१ पत्रुस 3 سے مشہور بائبلی آیات

شئیر

बेन तुहुरे ख्रीष्टहे तुहुरिन्के जीवनके प्रभुक रुपमे आराधना करो। और यदि हम्रे सक्कु विश्वासीन साझेदार हुइना आशक बारेमे केऊ पुँछल कलेसे उहिहे व्याख्या करक लग हरदम तयार रहो। पर यिहिहे नम्र और आदरसे भरल तरिकासे करो। सदादिन ज्या मजा बा, वहे करो। जब तुहुरिन्के विरोधमे खराब बात करुइया मनै तुहुरिन्के ख्रीष्टके संगक सम्बन्धक कारण तुहुरिन्के मजा व्यवहार देख्हीँ, तब ओइने लाजमे परजिहीँ।

काकरेकी प्रभु मजा काम करुइया मनैनहे हेरथाँ। और ऊ ओइन्के प्राथना सुनक लग हरदम तयार रथाँ। पर परमेश्वर नै मजा काम करुइया मनैनके विरोधमे काम करथाँ।”

अपनहे सुग्घुर बनाइक लग अपन भुट्लामे रहर लग्तिक झोँटी ना बनाऊ। और सोन, मोती और बहुत महिँगा लुग्गा लगाके दोसुर जहनके ध्यान अपन ओहोँर ना तानो। तुहुरिन्के भित्री मनमे रहल बात तुहुरिन्हे सुग्घुर बनाइत। उ कलक तुहुरिन्के नरम और शान्त व्यवहार हो, जोन परमेश्वरके लग बहुत किम्ती बा।

काकरेकी पवित्र शास्त्रमे असिके लिखल बा, “यदि कौनो मनैया अपन जीवनके आनन्द लेहे चाहत, और मजा दिन देख्ना इच्छा करत कलेसे, उहिहे खराब काम करनासे हौश्यार रहे परत। और उहिहे उ बात बोल्ना छोरे परत, जोन सच्चा नै हो। उहिहे खराब काम करना छोरे परत। बेन उहिहे मजा काम करे परत। दोसुर जहनके संग शान्तिमे रहक लग कर्रा मेहनत करो।

अन्तिममे विश्वासी भैयो, मै तुहुरिन्हे यी कहे चाहतुँ, कि तुहुरे एकतामे बैठो, एकदोसर जहनके लग सोँचो। एक्के परिवारके सदस्य हस एकदोसर जहनहे प्रेम करो। एकदोसर जहनहे दया देखाऊ, और एकदोसर जहनसे नम्र होऊ। खराबीक बदला खराबी नै करुइया अथवा बेज्जतके बदला बेज्जत नै करुइया, बेन ओकर बदलामे आशिष देहुइया बनो। तुहुरे ओइन्के लग आशिष मांगदेहे परत। काकरेकी तुहुरे परमेश्वरसे आशिष देहक लग बलागिल बतो, ताकि तुहुरे परमेश्वरसे आशिष भेटाई सेको।

यदि तुहुरे सदादिन मजा काम करक लग कोशिस करथो कलेसे पक्कै फेन तुहुरिन्हे केऊ चोट पुगाई नै सेकी।

उहिहे खराब काम करना छोरे परत। बेन उहिहे मजा काम करे परत। दोसुर जहनके संग शान्तिमे रहक लग कर्रा मेहनत करो।

यदि हमार मजा कामके कारणसे हम्रे दुःख भोग्थी, और यी हमार लग परमेश्वरके इच्छा हो कलेसे यी एकदम मजा हो। खराब काम करके दुःख उठाइलसे ते यहे मजा बा।