Májiye 24 سے مشہور بائبلی آیات

شئیر

Meejakut mondu kátumbu muhooj ayak abin áami bakan keehooje-hooj it'iŋki kámaŋioori. Bare an eeja u kajoku alit tip bija tu hunak hiraanu hu, Atambatun kafakano.

Hirim hondu Heetoofe hu hite *Jáyi jite Atambatun kawaaree t'etaam i ereyi fe, kaanuku ésuk i fe keejam ho. N'aŋ'atik áami kamoosen kite etaam i.

Aruun kajamu kitiik, man yooŋ kitiik kibajabaj tike tiŋ. Atum'árikoleyi, ábuki buwarawar kabaju, bare kamoosen kíteiit etaam i.

Ésuk birito yeetiik n'ésuk, hikinu birito heetiik ni hikinu. Bujoñjol kabaju, abe etaam i buyoŋoŋanooro tu búsuk beehooje. Bondu fe búmoomi naane káseñji kítiyar kite anaare eeemo ti bíyihino.

Etaam i nu bufor bu kamoosen, bare báhamin búuma iti biket hikee-kee.

Ábuki bakan keehooje bibin nu huruwu húuma iŋi kaane boko kaamo fu *Afakana u, abe boko kabuutu bakan keehooje-hooj.

«Bakan kajokuuun, keeja kéehihinooruun, abe ni kayooluun. Ésuk i fe kahuufuuun uŋu húuma hu. Kóŋkeyin, bakan keehooje karaan káyilen ku t'íñje; boko kajoohenoor, abe boko kahuufoor. Kabaju yooŋ keehooje keeyak kajuusu kaane boko kaamo *eyiŋana yite Atambatun, abe boko kabuutu bakan keehooje.

Yesu n'aaniin: —Arinaŋ toko kikawuun, an atum'abuutuun.

Iŋ'ite ho aamo fu aruun yooŋ arifare, ábuki Añi ute Húŋgowulan hu bibin t'ewahatu y'ariyinoorut i.

Náami áriheelin féet, ábuki árimeyiit hiin hunak h'Anahaan oonuun abin fu.

—An ámeyiit hunak hu hondu kaakaŋ, n'ewahatu i; humuum emalaka i t'etiir bufor bu, bija Añi u fe kámeyiit, kane arko Faaf u unoono taŋ.

Ábuki bakaake bibin, abe n'iŋi kajuus kaane boko kaamo fu Afakana u, man yooŋ eyiŋana yite Atambatun. Boko káhinu buroon úkaan beejahale ésuk i, kaanuku keebuut ti káyinie, humuum bakan k'Atambatun ajifane ku.

Beebaje bu kóyin *Nowe bija fu yooŋ kabaju ti bíbatikeina bite *Añi ute Húŋgowulan hu. Ábuki bala etiir yómbombokun i yeerame i etaam i fe énubin, tu kunak kondu ésuk i iŋi kañoofo kep abe ni káhujo, háyine hu ti bisayi, haare hu ti biseño, bija yooŋ hunak hu Nowe ayoosee hu t'esahar i. Kámeyiit toko doon fe bija naane móhujo mu mije i nu boko meeyooliin kareyi fe. Iyu yooŋ i bija fu káyemi kane Añi ute Húŋgowulan hu abin.