१ पत्रुस 2 سے مشہور بائبلی آیات

شئیر

पर तुहुरे ओसिन नै हुइतो, काकरेकी तुहुरे परमेश्वरके रोजल मनै हुइतो। तुहुरे उ परमेश्वरके पुजारी हुइतो, जे एकथो रज्वा हुइँत। तुहुरे परमेश्वरके सेवा करक लग समर्पित हुइलक मनै और परमेश्वरके नेजी जनता हुइतो। ऊ तुहुरिन्हे अंधारमेसे अपन अचम्मक ओजरारमे रोजल बताँ, ताकि तुहुरे परमेश्वरके अचम्मक कामके घोषणा करे सेको।

जब ख्रीष्ट मुलाँ, ऊ क्रूसमे हमार पापके लग अपन शरीरमे दण्ड भोग्लाँ। ऊ असिन यहे कारणसे करलाँ ताकि हम्रे पाप करना छोरके धर्मी होके जीवन जिना सुरु करे सेकी। और हुँकार सहलक चोटसे हम्रे चोखाइल बती। पहिले तुहुरे डगर भुलाइल भेँरीनके हस रहो। पर आब तुहुरे अपन आत्मक भेँरहुवा और सुरक्षा करुइया ख्रीष्टके थेन घुमल बतो।

एकचो तुहुरे परमेश्वरके जनता नै रहो, पर आब तुहुरे परमेश्वरके जनता हुइल बतो। एकचो तुहुरे परमेश्वरके दया नै भेटाइल रहो, पर आब तुहुरे यिहिहे जन्थो। काकरेकी परमेश्वर पैलेहेँ तुहुरिन्हे अपन दया देखा सेकल बताँ।

मै तुहुरिन्हे भर्खर लावा जल्मलक लरकनसे तुलना करथुँ। एकथो लावा जल्मलक लरकाहे बल्गर हुइती बह्रक लग रोट्दिन उहिहे दाईक दूध चहथिस। ओस्तेहेँके तुहुरिन्हे फेन परमेश्वरके वचन सुन्ना इच्छा हुई परत। ताकि परमेश्वरकेमे तुहुरिन्के विश्वास पक्का होए। और परमेश्वर तुहुरिन्हे बँचाई सेकिँत।

हे मोरिक प्रिय संघरियन, तुहुरे यी संसारमे विदेशीनके हस और प्रवासीनके हस बैठल बतो। मै तुहुरिन्हे अनुरोध करतुँ कि शरीरके उ सक्कु खराब इच्छासे दूरे बैठो। काकरेकी असिन चाहना हरदम तुहुरिन्के प्राणके विरोधमे रहत। परमेश्वरहे विश्वास नै करुइया मनै तुहुरिन्के आसपासे रथाँ, और तुहुरे गलत करतो कहिके कहे सेक्थाँ। तुहुरे असिन मजा जीवन बिताऊ कि ओइने तुहुरिन्के कर्लक मजा काम देखिँत, और ख्रीष्ट फिर्ता अइना दिनमे परमेश्वरके महिमा करिँत।

तुहुरे प्रभु येशूक थेन आइल बतो। ऊ एकथो भवनके जग बैठैलक मूल ढुंगक हस बताँ। पर येशू जित्ती ढुंगा हुइँत। हुँकिन्हे बहुत्ते मनै अस्वीकार कर्लिन। पर परमेश्वर हुँकिन्हे चुन्लाँ। और हुँकिन्हे बहुमूल्य बनैलाँ। और जसिके मनै ढुंगालेके भवन बनैथाँ, ओस्तेहेँके परमेश्वर फेन तुहुरिन्हे एकथो समूहमे जमा करैले बताँ। जेम्ने परमेश्वरके आत्मा रथिन, ताकि तुहुरे पुजारीनके हस हुँकार सेवा करो, जेने बलिदान चह्रैथाँ। और ओइने असिन काम करथाँ, जोन काम परमेश्वरहे खुशी बनैथिन। असिन काम तुहुरे यहे कारणसे कर्बो जोन काम येशू ख्रीष्ट कर्ले बताँ।”

तबेकमारे सक्कु मेरिक खराब काम छोरदेऊ। दोसुर जहनहे धोखा ना देऊ। कपटी ना बनो। दोसुर जहनके बिह्रे ना मुओ। दोसुर जहनके विरोधमे नै मजा बात ना बत्वाऊ।

तुहुरे प्रभु येशूक थेन आइल बतो। ऊ एकथो भवनके जग बैठैलक मूल ढुंगक हस बताँ। पर येशू जित्ती ढुंगा हुइँत। हुँकिन्हे बहुत्ते मनै अस्वीकार कर्लिन। पर परमेश्वर हुँकिन्हे चुन्लाँ। और हुँकिन्हे बहुमूल्य बनैलाँ। और जसिके मनै ढुंगालेके भवन बनैथाँ, ओस्तेहेँके परमेश्वर फेन तुहुरिन्हे एकथो समूहमे जमा करैले बताँ। जेम्ने परमेश्वरके आत्मा रथिन, ताकि तुहुरे पुजारीनके हस हुँकार सेवा करो, जेने बलिदान चह्रैथाँ। और ओइने असिन काम करथाँ, जोन काम परमेश्वरहे खुशी बनैथिन। असिन काम तुहुरे यहे कारणसे कर्बो जोन काम येशू ख्रीष्ट कर्ले बताँ।”

तुहुरिन्के चाहल अनुसार काम करनासे तुहुरिन्हे रोके सेकुइया केऊ नै हो। काकरेकी तुहुरे हमार प्रभु येशू ख्रीष्टके माध्यमसे पैलेहेँ स्वतन्त्र होसेकल बतो। पर खराब काम करक लग यिहिहे बहाना ना बनैहो। बेन तुहुरे अपन कामसे यी देखाई परत कि तुहुरे जात्तिके परमेश्वरके सेबक हुइतो।

तुहुरे मजा काम करो कना परमेश्वर चहथाँ। ताकि तुहुरे गलत आरोप लगुइया उ मूर्ख मनैनहे रोके सेको, जेने परमेश्वरहे नै चिहिन्थाँ।