ᐅᐸᓓᑭᔅ ᒫᑎᐤ 24 سے مشہور بائبلی آیات

شئیر

ᑫ ᐃᔅᐱᒋ ᒥᒉᑎᒃ ᒫᑲ ᒪᒑᑎᓯᐎᓐ, ᒥᒉᑦ ᐅ ᓵᑭᐃᐌᐎᓂᐗᐤ ᑲᑕ ᐊᑎ ᑕᑳᓕᐤ᙮ ᒫᑲ ᐊᓇ ᐁᑳ ᑫ ᔖᑯᒋᐋᑲᓂᐎᑦ, ᐁᐗᒀᓇ ᑫ ᐱᒫᒋᐋᑲᓂᐎᑦ᙮

ᐅᒪ ᐅᑭᒫᐎᐎᓂ ᒥᓗᐋᒋᒧᐎᓐ ᒫᑲ ᑲᑕ ᐙᐎᑖᑲᓂᐗᓐ ᒥᓯᐌ ᐊᔅᑮᒃ, ᑭᒋ ᐎᑕᒫᑯᒋᒃ ᒥᓯᐌ ᐁ ᐃᑕᔅᑳᓀᓯᒋᒃ ᐃᓕᓕᐗᒃ; ᐁᑯ ᒫᑲ ᑫ ᐃᔥᒀᐸᓕᒃ᙮

ᑭ ᑳ ᐯᑌᓇᐗᐤ ᒫᑲ ᓇᑐᐸᓕᐎᓇ, ᓀᔥᑕ ᓇᑐᐸᓕᐎᓇ ᐁ ᑎᐹᑐᑖᑲᓂᐎᑭ: ᔮᒀᒥᓯᒃ ᒫᑲ ᐁᑳ ᑭᒋ ᒥᑯᔥᑳᑌᓕᑕᒥᐃᑲᐎᔦᒃ; ᐌᓴ ᒥᓯᐌ ᐅᐅ ᑫᒀᓇ ᑫᒋᓈᑦ ᑲᑕ ᐃᑭᓋ, ᒫᑲ ᓇᒪᐎᓚ ᐁᔥᑾ ᑲᑕ ᐃᔥᒀᐸᓕᐤ᙮

ᐌᓴ ᐁ ᐯᔭᑯᔅᑳᓀᓯᒋᒃ ᐃᓕᓕᐗᒃ ᑲᑕ ᐸᓯᑯᔅᑕᐌᐗᒃ ᐁ ᐱᑕᔥᐁᔅᑳᓀᓯᓕᒋ ᐃᓕᓕᐗ, ᓀᔥᑕ ᐅᑭᒫᐎᐎᓐ ᑯᑕᒃ ᐅᑭᒫᐎᐎᓐ: ᑲᑕ ᑲᐗᑲᑖᓂᐗᓐ ᒫᑲ, ᓀᔥᑕ ᐋᑯᐃᑖᔅᐱᓈᓂᐗᓐ, ᓀᔥᑕ ᑲᑕ ᑶᑾᓐ ᓇᓈᑐᒃ ᐃᔑ᙮ ᒥᓯᐌ ᐅᐅ ᐁᐗᑯ ᐱᒉᓚᒃ ᐁ ᒫᒋᐸᓕᑭ ᓇᓀᑳᑌᓕᑕᒧᐎᓇ᙮

ᑭᔑᒃ ᓀᔥᑕ ᐊᔅᑭ ᑲᑕ ᐃᔥᒀᐸᓕᐗ, ᒫᑲ ᓂᑦ ᐋᔭᒥᐎᓇ ᓇᒪᐎᓚ ᑲᑕ ᐃᔥᒀᐸᓕᐗ᙮

ᐌᓴ ᒥᒉᑦ ᑲᑕ ᑕᑯᔑᓋᒃ ᓂᑦ ᐃᔑᓂᑳᓱᐎᓂᒃ, ᐁ ᐃᑗᒋᒃ, ᓂᓚ ᐁᐗᒀᓇ ᙭; ᒥᒉᑦ ᒫᑲ ᑲᑕ ᐙᔦᔑᒣᐗᒃ᙮

ᐁᑯ ᑫ ᐸᑭᑎᓂᑖᑾᒃ ᑭᒋ ᑲᒀᑕᑭᐃᑳᐎᔦᒃ, ᑭ ᑳ ᓂᐹᐃᑯᐙᐗᒃ ᒫᑲ: ᓀᔥᑕ ᑭ ᑳ ᐸᒀᑎᑯᐙᐗᒃ ᒥᓯᐌ ᐁ ᐃᑕᔅᑳᓀᓯᒋᒃ ᐃᓕᓕᐗᒃ ᓂᑦ ᐃᔑᓂᑳᓱᐎᓐ ᐅᒋ᙮ ᐁᑯ ᒥᒉᑦ ᑫ ᓈᔦᑕᐌᓕᑕᑭᒃ, ᑲᑕ ᒫᒥᔑᒥᑐᐗᒃ ᒫᑲ, ᓀᔥᑕ ᑲᑕ ᐸᒀᑎᑐᐗᒃ᙮ ᒥᒉᑦ ᒫᑲ ᓇᔅᐹᒡ ᐅᑭᔅᑭᐙᐃᑫᐗᒃ ᑲᑕ ᐃᑖᐗᒃ, ᒥᒉᑦ ᒫᑲ ᑲᑕ ᐙᔦᔑᐁᐗᒃ᙮

ᒋᓴᔅ ᒫᑲ ᐁ ᓇᔥᑴᐗᔑᐋᑦ, ᑮ ᐃᑌᐤ, ᔮᒀᒥᓰᒃ ᐁᑳᐎᓚ ᐊᐌᓇ ᑭᒋ ᐙᔦᔑᒥᑖᒃ

ᐁᐗᑯ ᐌᒋ ᑭᓚᐗᐤ ᓀᔥᑕ ᐋᔦᔅᑲᐎᓰᒃ: ᐌᓴ ᐊᓂᒪ ᑎᐹᔨᑲᓐ ᐱᓯᒧᑳᓂᒃ ᒣᒀᒡ ᐁᑳ ᐁ ᐃᑌᓕᑕᒧᒃ ᐃᓕᓕᐎᑯᓯᓵᓐ ᑲᑕ ᑕᑯᔑᓐ᙮

ᐁᐗᑯ ᐌᒋ ᐊᔕᐙᐱᒃ; ᐌᓴ ᓇᒪᐎᓚ ᑭ ᑭᔅᑫᓕᑌᓇᐗᐤ ᑫᑯ ᑎᐹᔨᑲᓐ ᐱᓯᒧᑳᓂᒃ ᐃᔅᐱ ᑫ ᐯᒋ ᐃᑐᑌᒃ ᑭ ᑎᐯᓕᒋᑫᒥᐗᐤ᙮

ᒫᑲ ᐊᓂᒪ ᐁ ᑭᔑᑳᒃ ᓀᔥᑕ ᑎᐹᔨᑲᓐ ᐱᓯᒧᑳᓂᒃ ᓇᒪᐎᓚ ᐊᐌᓇ ᐃᓕᓕᐤ ᑭᔅᑫᓕᑕᒻ, ᓇᒪ ᓀᔥᑕ ᐁᓐᒐᓚᒃ ᑭᒋᑭᔑᑯᒃ, ᒫᑲ ᓄᑖᐎ ᐱᑯ᙮

ᐌᓴ ᑲᑕ ᐃᑖᐗᒃ ᓇᔅᐹᒡ ᙭ᑕᒃ, ᓀᔥᑕ ᓇᔅᐹᒡ ᐅᑭᔅᑭᐙᐃᑫᐗᒃ, ᑲᑕ ᐙᐸᑎᓕᐌᐗᒃ ᒫᑲ ᑭᒋ ᑭᔅᑭᓄᐙᒋ ᐙᐸᑎᓕᐌᐎᓇ ᓀᔥᑕ ᑳ ᒫᒪᔅᑳᑌᓕᑖᑾᑭ ᑫᒀᓇ: ᑫ ᐅᒋ ᐙᔦᔑᐋᒋᒃ ᐊᓂᐃ ᑳ ᐙᐌᓛᐸᒥᒥᒋ, ᑮᔥᐱᓐ ᑮ ᑐᒋᑳᑌᑭᐸᓐ᙮

ᒫᑲ ᑖᐱᔅᑯᒡ ᑳ ᐃᑭᓂᓕᒃ ᒣᒀᒡ ᓄᐊ ᐁ ᐅ ᑭᔑᑳᒥᑦ, ᐁᑯ ᓀᔥᑕ ᑫ ᐃᑭᒡ ᐯᒋ ᐃᑐᑌᑌ ᐃᓕᓕᐎᑯᓯᓵᓐ᙮ ᐌᓴ ᑖᐱᔅᑯᒡ ᒣᒀᒡ ᐊᓂᐃ ᑭᔑᑳᐙ ᐸᒧᔑ ᑳ ᓕᔅᑭᐯᒃ, ᑮ ᒥᒋᓱᐸᓇᒃ ᓀᔥᑕ ᑮ ᒥᓂᑴᐸᓇᒃ, ᑮ ᐎᑭᑐᐸᓇᒃ, ᓀᔥᑕ ᑮ ᐎᑭᑐᐃᐌᐸᓇᒃ, ᐱᓕᔥ ᐊᓂᒪ ᐁ ᑭᔑᑳᒃ ᐃᔅᐱ ᓄᐊ ᑳ ᐳᓯᑦ ᐋᕐᑯᒃ; ᓇᒪᐎᓚ ᒫᑲ ᐅᒋ ᑭᔅᑫᓕᑕᒶᒃ ᐹᑎᒫ ᐁᔅᐱᒋ ᓕᔅᑭᐯᓕᒃ, ᓀᔥᑕ ᒥᓯᐌ ᐌᑎᓂᑯᒋᒃ; ᐁᑯ ᓀᔥᑕ ᑫ ᐃᑭᒃ ᐯᒋ ᐃᑐᑌᑌ ᐃᓕᓕᐎᑯᓯᓵᓐ᙮