ᕒᐅᒪᓇ 4
4
1ᑖᓂᓯ ᒫᑲ ᑫ ᐃᑌᐧᔭᕽ ᐁᑊᕒᐁᐋᒼ, ᑲᔮᐢ ᑯᑖᐃᐧᓇᐤ ᐃᐧᔭᓯᕽ ᐃᓯ, ᑳ ᐃᓯ ᒥᐢᑲᕽ? 2ᒋᑫᒫ ᑭᐢᐱᐣ ᐁᑊᕒᐁᐋᒼ ᑳ ᑲᐧᔭᐢᑭᑖᑎᓯᐊᐧᑫᔨᒫᐃᐧᑌ ᐊᑐᐢᑫᐃᐧᓇ ᐅᐦᒋ, ᐊᔮᐤ ᑭᑕ ᑭ ᐅᐦᒋ ᑲᑭᒋᒧᐟ; ᒫᑲ ᓇᒪᐃᐧᔭ ᑭᓭᒪᓂᑐᕽ ᐃᑌᑫ. 3#ᒉᓂᓯᐢ 15:6; ᑲᓬᐁᓯᔭᓇ 3:6ᒋᑫᒫ ᑖᓂᓯ ᐁᑌᐧᒪᑲᕽ ᑭᐦᒋ ᒪᓯᓇᐦᐃᑫᐃᐧᐣ? ᐁᑊᕒᐁᐋᒼ ᒫᑲ ᑭ ᑖᐯᐧᑕᐁᐧᐤ ᑭᓭᒪᓂᑐᐊᐧ, ᐁᑯᓯ ᑲᐧᔭᐢᑭᑖᑎᓯᐃᐧᐣ ᑭ ᐃᑕᑭᑕᒪᐋᐧᐤ. 4ᐊᓇ ᒫᑲ ᑳ ᐊᑐᐢᑫᐟ, ᐊᓂᒪ ᑎᐸᐦᐊᒫᑯᐃᐧᐣ ᓇᒪᐃᐧᔭ ᑭᓭᐋᐧᑎᓯᐃᐧᓂᕽ ᐃᑕᑭᑕᒪᐋᐧᐤ, ᒫᑲ ᑖᐱᐢᑯᐨ ᐁ ᒪᓯᓇᐦᐃᑫᐟ. 5ᒫᑲ ᐊᓇ ᐁᑳ ᑳ ᐊᑐᐢᑫᐟ, ᒫᑲ ᑳ ᑖᐯᐧᔦᔨᒫᐟ ᐊᓂᐦᐃ ᑳ ᑲᐧᔭᐢᑭᑖᑎᓯᐊᐧᑭᒫᔨᐟ ᐅᒪᒑᑎᓯᐊᐧ, ᐅ ᑖᐯᐧᔦᔨᑕᒧᐃᐧᐣ ᑲᐧᔭᐢᑭᑖᑎᓯᐃᐧᐣ ᐃᑕᑭᑕᒪᐋᐧᐤ. 6ᐊᐦᐳ ᑌᐱᐟ ᒥᓇ ᐃᐧᐦᑕᒼ ᐅ ᓴᐁᐧᔨᑖᑯᓯᐃᐧᓂᔨᐤ ᐊᓂᐦᐃ ᐊᔨᓯᔨᓂᐊᐧ, ᑭᓭᒪᓂᑐᐊᐧ ᑳ ᐊᑭᑕᒫᑯᔨᐟ ᑲᐧᔭᐢᑭᑖᑎᓯᐃᐧᐣ ᐱᐢᑭᐢ ᐊᑐᐢᑫᐃᐧᓇ ᐅᐦᒋ, 7#ᓂᑲᒧᓇ 32:1,2ᐁ ᐃᑌᐧᐟ, ᓴᐁᐧᔨᑖᑯᓯᐊᐧᐠ ᐊᓂᑭ ᐅ ᐊᐧᓂᐃᑎᐃᐧᓂᐋᐧᐊᐧ ᑳ ᐳᓀᔨᑕᒫᐦᒋᐠ, ᒥᓇ ᐅ ᒪᒋᐃᑎᐃᐧᓂᐋᐧᐊᐧ ᑳ ᐊᑲᐧᓇᐦᐃᑳᑌᔨᑭ. 8ᓴᐁᐧᔨᑖᑯᓯᐤ ᐊᓇ ᐊᔨᓯᔨᓂᐤ ᐁᑳ ᑳ ᐊᑭᑕᒫᑯᐟ ᑳ ᑎᐯᔨᐦᒋᑫᔨᐟ ᒪᒋᐃᑎᐃᐧᐣ. 9ᐅᒪ ᒫᑲ ᓴᐁᐧᔨᑖᑯᓯᐃᐧᐣ ᐱᑯ ᒋ ᑳ ᓴᕒᑲᒼᓴᐃᓯᐃᐧᐟ ᑳ ᐃᐧᐦᑕᒫᐦᐟ, ᐊᐦᐳ ᒋ ᐁᑳ ᑳ ᓴᕒᑲᒼᓴᐃᓯᐃᐧᐟ ᒥᓇ? ᒋᑫᒫ ᑭᐟ ᐃᑖᐧᓈᓇᐤ, ᐁᑊᕒᐁᐋᒼ ᐅ ᑖᐯᐧᑕᒧᐃᐧᐣ ᑲᐧᔭᐢᑭᑖᑎᓯᐃᐧᐣ ᐁ ᑭ ᐃᑕᑭᑕᒫᐦᐟ. 10ᑖᓂᓯ ᒫᑲ ᑳ ᐃᑕᑭᑕᒫᐦᐟ? ᓵᓴᐩ ᒋ ᐁ ᑭ ᓴᕒᑲᒼᓴᐃᓯᐃᐧᐟ, ᐊᐦᐳ ᒋ ᐁᑳ ᐁ ᓴᕒᑲᒼᓴᐃᓯᐃᐧᐟ? ᓈᒪᐃᐧᔭ ᐁ ᑭ ᓴᕒᑲᒼᓴᐃᓯᐃᐧᐟ, ᒫᑲ ᐁᑳ ᐁ ᓴᕒᑲᒼᓴᐃᓯᐃᐧᐟ: 11#ᒉᓂᓯᐢ 17:10ᐁᑯᓯ ᑭ ᒥᔮᐤ ᐊᓂᒪ ᑭᐢᑭᓇᐋᐧᒋᐅᐃᐧᐣ ᓴᕒᑲᒼᓴᐃᓯᐃᐧᐃᐧᐣ, ᐁ ᐋᔮᑕᐢᑕᒫᐦᐟ ᐊᓂᒪ ᑲᐧᔭᐢᑭᑖᑎᓯᐃᐧᐣ ᑳ ᑭ ᐊᔮᐟ ᑖᐯᐧᑕᒧᐃᐧᐣ ᐅᐦᒋ ᑫᔮᐱᐨ ᐁᑳ ᐁ ᓴᕒᑲᒼᓴᐃᓯᐃᐧᐟ: ᑭᑕ ᑭ ᐅᔪᑖᐃᐧᒋᐠ ᑲᐦᑭᔭᐤ ᐊᓂᑭ ᑳ ᑖᐯᐧᑕᐦᑭᐠ ᐋᑕ ᐁᑳ ᐁ ᓴᕒᑲᒼᓴᐃᓯᐃᐧᒋᐠ, ᑲᐧᔭᐢᑭᑖᑎᓯᐃᐧᐣ ᑭᑕ ᐊᑭᑕᒫᐦᒋᐠ; 12ᒥᓇ ᑭᑕ ᐅᔪᑖᐃᐧᐢᑲᒪᐋᐧᐟ ᓴᕒᑲᒼᓴᐃᓯᐃᐧᐃᐧᐣ ᐊᓂᐦᐃ ᐁᑳ ᐱᑯ ᑳ ᓴᕒᑲᒼᓴᐃᓯᐃᐧᒋᐠ, ᒫᑲ ᑳ ᐱᒧᐦᑌᒋᐠ ᑕᑯᐢᑫᐃᐧᓂᕽ ᐊᓂᒪ ᑖᐯᐧᔦᔨᑕᒧᐃᐧᐣ ᑯᑖᐃᐧᓇᐤ ᐁᑊᕒᐁᐋᒼ ᑳ ᑭ ᐊᔮᐟ ᐁᑳ ᐁ ᓴᕒᑲᒼᓴᐃᓯᐃᐟ.
13 #
ᒉᓂᓯᐢ 17:4-6; 22:17,18; ᑲᓬᐁᓯᔭᓇ 3:29 ᒋᑫᒫ ᓇᒪᐃᐧᔭ ᐅᔭᓱᐁᐧᐃᐧᐣ ᐅᐦᒋ ᑳ ᑭ ᐊᓱᑕᒫᐦᐟ ᐁᑊᕒᐁᐋᒼ ᐊᐦᐳ ᐅᐟ ᐊᐊᐧᓯᒥᓴ, ᑭᑕ ᐋᓂᐢᑫ ᑎᐯᔨᑕᕽ ᐊᐢᑭ, ᒫᑲ ᐊᓂᒪ ᑲᐧᔭᐢᑭᑖᑎᓯᐃᐧᐣ ᑖᐯᐧᔦᔨᑕᒧᐃᐧᐣ ᐅᐦᒋ. 14#ᑲᓬᐁᓯᔭᓇ 3:18ᐃᐧᔭ ᑭᐢᐱᐣ ᐊᓂᑭ ᐅᔭᓱᐁᐧᐃᐧᓂᕽ ᑯᐦᒋᒋᐠ ᐃᔮᓂᐢᑭ ᑎᐯᔨᑕᒧᐋᐧᑫᐧ, ᑖᐯᐧᔦᔨᑕᒧᐃᐧᐣ ᑕᐃᐧᓂᑳᑌᐤ, ᒥᓇ ᐊᓱᑕᒫᑫᐃᐧᐣ ᓇᒪ ᓈᓇᑕᐤ ᐃᑖᐸᑕᐣ: 15ᒋᑫᒫ ᐅᔭᓱᐁᐧᐃᐧᐣ ᑭᓯᐋᐧᓯᐃᐧᐣ ᐊᑐᐢᑳᑕᒧᒪᑲᐣ; ᒫᑲ ᐃᑕ ᐁᑳ ᐅᔭᓱᐁᐧᐃᐧᐣ ᐁ ᐊᔮᐠ, ᓇᒪᐃᐧᔭ ᐱᑯᓂᑳᑌᐤ. 16#ᑲᓬᐁᓯᔭᓇ 3:7ᐁᐊᐧᑯᒪ ᑖᐯᐧᔦᔨᑕᒧᐃᐧᐣ ᑯᐦᒋ ᐊᔮᐠ, ᑭᓭᐋᐧᑎᓯᐃᐧᓂᕽ ᑭᑕ ᐃᑕᐢᑌᐠ; ᐁᑯᓯ ᒫᑲ ᐊᓱᑕᒫᑯᐃᐧᐣ ᑭᑕ ᑫᒋᓇᑕᓂᔨᐠ ᑲᐦᑭᔭᐤ ᑳ ᐊᐋᐧᓯᓯᑳᐃᐧᓂᐃᐧᒋᐠ; ᓇᒪᐃᐧᔭ ᐱᑯ ᐊᓂᑭ ᐅᔭᓱᐁᐧᐃᐧᓂᕽ ᑯᐦᒋᒋᐠ, ᒫᑲ ᐊᓂᑭ ᒥᓇ ᑯᐦᒋᒋᐠ ᐅ ᑖᐯᐧᔦᔨᑕᒧᐃᐧᐣ ᐁᑊᕒᐁᐋᒼ, ᐁᐊᐧᑯ ᑲᐦᑭᔭᐤ ᑯᔪᑖᐃᐧᔭᕽ 17#ᒉᓂᓯᐢ 17:5(ᑳ ᐃᑕᓯᓇᐦᐃᑳᑌᐠ, ᑭᔭ ᑭᑕ ᐅᔪᑖᐃᐧᒋᐠ ᒥᐦᒉᐟ ᐁ ᐃᑕᐢᑳᓀᓯᒋᐠ ᑭ ᑭ ᐃᓯᐃᑎᐣ) ᐁ ᐃᓯ ᑭᑖᐸᒥᑯᐟ ᐊᓂᐦᐃ ᑳ ᑖᐯᐧᑕᐋᐧᐟ, ᑭᓭᒪᓂᑐᐊᐧ ᐅᑎ, ᐊᓇ ᑳ ᐱᒫᑎᓯᐢᑲᐋᐧᐟ ᐅᓂᐱᐊᐧ, ᒥᓇ ᑳ ᐃᓯ ᑌᐸᐧᑕᕽ ᐊᓂᐦᐃ ᐁᑳ ᑳ ᐊᔮᔨᑭ ᑖᐱᐢᑯᐨ ᓵᓴᐩ ᐁ ᐊᔮᔨᑭ. 18#ᒉᓂᓯᐢ 15:5ᐊᓇ ᐁ ᐃᓯ ᐸᑯᓭᔨᒧᐟ ᑳ ᑭ ᑖᐯᐧᑕᕽ ᐋᑕ ᐁᑳ ᐁ ᐃᑕᑌᔨᑖᑲᐧᓂᔨᐠ, ᐃᐧᔭ ᑭᑕ ᐅᔪᑖᐃᐧᔨᐟ ᒥᐦᒉᐟ ᐁ ᐃᑕᐢᑳᓀᓯᔨᐟ, ᐁ ᐃᑕᐢᑌᔨᐠ ᐊᓂᒪ ᑳ ᑭ ᐃᐧᐦᑕᒫᐦᐟ, ᐁᑯᓯ ᑫ ᐃᓯ ᐊᔮᒋᐠ ᑭᐟ ᐊᐋᐧᓯᒥᓴᐠ. 19#ᒉᓂᓯᐢ 17:17ᐁᑯᓯ ᐁᑳ ᐁ ᐊᑎ ᓀᓱᐊᐧᓂᔨᐠ ᐅ ᑖᐯᐧᔦᔨᑕᒧᐃᐧᐣ ᓇᒪᐃᐧᔭ ᒫᒥᑐᓀᔨᑕᒼ ᐃᐧᔭᐤ ᑖᐱᐢᑯᐨ ᐁ ᓂᐳᒪᑲᓂᔨᐠ (ᐃᐧᔭ ᓵᓴᐩ ᓇᐣᑕᐤ ᒥᑖᑕᐦᑐᒥᑕᓇᐤ ᐁ ᐃᑕᑐᐱᐳᓀᐧᐟ), ᒥᓇ ᓭᕒᐊᐊᐧ ᐁ ᐃᓯ ᓀᓱᐃᐧᑭᑳᔨᐟ: 20ᒋᑫᒫ, ᐁ ᑲᓇᐋᐧᐸᐦᑕᒫᐧᐟ ᐅᐟ ᐊᓱᑕᒫᑫᐃᐧᓂᔨᐤ ᑭᓭᒪᓂᑐᐊᐧ, ᓇᒪᐃᐧᔭ ᐋᓀᐧᑕᒧᐃᐧᐣ ᓴᐃᐧᐢᑳᐟ, ᒫᑲ ᐁᔪᑲᒼ ᑭ ᒪᐢᑲᐃᐧᓯᐤ ᑖᐯᐧᔦᔨᑕᒧᐃᐧᐣ ᐅᐦᒋ, ᐁ ᑭᐢᑕᑭᒫᐟ ᑭᓭᒪᓂᑐᐊᐧ, 21ᒥᓇ ᒥᑐᓂ ᐁ ᑫᒋᓈᐅᐟ, ᐊᓂᒪ ᑳ ᑭ ᐊᓱᑕᒫᑯᐟ, ᐁ ᑲᐢᑭᑖᔨᐟ ᑭᑕ ᐃᑐᑕᒥᔨᐟ. 22ᐁᑯᓯ ᒫᑲ ᑲᐧᔭᐢᑭᑖᑎᓯᐃᐧᐣ ᑭ ᐃᑕᑭᑕᒪᐋᐧᐤ. 23ᓇᒪᐃᐧᔭ ᒫᑲ ᐃᐧᔭ ᐱᑯ ᐅᐦᒋ ᑳ ᑭ ᒪᓯᓇᐃᑳᑌᐠ, ᐁ ᑭ ᐃᓯ ᐊᑭᑕᒫᐦᐟ; 24ᒫᑲ ᑭᔮᓇᐤ ᒥᓇ ᐅᐦᒋ, ᑳ ᑖᐯᐧᑕᐋᐧᔭᕽ ᐊᓇ ᑳ ᑭ ᐊᐧᓂᐢᑳᓈᐟ ᒋᓴᓴ ᑳ ᑎᐯᔨᒥᑯᔭᕽ ᓂᐳᐃᐧᓂᕽ ᐅᐦᒋ, 25#ᐊᐩᓵᔭ 53:4,5ᑳ ᑭ ᐸᑭᑎᓂᐦᐟ ᑭ ᐊᐧᓂᑐᑕᒧᐃᐧᓂᓇᐊᐧ ᐅᐦᒋ, ᒥᓇ ᑳ ᑭ ᐊᐧᓂᐢᑳᓂᐦᐟ ᑭᑕ ᑲᐧᔭᐢᑭᑖᑎᓯᐊᐧᑭᒥᑲᐃᐧᔭᕽ.
موجودہ انتخاب:
ᕒᐅᒪᓇ 4: KKMs
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
This Bible text is a corrected edition of the 1908 Western Cree Bible; it is in the public domain.