Matayi 24 سے مشہور بائبلی آیات

شئیر

Mu dyambu ti misamu mimbi myaanyeeka, mpe luzolo lu bantu babingi lwaalebakana. Kansi wonso waatatamana natee ku nsukunu, yandi waavulusu.

Musamu wumbote wu Kimfumu waasamunu mu nza yimvimba mwanki wuba kimbangi ku bantu ba nsi zimvimba. Ku manima nsukunu yi nza mbo yi tuula.

Lwaayuwa bu bazonzila zimvita na manyungu-nyungu ma zimvita, luyenandi bunkuta ko, mu dyambu ti mimvimba mifweti teka hilama. Kansi yaaba mpe nsukunu yi nza ko.

Bantu ba nsi yimosi baanwanisa bantu ba nsi yihiika, bantu bantinu yimosi baanwanisa bantu bantinu yihiika. Mu bizunga bibingi malema maaba na butoto bwaazakama. Misamu bemimi mimvimba myaaba bonso ntonono yi misongo mi mukento weka lukufi mu buta.

Yulu na butoto byaahyoka, kansi mambu mani maahyoka ko.

Mu dyambu ti babingi baakwiza mu nkumbu ani, na baaluteela ti: “Meno nii Klisto!” Na bantu babingi baahukumuna.

Ni hahoho, bantu baaluyekola mwanki baluyenisa mpasi na baaluhonda. Bantu bamvimba baalubela mu dyambu di nkumbu ani. Mu ntangu beyoyo, bantu babingi baabwisa kiminu kyawu, baafundasana, mpe baabelasana yawu na yawu. Mimbikudi mi luvunu mimingi myaakwiza na myaahukumuna bantu babingi.

Yesu wubavutudila ti: «Kebeeno kweno! Muntu ka luhukumunandi.

Ni hahoho, yeno mpe, beno bakubama mu dyambu ti Mwana Muntu waakwiza mu kilokola ki lulembolo zaba.

Kebeno kweno, mu dyambu ti luzebi kilumbu kyaakwiza Mfumu eno ko.

Mu dyambu ditadidi kilumbu na ntangu, ka muntu ko zebi, ka zimbazi zi mazulu ko, ka Mwana ko, kansi Tata kaka zebi.

Mu dyambu ti zi klisto zi luvunu na mimbikudi mi luvunu myaatelema, baahidika bidimbu na bimangu bingitukulu mu hukumuna bantu, bulendi ba mpe na yobobo ba kasoola.

Bonso bubela mu ntangu yi Nowa, bwabobo mpe bwaabeela mu kilumbu kyaakwiza Mwana Muntu. Mu dyambu ti, tekila nyamba yiyinene yiza, bantu badya na banwa, bakwela na bakwedisa baala bawu natee kilumbu ki kota Nowa mu nzaza, na bazaba ko nki byaabatudila natee nyamba yiyinene bu yiyiza na yi kukumuna bamvimba. Bwabobo mpe bwaabeela kilumbu kyaakwiza Mwana Muntu.