ᕒᐅᒪᓇ 2
2
1 #
ᒫᐟᔪ 7:1; ᓬᐅᐠ 6:37 ᐁᑯᓯ ᒫᑲ ᓇᒪᐃᐧᔭ ᑭᑕ ᑭ ᑭᐧᑕᐃᐧ ᐃᑌᐧᔭᐣ, ᐋ ᐊᔨᓯᔨᓂᐤ, ᐱᑯ ᐊᐃᐧᔭᐠ ᑭᔭ ᑳ ᐅᔭᓱᐁᐧᔭᐣ: ᒋᑫᒫ ᐃᑕ ᑳ ᐅᔭᓱᐋᐧᑕᐟ ᑯᑕᐠ, ᑭ ᓈᓂᐳᒥᓱᐣ; ᒋᑫᒫ ᑭᔭ ᑳ ᐅᔭᓱᐁᐧᔭᐣ ᐁᑯᓯ ᑭᐢᑕ ᐁᑐᑕᒪᐣ. 2ᐁᑯᓯ ᑭ ᑭᐢᑫᔨᑌᓈᓇᐤ ᐅᔭᓱᐁᐧᐃᐧᐣ ᑭᓭᒪᓂᑐ ᑖᐯᐧᐃᐧᓂᕽ ᐁ ᐃᑕᐢᑌᔨᐠ ᐁ ᐃᑕᓱᐋᐧᑖᐟ ᐊᓂᐦᐃ ᐁᑯᓯ ᑳ ᐃᑐᑕᒥᔨᐟ. 3ᐅᒥᓯ ᒋ ᒫᑲ ᑭᐟ ᐃᑕᑭᒋᑳᐣ, ᐋ ᐊᔨᓯᔨᓂᐤ, ᑳ ᐅᔭᓱᐋᐧᑕᒋᐠ ᐊᓂᑭ ᐁᑯᑐᐊᐧ ᑳ ᐃᑐᑕᐦᑭᐠ, ᐁᑯᓯ ᒫᑲ ᑭᐢᑕ ᑳ ᐃᑐᑕᒪᐣ, ᑭᑕ ᑭ ᑕᐸᓯᑖᐊᐧᐟ ᐅᔭᓱᐁᐧᐃᐧᐣ ᑭᓭᒪᓂᑐ? 4ᐊᐦᐳ ᒋ ᑭᐟ ᐋᑕᐁᐧᔨᑕᒫᐧᐣ ᐁ ᐃᓯ ᐁᐧᔪᑕᓂᔨᐠ ᐅ ᒥᔮᐧᑎᓯᐃᐧᐣ ᒥᓇ ᐅ ᓯᐯᔨᑕᒧᐃᐧᐣ, ᐁᑳ ᐁ ᑭᐢᑫᔨᑕᒪᐣ ᐅ ᒥᔮᐧᑎᓯᐃᐧᐣ ᑭᓭᒪᓂᑐ ᐁ ᑭᐢᑭᓄᑕᐃᑯᔭᐣ ᑭᑕ ᑫᐧᐢᑭᐱᒫᑎᓯᔭᐣ? 5ᒫᑲ ᐁ ᐃᓯ ᒪᐢᑲᐋᐧᐠ ᒥᓇ ᐁᑳ ᐁ ᑫᐧᐢᑳᑎᓯᒪᑲᕽ ᑭᑌᐦ ᑭ ᒫᐊᐧᒋᑕᒫᓱᐣ ᑭᓯᐋᐧᓯᐃᐧᐣ ᑭᓯᐋᐧᓯᐃᐧᓂ ᑭᓯᑳᐤ ᐅᑎᐦᒋᐸᔨᑭ ᒥᓇ ᓄᑳᐧᓂᔨᑭ ᑳ ᑲᐧᔭᐢᑲᐧᓂᔨᐠ ᐅᔭᓱᐁᐧᐃᐧᐣ ᑭᓭᒪᓂᑐ; 6#ᓂᑲᒧᓇ 62:12; ᑲᑫᐦᑖᐁᐧᐃᐧᓇ 24:12ᐊᓇ ᑫ ᒥᔮᐟ ᑲᐦᑭᔭᐤ ᐊᔨᓯᔨᓂᐊᐧ ᐁ ᐃᓯ ᑲᐢᑭᑕᒫᑯᔨᐟ ᐅᐟ ᐃᓯᐦᒋᑫᐃᐧᓂᔨᐊᐧ: 7ᐊᓂᐦᐃ ᐁ ᓯᐯᔨᑕᒥᔨᐟ ᒥᔪ ᑐᑕᒧᐃᐧᓂᕽ ᑳ ᓇᑐᓇᒥᔨᐟ ᑭᐢᑌᔨᑖᑯᓯᐃᐧᐣ ᒥᓇ ᑭᐦᒑᔨᐃᐧᐃᐧᐣ ᒥᓇ ᐁᑳ ᑭᑕ ᓂᓯᐊᐧᓈᒋᐦᐅᕽ, ᑭᑕ ᒥᔮᐟ ᑳᑭᑫ ᐱᒫᑎᓯᐃᐧᐣ: 8ᒫᑲ ᐊᓂᐦᐃ ᑳ ᐋᔨᒥᓯᔨᐟ, ᒥᓇ ᐁᑳ ᑳ ᓇᓇᐃᑕᒥᔨᐟ ᑖᐯᐧᐃᐧᐣ, ᒫᑲ ᑳ ᓇᓇᐃᑕᒥᔨᐟ ᒪᒋ ᐃᓯᐁᐧᐱᓯᐃᐧᐣ, ᑭᑕ ᐊᔮᔨᐟ ᑭᓯᐋᐧᓯᐃᐧᐣ ᒥᓇ ᑭᓯᐢᑖᑯᐃᐧᐣ, 9ᐋᔨᒥᓯᐃᐧᐣ ᒥᓇ ᑯᑕᑭᑖᐃᐧᐣ, ᑲᐦᑭᔭᐤ ᐅᐟ ᐊᐦᒑᐦᑲᐧ ᐊᔨᓯᔨᓂᐤ ᑳ ᐊᑐᐢᑳᑕᕽ ᒪᒋᑎᐃᐧᐣ, ᑳ ᒍᐃᐧᐟ ᓂᑳᐣ ᒥᓇ ᐊᓇ ᑲᕒᐃᐠ; 10ᒫᑲ ᑭᐢᑌᔨᑖᑯᓯᐃᐧᐣ ᒥᓇ ᑭᐦᒑᔨᐃᐧᐃᐧᐣ ᒥᓇ ᐯᔭᑕᑫᔨᒧᐃᐧᐣ ᑲᐦᑭᔭᐤ ᐊᔨᓯᔨᓂᐤ ᑳ ᐊᑐᐢᑳᑕᕽ ᒥᔪ ᑫᑲᐧᐩ, ᑳ ᒍᐃᐧᐟ ᓂᑳᐣ, ᐁᑯᓯ ᒥᓇ ᐊᓇ ᑲᕒᐃᐠ: 11#ᑎᔪᑕᕒᐊᓇᒥ 10:17ᒋᑫᒫ ᓇᒪᐃᐧᔭ ᐊᐃᐧᔭ ᑭᓭᒪᓂᑐ ᓇᐊᐧᓱ ᑭᐢᑌᔨᒣᐤ.
12ᒋᑫᒫ ᑕᐦᑐ ᑳ ᑭ ᒪᒋᑐᑕᑭᐠ ᐁᑳ ᐅᔭᓱᐁᐧᐃᐧᐣ ᐁ ᐊᔮᒋᐠ ᑭᑕ ᓂᓯᐊᐧᓈᑎᓯᐊᐧᐠ ᐁᑳ ᐅᔭᓱᐁᐧᐃᐧᐣ ᐁ ᐊᔮᒋᐠ: ᒥᓇ ᑕᐦᑐ ᑳ ᑭ ᒪᒋᑐᑕᑭᐠ ᐁ ᐊᔮᒋᐠ ᐅᔭᓱᐁᐧᐃᐧᐣ ᑭᑕ ᐅᔭᓱᐋᐧᑎᑲᐧᐠ ᐅᔭᓯᐁᐧᐃᐧᐣ; 13ᒋᑫᒫ ᓇᒪᐃᐧᔭ ᐊᓂᑭ ᑳ ᐯᐦᑕᐦᑭᐠ ᐅᔭᓱᐁᐧᐃᐧᐣ ᑳ ᑲᐧᔭᐢᑭᑖᑎᓯᐊᐧᑭᒥᐦᒋᐠ ᐁ ᐃᓯ ᑭᑖᐸᑕᕽ ᑭᓭᒪᓂᑐ, ᒫᑲ ᑳ ᐃᑐᑕᐦᑭᐠ ᐅᔭᓱᐁᐧᐃᐧᐣ ᑭᑕ ᑲᐧᔭᐢᑭᑖᑎᓯᐊᐧᑭᒫᐊᐧᐠ: 14ᒋᑫᒫ ᐃᐢᐱ ᒉᐣᑕᐃᓬᐊᐠ ᐁᑳ ᑳ ᐊᔮᒋᐠ ᐅᔭᓱᐁᐧᐃᐧᐣ ᐁᑐᑕᑳᐧᐃᐧ ᐃᐧᔭᐋᐧᐤ ᑎᐱᔭᐤ ᐅᐦᒋ ᐊᓂᐦᐃ ᐅᔭᓱᐁᐧᐃᐧᓂᕽ ᑳ ᐊᔮᑭ, ᐅᑭ ᐋᑕ ᐁᑳ ᐁ ᐊᔮᒋᐠ ᐅᔭᓱᐁᐧᐃᐧᐣ, ᐃᐧᔭᐋᐧᐤ ᐅᔭᓱᐋᐧᑎᓱᐊᐧᐠ; 15ᐃᐧᔭ ᐁ ᐋᐧᐸᐦᑕᐦᐃᐁᐧᒋᐠ ᐁ ᐊᑐᐢᑫᒪᑲᓂᔨᐠ ᐅᔭᓱᐁᐧᐃᐧᐣ ᑳ ᒪᓯᓇᐃᑳᑌᔨᐠ ᐅᑌᐦᐃᐋᐧᕽ, ᐅ ᑭᐢᑫᔨᑕᒫᐃᐧᓂᐋᐧᐊᐧ ᐁ ᐋᒋᒧᐢᑖᑯᒋᐠ, ᒥᓇ ᐅ ᒥᑐᓀᔨᒋᑲᓂᐋᐧᐊᐧ ᒫᒥᐢᑯᐨ ᐁ ᒪᒥᓯᒥᑯᒋᐠ ᐊᐦᐳ ᐁ ᑲᐧᔭᐢᑯᐢᑕᒫᑯᒋᐠ; 16ᐊᓂᒪ ᑭᓯᑳᐤ ᐅᑎᐦᒋᐸᔨᑭ ᐃᑕ ᑭᓭᒪᓂᑐ ᑫ ᐅᔭᓱᐋᐧᑕᒫᐧᐟ ᐅ ᑭᒧᒋ ᐃᓯᐦᒋᑫᐃᐧᓂᔨᐊᐧ ᐊᔨᓯᔨᓂᐊᐧ, ᐁ ᐃᑕᐢᑌᐠ ᓂ ᒥᔮᐧᒋᒧᐃᐧᐣ, ᒋᓴᐢ ᙭ ᐅᐦᒋ.
17ᒫᑲ ᑭᐢᐱᐣ ᐅ ᐃᐧᔪᐃᐧᐣ ᒍᐤ ᑭᐟ ᐊᔮᐣ, ᒥᓇ ᑭ ᑭᑎᓯᒧᐣ ᐅᔭᓱᐁᐧᐃᐧᐣ, ᒥᓇ ᑭ ᒪᒥᒋᒧᐣ ᑭᓭᒪᓂᑐ ᐅᐦᒋ, 18ᒥᓇ ᑭ ᑭᐢᑫᔨᑕᒫᐧᐣ ᐅᐟ ᐃᓯ ᓇᑕᐁᐧᔨᑕᒧᐃᐧᐣ, ᒥᓇ ᑭ ᓂᓯᑕᐃᐧᓀᐣ ᐊᓂᐦᐃ ᑳ ᒥᔮᐧᓯᑭ, ᐃᐧᔭ ᐁ ᑭᐢᑭᓄᐦᐊᒫᑲᐃᐧᔭᐣ ᐅᔭᓱᐁᐧᐃᐧᓂᕽ ᐅᐦᒋ, 19ᒥᓇ ᐁ ᑌᐸᑫᔨᒧᔭᐣ ᑭᔭ ᐁ ᑲᐢᑭᑖᔭᐣ ᑭᑕ ᑭᐢᑭᓄᑕᐊᐟ ᐁᑳ ᑳ ᐋᐧᐱᐟ, ᐁ ᐋᐧᐢᑌᓇᒪᐊᐧᒋᐠ ᐊᓂᑭ ᐊᐧᓂᑎᐱᐢᑳᕽ ᑳ ᐊᔮᒋᐠ, 20ᐁ ᑲᑫᐢᑭᒪᒋᐠ ᐁᑳ ᑳ ᐃᔨᓂᓯᒋᐠ, ᐁ ᑭᐢᑭᓄᐦᐊᒫᐊᐧᒋᐠ ᐅᐢᑲᐋᐧᓯᓴᐠ, ᐁ ᐊᔮᔭᐣ ᐅᔭᓱᐁᐧᐃᐧᓂᕽ ᐁ ᑭᐢᑭᓇᐋᐧᓯᓈᑲᐧᕽ ᑭᐢᑫᔨᑕᒧᐃᐧᐣ ᒥᓇ ᑖᐯᐧᐃᐧᐣ; 21ᑭᔭ ᒫᑲ ᑳ ᑭᐢᑭᓄᐦᐊᒫᐊᐧᐟ ᑯᑕᐠ, ᓇᒪ ᒋ ᑭ ᑭᐢᑭᓄᐦᐊᒫᓱᐣ? ᑭᔭ ᑳ ᐃᓯ ᐃᐧᐦᑕᒪᐊᐧᐟ ᐊᔨᓯᔨᓂᐤ ᐁᑳ ᑭᑕ ᑭᒧᑎᐟ, ᑭ ᑭᒧᑎᐣ ᒋ ᑭᔭ? 22ᑭᔭ ᑳ ᐃᑌᐧᔭᐣ ᐊᔨᓯᔨᓂᐤ ᐁᑳ ᑭᑕ ᐃᑐᑕᕽ ᐱᓯᑳᐧᑎᓯᐃᐧᐣ, ᑭᐟ ᐃᑐᑌᐣ ᒋ ᑭᔭ ᐱᓯᑳᐧᑎᓯᐃᐧᐣ? ᑭᔭ ᑳ ᐸᑳᐧᑕᒋᐠ ᒪᓂᑐᑳᓇᐠ, ᑭ ᒪᓂᐊᐧᑖᑕᒫᐧᐣ ᒋ ᐅᐟ ᐊᔭᒥᐦᐁᐃᐧᑲᒥᑯᐋᐧᐊᐧ? 23ᑭᔭ ᑳ ᒪᒥᒋᒧᔭᐣ ᐅᔭᓱᐁᐧᐃᐧᐣ ᐅᐦᒋ, ᐁ ᐱᑯᓇᒪᐣ ᐅᔭᓱᐁᐧᐃᐧᐣ ᑭ ᐱᐁᐧᔨᑖᑯᐋᐤ ᒋ ᑭᓭᒪᓂᑐ? 24#ᐊᐩᓵᔭ 52:5ᒋᑫᒫ ᐅ ᐃᐧᔪᐃᐧᐣ ᑭᓭᒪᓂᑐ ᐹᐢᑖᒧᐃᐧ ᐱᑭᐢᑳᐧᑕᒫᐧᐣ ᒣᑲᐧ ᒉᐣᑕᐃᓬᐃᓈᕽ ᑭᔭᐋᐧᐤ ᐅᐦᒋ, ᑖᐱᐢᑯᐨ ᑳ ᐃᑕᓯᓇᐦᐃᑳᑌᐠ. 25ᒋᑫᒫ ᓴᕒᑲᒼᓴᐃᓯᐃᐧᐃᐧᐣ ᑖᐯᐧ ᐋᐸᑕᐣ ᑭᐢᐱᐣ ᑭᐟ ᐃᑐᑌᐣ ᐅᔭᓱᐁᐧᐃᐧᐣ: ᒫᑲ ᑭᐢᐱᐣ ᑭ ᐱᑯᓀᐣ ᐅᔭᓱᐁᐧᐃᐧᐣ, ᑭ ᓴᕒᑲᒼᓴᐃᓯᐃᐧᐃᐧᐣ ᐃᓯ ᐊᔮᐤ ᑖᐱᐢᑯᐨ ᐁᑳ ᐁ ᓴᕒᑲᒼᓴᐃᓯᐃᐧᔭᐣ. 26ᑭᐢᐱᐣ ᒫᑲ ᐁᑳ ᑳ ᓴᕒᑲᒼᓴᐃᓯᐃᐧᐟ ᑲᓇᐁᐧᔨᐦᑕᐦᑭ ᐃᑕᐢᒋᑫᐃᐧᓇ ᐅᔭᓱᐁᐧᐃᐧᓂᕽ, ᓇᒪ ᒋ ᐁᑳ ᑳ ᓴᕒᑲᒼᓴᐃᓯᐃᐧᐟ ᑭᑕ ᐃᑕᑭᑕᒫᐧᐣ ᑖᐱᐢᑯᐨ ᐁ ᓴᕒᑲᒼᓴᐃᓯᐃᐧᐟ? 27ᓇᒪ ᒋ ᒥᓇ ᐊᓂᒪ ᓴᕒᑲᒼᓴᐃᓯᐃᐧᐃᐧᐣ ᑳ ᐃᓯᐃᑯᐃᐧᓯᕽ, ᑭᐢᐱᐣ ᑎᐱᑐᑕᒧᒪᑲᑭ ᐅᔭᓱᐁᐧᐃᐧᐣ, ᑭ ᑲ ᐅᔭᓱᐋᐧᑎᑯᐣ ᑭᔭᐣ ᐋᑕ ᐁ ᐊᔮᔭᐣ ᒪᓯᓇᐦᐃᑲᐣ ᒥᓇ ᐅᔭᓱᐁᐧᐃᐧᐣ ᑳ ᐱᑯᓇᒪᐣ ᐅᔭᓯᐁᐧᐃᐧᐣ? 28ᒋᑫᒫ ᓇᒪᔦᐤ ᐊᓇ ᒍᐤ, ᑌᐱᔮᕽ ᐊᐧᐢᑭᐨ ᑳ ᐁᑯᑐᐃᐧᐃᐧᐟ ᒥᓇ ᓇᒪᔦᐤ ᐊᓂᒪ ᓴᕒᑲᒼᓴᐃᓯᐃᐧᐃᐧᐣ, ᐊᐧᐢᑭᐨ ᐃᐧᔮᓯᕽ ᑳ ᐊᔮᐠ: 29#ᑎᔪᑕᕒᐊᓇᒥ 30:6ᒫᑲ ᐁᐊᐧᑯ ᐊᓇ ᒍᐤ, ᑳ ᐁᑯᑐᐃᐧᐃᐧᐟ ᐱᒑᔨᕽ; ᒥᓇ ᓴᕒᑲᒼᓴᐃᓯᐃᐧᐃᐧᐣ ᐁᐊᐧᑯ ᐊᓂᒪ ᑳ ᐊᔮᐠ ᒥᑌᐃᕽ, ᐊᐦᒑᐦᑯᕽ, ᓇᒪᐃᐧᔭ ᒪᓯᓇᐦᐃᑲᓂᕽ; ᑳ ᒪᒥᒋᑕᒥᕽ ᓇᒪᐃᐧᔭ ᐊᔨᓯᔨᓂᕽ ᐅᐦᒋ, ᒫᑲ ᑭᓭᒪᓂᑐ ᐅᐦᒋ.
موجودہ انتخاب:
ᕒᐅᒪᓇ 2: KKMs
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
This Bible text is a corrected edition of the 1908 Western Cree Bible; it is in the public domain.