Psalms 51 سے مشہور بائبلی آیات

شئیر

အို ဘုရားရှင်၊ အကျွန်ုပ်၏အထဲ၌ စင်ကြယ်သောစိတ်နှလုံးကို ဖန်ဆင်းတော်မူပါ။ အကျွန်ုပ်၏အတွင်းထဲ၌ တည်ကြည်သော စိတ်သဘောကို အသစ်ပြုပြင်တော်မူပါ။

ကိုယ်တော်၏ ကယ်တင်ခြင်းနှင့်ဆိုင်သော ရွှင်လန်းဝမ်းမြောက်ခြင်းကို အကျွန်ုပ်အား ပြန်လည်ခံစားစေ စေတနာထက်သန်သော ဝိညာဉ်တော်ဖြင့် အကျွန်ုပ်အား ကူညီမစတော်မူပါ။

အကျွန်ုပ်အား ကိုယ်တော်၏ရှေ့မှောက်မှ နှင်ထုတ်တော်မမူပါနှင့်။ ကိုယ်တော်၏ ဉာဏ်အလင်းတော်ကို အကျွန်ုပ်ထံမှ ရုပ်သိမ်းတော်မမူပါနှင့်။

ဘုရားရှင်နှစ်သက်တော်မူသော ပူဇော်သက္ကာများမှာ ကျိုးပဲ့သောစိတ်သဘောဖြစ်ပါ၏။ အို ဘုရားရှင်၊ ကိုယ်တော်သည် ကျိုးပဲ့ကြေမွသောစိတ်နှလုံးကို မထီမဲ့မြင်ပြုတော်မူမည်မဟုတ်ပါ။

အို ဘုရားရှင်၊ ကိုယ်တော်၏မေတ္တာကရုဏာတော်နှင့်အညီ အကျွန်ုပ်ကိုသနားတော်မူပါ။ ကိုယ်တော်၏ ကြီးမား‌သောကရုဏာတော်နှင့်အညီ အကျွန်ုပ်ကျူးလွန်ခဲ့သော အပြစ်များကို ပယ်ဖျက်တော်မူပါ။ အကျွန်ုပ်၏ အပြစ်ဒုစရိုက်ကို အကုန်အစင်ဆေးကြော၍ အကျွန်ုပ်၏အပြစ်မှ စင်ကြယ်စေတော်မူပါ။

အကျွန်ုပ်အား ကျူပင်၏အခက်ဖြင့် သန့်စင်စေတော်မူပါ။ ထိုအခါ အကျွန်ုပ်သည် စင်ကြယ်ပါလိမ့်မည်။ အကျွန်ုပ်ကို ဆေးကြောတော်မူပါ။ ထိုအခါ အကျွန်ုပ်သည် နှင်းပွင့်ထက်ပို၍ဖြူပါလိမ့်မည်။

အကျွန်ုပ်သည် ကိုယ်တော်အား ပြစ်မှားမိပါ၏။ ကိုယ်တော်ကိုသာလျှင် ပြစ်မှား၍ ကိုယ်တော်၏မျက်မှောက်တော်၌ မကောင်းသောအမှုကို ပြုမိပါပြီ။ သို့ဖြစ်၍ ကိုယ်တော် အမိန့်ရှိတော်မူသောအခါ ဖြောင့်မတ်ပါ၏။ ကိုယ်တော် တရားစီရင်တော်မူသောအခါ သန့်ရှင်းစင်ကြယ်ပါ၏။