Svun Juan 12 سے مشہور بائبلی آیات

شئیر

Ti much'u tsc'an ta xtun cu'une, ac'u snap'letaon; ti bu chibate, tey ta xbat uc ti much'u ta xtun cu'une. Ti much'u ta xtun cu'une, ta x'aq'ue ta ich'el ta muc' yu'un ti Jtote.

Ti much'u c'ux ta yo'on li xcuxlejale, ta ono'ox xch'ay, yan ti muc'u muc'bu tsots sc'oplal cha'i li xcuxlejal li' ta sba balamile, ja' ta xcuxi ta sbatel osil.

Ta melel chacalbeic, li bec' trigo ti c'alal ta xp'aj ta balamile mi muc'bu ta xchame, stuc tey ta xcom o; yan mi ta xchame ep ta xbeq'uin, ta xp'ol.

Vo'on li luzone, li tal ta sba balamil, ti much'utic chi xch'unique muc'bu tey chcomic o ta ic' osil.

Pero ti much'u cha'i li c'usitic chcale, mi mu xch'une, mu vo'onicon chcac'beic castico; yu'un ma'uc talemon ta scuenta chcac'be castico li crixchanoetic li' ta balamile, talemon ta scuenta ta jcolta.

Ti Maríae iyich' tal o'lol kilo ya'lel muil nichim, ja' li nardoe, toyol stojol, iscoconbe ta yoc ti Jesuse; c'alal laj scoconbee, ja'o iscusbe ta stsatsal sjol. Li nardoe xmuet xa ta sjunlej yut na.

Isa'ic yanal xan, iloq'uic ech'el ta ti' jteclum ba snupic tal ta be, x'avlajetic xa ech'el: ―¡Coltaoticotic! ¡Toj lec ti much'u tacbil tal ta sbi ti Cajvaltique ti ja' Rey yu'un li Israele! ―Xiic.

Itac'av ti Jesuse: ―Ista xa yora ti chi aq'ue ta ich'el ta muc' vo'on ti Xch'amal crixchano li c'ote.