Mataafa Uumata 1 سے مشہور بائبلی آیات

شئیر

Se kammaayye Waaqa ka kide, “Akka pahanaanno ka a pissaayno mina nama uumma. Ikka murkuja pisha kara ka xampira moonta ka horeeta isho uumata a piitan desa titmanno piisa qara hupna ukkumeeta' qapnaado.” Semmalla Waaqa ka pahanaadinni nama uume ka pahana Waaqatin uume. Ka diirta ka iskatteeta' kode ka uume.

Waaqa ka asse kide ka ishootta' sake, “Tumma dala ka lekaada ka piita qara immaka ka muksha ka murkuja pisha kara ka xampira moonta ka uumata a caatta qapo a piita qarandesa lellehno piisa ukkuma.”

Waaqa paayyota'e, piita ka moonta uume.

Piita sitiiyyi pissa in qapto, umma we takkan nefo qaraayye in caan. Tukkanta ka piita piisa qara pirte. Hapura Waaqa ka pisha qara xoopilaawni.

Sekkammaayye, Waaqa ka kide, “La'ayta a koddo!” La'aytase ka kodde.

Waaqa ka wa kode piisa tooye ka akka harmo' paxaari akke. Letta ka dumte ka pariteew, sede nefo kuyyaata a lehatta.

Waaqa ka la'aytase tooye ka akka paxaari akke ka oori halkeetta ka kuyyaata oli kela reexe.

Waaqa ka kide, “Dishima a piita qara co a dalta dallo piisa ka qora a luukkataaysho kara dalta kitto piisa akka damtane'en ishina' daashe.

Waaqa ka la'ayta'e, “Kuyyaata” kide ka tukkanta'e, “Halkeetta” kide. Letta ka dumte ka parite. Sede nefo kuyyaata a paayyota.

Waaqa ka kide, “Arta pisha' kara'e, letta a koddito ka pisha isho pisha olkela reexto.”

Pinaana piita ka xampira moonta isho uumata caatta qapo a piita qarandesa lellehno piisa akka miissa ilaawa piisa damane'en ishootta' daashe.” Ikka akka Waaqa kide mina' koddite.

Waaqa ka halkeetta ka kuyyaata oli kela reexa'e kide, “La'aytadda a moonta quda' kodden. Ishootta' nefo, a kuyyawwa ka leyadda ka parra oli kela reexa'e milikkitadda kodden.

Waaqa ka kide, “Piita a aykitta ka miissa ika ikanne ka qora luukkata a kara dalta qapto dalla isho unta ika ikan dehisso.” Ikka akka Waaqa kide mina' koddite.

Waaqa ka letta kode ka pisha letta qaropeela ca ka a kelopa xata ca reexe; ikka kodden.

Piita ka aykitta ka miissa ika ikan ka qora luukkata a kara dalta qapto dalla isho unta ika ikan dehisse. Waaqa ka sede tooye ka akka paxaari akke.

Waaqa ka akka piita qara' la'ayshane'e, la'aytadda kukutta lakki kode. La'ayta kutta akka kuyyaate la'ayo'e, la'ayta shakkaaw, akka halkeette la'ayo'e kode ka hikka kuli quda' padaawe.

Sede kammaayye, Waaqa ka kide, “Pisha a moonta kelopa xata ca a porra porraapa ooren, pora koke ka kara sooko.” Ikka akka Waaqa kide mina' koddite. Waaqa ka porose koke'e, “Piita” kide ka pishasene ollopa ooreeti, “Pakateeta” kide. Waaqa ka sede tooye ka akka paxaari akke.

Waaqa ka asse kide ka ishootta' sake, “Hora ka lekaada ka pisha pakateeta kara immaka. Xampira ka piita qara' koopen.”

Se kammaayyeew Waaqa ka kide, “Piita karaayye uumatadda nessa qapa ka horeeta ka pinaana ika ikanne, a teyaden.” Ikka akka Waaqa kide mina' koddite.

Sekkammaayye oori Waaqa ka kide, “Wa nessa qapa ka lellehna a pisha karaayye sooken, xampira a moonteeyye arepa xata ka piiteeyye opeela, a arta karandesa xaxxa'aden.”

Waaqa ka pinaana kappina ika ikan ka horeeta ika ikan isho uumta a piitan desa titmanno ika ikan kode. Waaqa ka sede tooye ka akka paxaari akke.