Parallel

Матеј 9

9
ГЛАВА 9
(Зачало 29)
1Тогаш Он влезе во#Недела шеста по Педесетница: Во она време, влезе Исус во еден кораб, се врати назад и пристигна во Својот град.
Крај на неделата
2И ете, донесоа при Него еден фатен, кој лежеше на постелка. Па кога ја виде Исус нивната вера, му рече на фатениот: – Не плаши се, чедо! Ти се простуваат гревовите твои.
3Тогаш некои од книжни ците рекоа во себе: Овој богохулствува.
4А Исус, штом ги разбра мислите нивни, рече: – Зошто мислите лошо во срцата ваши?
5Оти, што е полесно? Да кажам: ти се проштеваат гревовите твои, или да речам: стани и оди?
6Но, за да знаете дека Синот Човечки има власт на земјата да проштева гревови; тогаш му рече на фатениот: – Стани, земи си ја постелката и оди си дома!
7И тој стана, ја зеде постелката своја и си отиде дома.
8А народот, кога го виде тоа, се зачуди и Го прослави Бога, Којшто им дал таква власт на луѓето.
Крај на неделата
(Зачало 30)
9Акога си одеше оттаму, Исус виде#Сабота петта по Педесетница: Во она време, кога одеше Исус, виде еден човек, по име Матеј, како седи на царинарницата, и му рече: – Врви по Мене! И тој стана и тргна по Него.
10И кога седеше Исус на трпеза дома, одеднаш мнозина цариници и грешници дојдоа и седнаа до Него и до учениците Негови.
11Но, кога го видоа тоа фарисеите, им рекоа на учениците Негови: – Зошто вашиот Учител јаде и пие со цариници и грешници?
12А Исус, кога го чу тоа, им рече: – Здравите немаат потреба од лекар, туку болните;
13одете и научете се што значи: „милост сакам, а не жртва“. Зашто не сум дошол да ги повикам праведниците, туку грешниците на покајание.
Крај на саботата
(Зачало 31)
14Тогаш дојдоа при Него учениците#Петок од втората седмица по Педесетница: Во она време, дојдоа при Исуса учениците Јованови и рекоа: – Зошто ние и фарисеите постиме многу, а Твоите ученици не постат?
15А Исус им рече: – Зар можат сватовите да бидат нажа лени додека е со нив младоженецот? Но, ќе дојдат дни, кога младоженецот ќе се оттргне од нив, и тогаш тие ќе постат.
16Зашто никој не крпи стара облека со нова крпа, оти таа ќе се отшие од старото и дупката ќе биде поголема;
17ниту, пак, се клава ново вино во стари мевови; инаку, мевовите ќе напукнат, и виното ќе истече и мевовите ќе пропаднат; туку ново вино се тура во нови мевови, па така ќе се запази и едното и другото.
Крај на петокот
(Зачало 32)
18Додека Он им говореше за тоа, ете, некој началник се приближи до Него,#Сабота шеста по Педесетница: Во она време, некој началник се приближи до Исуса, му се клањаше и велеше: – Ќерка ми умре сега; но дојди, положи ја раката Своја над неа и таа ќе оживее.
19И откако стана Исус, тргна по Него, заедно со учениците Свои.
20И ете, една жена, која беше страдала дванаесет години од крвотечение, се приближи одзади и се допре до крајот од облеката Негова.
21Зашто си велеше: само ако се допрам до облеката Негова, ќе оздравам.
22А Исус, кога се заврте и ја виде, рече: – Не плаши се, ќерко, верата твоја те спаси! И оздраве жената од тој момент.
23И кога дојде Исус во куќата на началникот и ги виде свирачите и народот збунети,
24им рече: – Излезете надвор, зашто девојката не е умрена, туку спие. И тие Му се потсмеваа.
25А штом го истера народот, Он влезе, ја фати за рака и девојката стана.
26И тоа се расчу по целиот тој крај.
Крај на саботата
(Зачало 33)
27Акога си одеше Исус оттаму, тргнаа#Недела седма по Педесетница: Во она време, кога Исус одеше, тргнаа по Него двајца слепи и викаа: – Помилуј нѐ, Исусе, сине Давидов!
28А штом дојде в куќи, слепите се приближија до Него. И Исус им рече: – Верувате ли дека можам да го направам тоа? Тие Му рекоа: – Да, Господи!
29Тогаш се допре до очите нивни и рече: – Нека ви биде според верата ваша!
30И очите им се отвори ја; а Исус им заповеда, велејќи: – Гледајте никој да не дознае!
31А тие, штом излегоа, разгласија за Него по целата онаа земја.
32Додека тие излегуваа, ете, доведоа при Него еден човек нем и бесен.
33По изгонувањето на бесот, немиот проговори. А народот се чудеше и говореше: никогаш такво нешто не станало во Израилот.
34А фарисеите велеа: Он ги изгонува бесовите со силата на началникот на бесовите.
35И одеше Исус по сите градови и села, и поучуваше по нивните синагоги, го проповедаше Евангелието на царството и лекуваше секаква болест и секаква немоќ во народот.
Крај на неделата
(Зачало 34)
36Штом виде многу народ,#Понеделник од третата седмица по Педесетница: Во она време, кога виде Исус многу народ се сожали, зашто беа изморени и прснати како овци без пастир.
37Тогаш им рече на Своите ученици: – Жетвата е голема, а работници малку;
38затоа, помолете Го Господарот на жетвата да испрати работници на Својата жетва.