SALMOS 51 سے مشہور بائبلی آیات

شئیر

Dios, beyón chawe' yichj ḻáẕda'wa', na' bzoa to be' ḻi ḻaže' ḻo yichj ḻáẕda'wa'.

Bebí'i chia' yeḻa' žebele che yeḻa' weslá chio', na' bzoa choch be' chawe' dan' yoa'a.

Bi wkwaso' neda' ḻawo' Le', na' bi yekó'o be' la'y chio' ḻo yichj ḻáẕda'wa'.

Da' žaḻa' ko'ožo ḻaw Dios da' žaz ḻaže'e naken to ḻaẕdo' gax̱jw ḻaže'. To ḻaẕdo' gax̱jw ḻaže', na' da' žeyát ḻažen' bi wzó' cheḻa'ale, Dios.

Gokḻen neda', Dios, ḻo yeḻa' ži'i ḻaže' chio'. Ḻo yeḻa' žeyache' ḻaže' chio' beká'a ẕia da' nbaga'a. Wdíb neda' che da' bi nak chawe' da' bena'. Bka'n chawe' neda' che doḻa' da' nbaga'a.

Bka'n chawe' neda' ḻen da' ẕkonlo' žin, na' yega'na' chawe'. Wdíb neda', na' gakža' chiche ka nak bejw.

Ḻawo' Le' bena' doḻan'. O', ḻawo' Le'. Bena' da' bi naken chawe' ḻawo' Le'. Ki ẕnno' naken chia' nich gak bia' nako' chawe' ni'a che da' ẕnno'. Naken ḻi ḻaže' kan ẕchi'a ḻažo'o benách ka'.