊᐧ ᒥᑲᐃᐧᑭᒪᑲᓂᔨᐊᐧ ᑭᑕ ᓯᑲᐊᑭᐠ ᒥᐦᑯ; 16ᓂᓯᐊᐧᓈᑎᓯᐃᐧᐣ ᒥᓇ ᑯᑕᑭᑖᐃᐧᐣ ᐊᔮᔨᐤ ᐅ ᒣᐢᑲᓈᐋᐧᕽ; 17ᒥᓇ ᐯᔭᑕᑫᔨᒧᐃᐧ ᒣᐢᑲᓇᐤ ᓇᒪᐃᐧᔭ ᐅᐦᒋ ᑭᐢᑫᔨᑕᒪᐧᐠ: 18#ᓂᑲᒧᓇ 36:1ᓇᒪᐃᐧᔭ ᐅ ᑯᓯᑫᐧᔨᒥᑯᐃᐧᐣ ᑭᓭᒪᓂᑐ ᑲᓇᐊᐧᐸᑕᒫᐧᐠ.
19ᑭ ᑭᐢᑫᔨᑌᓈᓇᐤ ᒫᑲ ᑕᐦᑐ ᑫᑲᐧᐩ ᑳ ᐃᑌᐧᒪᑲᕽ ᐅᔭᓱᐁᐧᐃᐧᐣ, ᐊᓂᑭ ᐅᔭᓱᐁᐧᐃᐧᓂᕽ ᑳ ᐊᔮᒋ ᐁᐊᐧᑯᓂᐠ ᑳ ᐃᑎᐦᒋᐠ; ᑲᐦᑭᔭᐤ ᒥᑐᐣ ᑭᑕ ᑭᐸᐦᐃᑳᑌᐠ, ᒥᓇ ᒥᓯᐁᐧ ᐊᐢᑭ ᑭᑕ ᑎᐯᔨᑖᑲᐧᕽ ᐅᔭᓱᐁᐧᐃᐧᓂᕽ ᑭᓭᒪᓂᑐ: 20#ᓂᑲᒧᓇ 143:2; ᑲᓬᐁᓯᔭᓇ 2:16ᒋᑫᒫ ᐊᑐᐢᑫᐃᐧᓇ ᐅᔭᓱᐁᐧᐃᐧᓂᕽ ᐅᐦᒋ ᓇᒪᐃᐧᔭ ᐊᐃᐧᔭᐠ ᑳ ᐅ ᐃᐧᔮᓯᐟ ᑭᑕ ᑭ ᑳᐧᔭᐢᑭᑖᑎᓯᐊᐧᑭᒥᐦᐟ ᐃᐧᔭ ᐁ ᐃᓯ ᑭᑖᐸᑕᕽ: ᒋᑫᒫ ᐅᔭᓱᐁᐧᐃᐧᐣ ᑳ ᐅᐦᒋ ᑭᐢᑫᔨᑖᑲᐧᕽ ᒪᒋᐃᑎᐃᐧᐣ.
21ᒫᑲ ᐁᑲᐧ ᐱᐢᑭᐢ ᐅᔭᓱᐁᐧᐃᐧᓂᕽ ᐅᐦᒋ ᐅ ᑲᐧᔭᐢᑭᑖᑎᓯᐃᐧᐣ ᑭᓭᒪᓂᑐ ᑭ ᓄᑯᑖᓂᐊᐧᐣ, ᐁ ᐋᑐᑖᑲᐧᕽ ᐅᔭᓱᐁᐧᐃᐧᓂᕽ ᒥᓇ ᐅᑭᐢᑭᐁᐧᐦᐃᑫᐊᐧᐠ ᐅ ᒪᓯᓇᐦᐃᑲᓂᐋᐧᕽ; 22#ᑲᓬᐁᓯᔭᓇ 2:16ᐊᓂᒪ ᐅ ᑲᐧᔭᐢᑭᑖᑎᓯᐃᐧᐣ ᑭᓭᒪᓂᑐ ᐁ ᑖᐯᐧᔦᔨᒥᐦᐟ ᒋᓴᐢ ᙭ ᑭᑕ ᐅᐦᒋ ᐊᔮᒋᐠ ᑲᐦᑭᔭᐤ ᑳ ᑖᐯᐧᑕᐦᑭᐠ; ᒋᑫᒫ ᓇᒪᐃᐧᔭ ᑲᑫᑭᓂᑳᓂᐊᐧᐣ; 23ᑲᐦᑭᔭᐤ ᒫᑲ ᐊᐃᐧᔭᐠ ᑭ ᐊᐧᓂᑐᑕᒼ, ᒥᓇ ᓄᑌᐸᔨᐤ ᐅ ᑭᐢᑌᔨᑖᑯᓯᐃᐧᐣ ᑭᓭᒪᓂᑐ; 24ᐁ ᒧᐦᒋ ᑲᐧᔭᐢᑭᑖᑎᓯᐊᐧᑭᒥᑲᐃᐧᔭᕽ ᐅ ᑭᓭᐋᐧᑎᓯᐃᐧᐣ ᐅᐦᒋ ᑳ ᑭ ᐃᓯ ᑎᐸᐦᐃᑫᐢᑕᒫᑯᔭᕽ ᙭ ᒋᓴᐢ: 25ᐁᐊᐧᑯᓂ ᑭᓭᒪᓂᑐ ᑳ ᑭ ᐃᑕᔮᐟ ᑭᑕ ᐃᐧᒋ ᐃᓯᐦᒋᑫᐃᐁᐧᐟ ᑖᐯᐧᔦᔨᑕᒧᐃᐧᓂᕽ, ᐅ ᒥᐦᑯ ᐅᐦᒋ, ᑭᑕ ᐋᐧᐸᐦᑕᐦᐃᐁᐧᐟ ᐅ ᑲᐧᔭᐢᑭᑖᑎᓯᐃᐧᐣ, ᐁᑳ ᐁ ᐊᑭᑕᒫᑫᐟ ᒪᒋᐃᑎᐃᐧᓇ ᐊᐊᐧᓯᐢᐱ ᑳ ᑭ ᐃᑐᒋᑳᑌᑭ, ᐅ ᒪᓈᒋᐃᐁᐧᐃᐧᓂᕽ ᑭᓭᒪᓂᑐ; 26ᑭᑕ ᐋᐧᐸᐦᑕᐦᐃᐁᐧᕽ, ᓂᐟ ᐃᑖᐧᐣ, ᐅ ᑲᐧᔭᐢᑭᑖᑎᓯᐃᐧᐣ ᐊᓄᐦᐨ ᐅᒪ ᒣᑳᐧᐨ: ᐃᐧᔭ ᑭᑕ ᑲᐧᔭᐢᐠ ᐃᑐᑕᕽ, ᒥᓇ ᑭᑕ ᑲᐧᔭᐢᑲᐧᐢᑕᒪᐋᐧᐟ ᐊᓂᐦᐃ ᑳ ᑖᐯᐧᔦᔨᒫᔨᐟ ᒋᓴᓴ.
27ᑖᓂᑕ ᒫᑲ ᐁᔮᐠ ᑲᑭᒋᒧᐃᐧᐣ? ᐋᒋᑭᐸᐃᑳᑌᐤ. ᑫᑯ ᐅᔭᓱᐁᐧᐃᐧᐣ ᐅᐦᒋ? ᐊᑐᐢᑫᐃᐧᓇ ᒋ? ᓇᒪᐃᐧᔭ: ᒫᑲ ᑖᐯᐧᔦᔨᑕᒧᐃᐧ ᐅᔭᓱᐁᐧᐃᐧᐣ ᐅᐦᒋ. 28ᑭᐟ ᐃᑕᑭᒋᑳᓈᓇᐤ ᒫᑲ ᐊᔨᓯᔨᓂᐤ ᐁ ᑲᐧᔭᐢᑭᑖᑎᓯᐊᐧᑭᒥᐦᐟ ᑖᐯᐧᔦᔨᑕᒧᐃᐧᐣ ᐅᐦᒋ, ᐱᐢᑭᐢ ᐃᐧᔭ ᐊᑐᐢᑫᐃᐧᓇ ᐅᔭᓱᐁᐧᐃᐧᓂᕽ. 29ᐊᐦᐳ ᒋ ᑭᓭᒪᓂᑐ ᒍᐊᐧᐠ ᐱᑯ ᐅ ᑭᓭᒪᓂᑐᒥᐋᐧᐊᐧ? ᓇᒪ ᒋ ᒉᐣᑕᐃᓬᐊᐠ ᒥᓇ ᐅ ᑭᓭᒪᓂᑐᒥᐋᐧᐊᐧ? ᒋᑫᒫ, ᒉᐣᑕᐃᓬᐊᐠ ᒥᓇ: 30#ᑎᔪᑕᕒᐊᓇᒥ 6:4; ᑲᓬᐁᓯᔭᓇ 3:20ᑭᐢᐱᐣ ᐱᔦᔭᑯᑫᐧ ᑭᓭᒪᓂᑐ, ᐁᑯᓯ ᑭᑕ ᑲᐧᔭᐢᑭᑖᑎᓯᐊᐧᑭᒣᐤ ᑳ ᓴᕒᑲᒼᓴᐃᓯᐃᐧᔨᐟ ᑖᐯᐧᔦᔨᑕᒧᐃᐧᐣ ᐅᐦᒋ, ᒥᓇ ᐁᑳ ᑳ ᓴᕒᑲᒼᓴᐃᓯᐃᐧᔨᐟ ᑖᐯᐧᔦᔨᑕᒧᐃᐧᐣ ᐅᐦᒋ, 31ᐁᑯᓯ ᒋ ᒫᑲ ᑭᐟ ᐃᓯᑖᓈᓇᐤ ᐅᔭᓱᐁᐧᐃᐧᐣ ᐁᑳ ᓈᐣᑕᐤ ᑭᑕ ᐃᑖᐸᑕᕽ ᑖᐯᐧᔦᔨᑕᒧᐃᐧᐣ ᐅᐦᒋ? ᓇᒪᐃᐧᔭ ᑭᑕ ᑭ ᐃᐦᑭᐣ: ᓇᐊᐧᐨ, ᑭᐟ ᐋᔮᑕᐢᑖᓇᐤ ᐅᔭᓱᐁᐧᐃᐧᐣ.
موجودہ انتخاب:
ᕒᐅᒪᓇ 3: KKMs
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
This Bible text is a corrected edition of the 1908 Western Cree Bible; it is in the public domain.