MAT 16 سے مشہور بائبلی آیات

شئیر

आप्पुड येशुड वान शिष्यलान आन्या, “जर यवारकी आना ना यंका वच्चेद इच्छा उंटे तर वाड स्वताद नकार शेयाला इंगा वानदी क्रुस येत्ताला इंगा ना यंका दावाला.

इंगा निन निक इल्ला शपतान की, नु पेत्र (आंटे राय) उंडाव इंगा इ राय मिंदा निन नाद मंडळी नीला फडामत्यान इंगा अधोलोकदी शक्ती दान मिंदा प्रबळ काक फोई.

निन निक स्वर्ग राज्य चाबील इच्यान इंगा पृथ्वी मिंदा येम पण नु कट्ट्याव आदी स्वर्गला कट्टेदेंक वच्ची इंगा पृथ्वी मिंदा येम पण नु इडशाव आदी स्वर्गला इडशेदेंक वच्ची.”

येनटीक की यवाडाना स्वताद जेम वाचाय मतेदेंक सुशी वाड आदी गमायमती पण यवाडाना ना इचांग स्वताद जेम गमायमती वाड दान वाचायमती.

जर मनशी आंता दुन्याम जिंकाश्या इंगा स्वताद जेम गमाय मतकुन्या तर वानकी येम फायदा? इंगा मनशी स्वता जेम बद्दल येम इच्ची?

आप्पुड येशुड वारनी आन्या, “पण मीर नन्नु येम आंटार?” शिमोन पेत्र उत्तर इच्या, “नु ख्रिस्त, जिवंत परमेश्वर कोडकु उंडाव.”

येशुड वानकी उत्तर इच्या, “हे शिमोन, योना कोडकु, नु धन्य उंडाव येनटीक की यादुच मनशी निक इदी शप्पालेद, पण ना परमेश्वर आब्बाड यवाड स्वर्गला उंडाड वाड निक इदी प्रगट शेशीनाड.