မဿဲ 24 سے مشہور بائبلی آیات

شئیر

မတရားမှုများပို၍များပြားလာသည့်အတွက် လူတို့သည်လည်း ချစ်ခြင်းမေတ္တာများ ကင်းမဲ့လာလိမ့်မည်ဖြစ်၏။ သို့သော် ထိုကာလများအား အဆုံးထိခံနိုင်ရည် ရှိကြသူတို့သည် ကယ်တင်ခြင်းခံရမည်ဖြစ်၏။

ဘုရားရှင်၏သာသနာတော်နှင့်သက်ဆိုင်သော ဤမင်္ဂလာသတင်းကောင်းကို လူမျိုးတကာတို့ထံ သက်သေဖြစ်မည့်အကြောင်း ကမ္ဘာမြေတဝှမ်းလုံးတွင် ဟောပြောကြလိမ့်မည်။ ထို့နောက်တွင် ဤကမ္ဘာကြီး၏ အဆုံးသတ်သည် ရောက်ရှိလာကြလိမ့်မည်ဖြစ်၏။

စစ်ပွဲများဖြစ်ပျက်လာလိမ့်မည်။ ထိုစစ်ပွဲသတင်းများအား သင်တို့ကြားကြရသော်လည်း မထိတ်လန့်ကြနှင့်။ ထိုသို့သောအဖြစ်အပျက်များ ဖြစ်ပျက်လာသော်လည်း ကမ္ဘာကြီး၏အဆုံးသတ်တော့ မဟုတ်သေးပေ။

အဘယ်ကြောင့်ဆိုသော် လူမျိုးတစ်မျိုးနှင့်တစ်မျိုး နိုင်ငံတစ်နိုင်ငံနှင့်တစ်နိုင်ငံ ဆန့်ကျင်၍ ရန်ဘက်များဖြစ်လာကြလိမ့်မည်။ အရပ်ဒေသတိုင်းတွင်လည်း ငတ်မွတ်ခေါင်းပါးခြင်းများ ကပ်ရောဂါဘေးကျရောက်ခြင်းများနှင့် မြေငလျင်လှုပ်ခြင်းများ ကျရောက်လာလိမ့်မည်ဖြစ်၏။ သို့သော် ထိုကျရောက်လာမည့် ဒုက္ခဆင်းရဲများသည် မီးဖွားမည့်အမျိုးသမီးတစ်ယောက်၏ နာကြင်ခံစားရခြင်းကဲ့သို့ အစပင်ရှိပါသေး၏။

ကောင်းကင်နှင့် မြေကြီးသည်သာ ကွယ်ပျောက်သွားလိမ့်မည်။ ငါပြောသည့်စကားများသည် မည်သည့်အခါတွင်မျှ ပျောက်ကွယ်သွားမည်မဟုတ်။

အကြောင်းမူကား များစွာသောသူတို့သည် ငါသည် မေရှိယဖြစ်၏ဟု လူတို့အားပြောဆို၍ လှည့်ဖြားကြလိမ့်မည်။

နောက်ပိုင်းတွင် သင်တို့အား နှိပ်စက်ညဉ်းပန်း၍ အပ်နှံကြလိမ့်မည်။ ငါ၏အမည်နာမကြောင့်နှင့် လူမျိုးအပေါင်းတို့သည် သင်တို့အား မုန်းတီးကြလိမ့်မည်။ ထိုအချိန်တွင် လူအများသည် ယုံကြည်မှုမရှိတော့ပဲ အချင်းချင်း သစ္စာဖေါက်ကြလိမ့်မည်။ တစ်ယောက်ကိုတစ်ယောက် မုန်းတီးလာကြလိမ့်မည်။ ထို့နောက် အရိယာသူတော်စင် အတုအယောင်များသည်လည်း ပေါ်ပေါက်လာပြီး လူတို့အား လိမ်လည်လှည့်ဖြားကြလိမ့်မည်။

ထိုအခါ ကိုယ်တော်ယေရှုက မည်သူကမျှ လှည့်စားခြင်းမခံရစေရန် သတိထားကြလော့။

ထိုကဲ့သို့ပင် လူ့သားတော်သည် မျှော်လင့်မထားသည့် အချိန်နာရီတွင် ကြွလာတော်မူမည်ဖြစ်သည့်အတွက် သင်တို့သည်လည်း အဆင်သင့် ရှိနေကြရမည်ဖြစ်၏။

သတိပြု၍ စောင့်ကြည့်နေကြလော့။ အဘယ်ကြောင့်ဆိုသော် သင်တို့၏အရှင် ဘုရားရှင်ကြွလာတော်မူမည့် နေ့ရက်နှင့်အချိန်ကို သင်တို့သည် သိနိုင်ကြမည် မဟုတ်ကြသည့်အတွက်ကြောင့်ဖြစ်၏။

သို့သော် ထိုအချိန် ထိုနာရီတို့အား မည်သူမျှသိမည်မဟုတ်။ သားတော်နှင့် နတ်ဒေဝါများပင် မသိကြပေ။ ငါ၏အဖဘုရားရှင် တစ်ပါးတည်းကပင် သိနိုင်မည်ဖြစ်၏။

အဘယ်ကြောင့်ဆိုသော် မေရှိယအတုအယောင်များနှင့် အရိယာသူတော်စင်တုအယောင်များသည် ပေါ်ပေါက်လာကြလိမ့်မည်ဖြစ်၏။ ဖြစ်နိုင်မည်ဆိုပါက သူတို့သည် ဘုရားရှင်ရွေးကောက်တော်မူထားသောလူများကိုပင် လှည့်ဖြားရန် ကြီးမားသည့် နိမိတ်လက္ခဏာများနှင့် အံဖွယ်အရာများကို လုပ်ဆောင်ပြကြလိမ့်မည်။

လူသားတော်ကြွလာမည့်အချိန်တွင် နောဧ၏လက်ထက်၌ ဖြစ်ပျက်ခဲ့သကဲ့သို့ ဖြစ်ပျက်လိမ့်မည်။ အဘယ်ကြောင့်ဆိုသော် ရေမလွှမ်းမိုးမီနှင့် နောဧသည် သင်္ဘောထဲသို့ ဝင်ရောက်သွားသည့်နေ့အထိ လူတို့သည် စားသောက်နေခြင်းများ၊ ထိမ်းမြားလက်ထပ်ခြင်းများ ပြုလုပ်နေကြဆဲဖြစ်၏။ ဤသို့ဖြင့် ရေလွှမ်းမိုးပြီး လူများအားလုံး မျောပါသွားသည်အထိ သူတို့သည် မည်သည့်အရာကိုမျှ မသိကြဘဲ လူ့သားတော် ကြွလာတော်မူမည်ဆိုသည်ကိုလည်း သိကြမည်မဟုတ်။