พพ 4 سے مشہور بائبلی آیات

شئیر

แกวะ แตห เบ มึห น็อห กาฮัวะ คอ อู โมยว. แตห เบ ยี หมาณ ดี เฌาพรา แคะ ปี โลว เบ. ดอ ซาคึร หมาณ เบ ดอน โมยว, แตห เบ ยี กาลาง บอ ฆูง เฆฌู ดี อัน เฌา.

เซ เบ โบง ปาย ตี, น็อห เฆียด ปี ดัว เฌาพรา ปี ตู ปึอน เฌณฌา อางยาน ดูอี, อึณ ดี บัร น็อห พึอม เบ, แตห อึณ กาดึก กาด็อะ ดี เฌา เยซู.

อึย เบ บีนอง, โอว ซี กาลาง ปอ อู โมยว ดี เบ. แคะ มึห อี มูห อี หมาน อาคาคัร, แคะ มึห อี หมึอม, บอ อี ซืร ซืร หมาน หมาน, แคะ มึห อี ซีงา บอด บอ อี หมึอม ร็อก, อี กาอาบ โรวเซ, แคะ มึห อี บอด อี หมึอม, อี แฮะ กาอาบ อืบ มยูก, แตห เบ กาดัวะ กาพา ลอง อัน ตี แคง น็อห เบ.

โอว ปึอน โบง โตต ดอน โมยว. โคว, เฌา เยซู แตห แฮณ ดี โอว.

แตห เบ โคย ดาคึย โกบ หณึม เบ ดี เฌา เยซู. ปอ อู เฌณ โอว ต็อห, แตห เบ โคย ดาคึย.

โกบ หณึม เบ เฌา เยซู, เฌาพรา ปี กรึบ โอว, อัน ดี ดัว โตต ดอน โมยว แคะ ปี โลว เบ. อัน มูห เฌาพรา อี มึห อาพูง ดังโคว บอ มึห ดี ดัว ดี อี เซเซ.

แตห เบ โบง โดบ แปะ แฮะ ดึอม เฮน เบ ดี โอว. อึณ บอ มูห โฆรห ปี กาลาง โอว ดี เบ, บอ มูห ปี ยึร เบ โอว โบง, แตห เบ โบง โดบ ฌึร ตี ดอน โมยว. ปาย ตี, เฌาพรา อี นับ ดี ดัว น็อห เฆียด, อัน ดี กอย รึม โดบ เบ.

แตห ดูอี ดอน อี กอ ยึร, เบ แฮะ มึห น็อห อึณจูะ อึณจัม. เฌาพรา แฮะ กอย กาตัด เบ.

โอว แฮะ ดึอม คัม แบน โมยว แบน โมยว. โอว แฮะ ดึอม กาดูห ตู มึห มาเซ คอ อู โมยว, ปี วี มึห เฌะฌูง โตต ดอน โมยว. โอว แฮะ ดึอม เอต ปี ดี โฮม, ปี วี มึห ดี โฮม กอ แพ. โอว แฮะ ดึอม มึห โกรวกราม กืน, ปี วี แบน ดูอี ฆีน กาเซา. อึณ บอ แบน ฌึร เหมา ดี โอว มืร, อึณ แฮะ มาโนว โอว, แตห น็อห โอว ดาคึย ปาย ตี.

โอว กาลาง ปาย ตี, อาว มูห โกบ แฮะ ฌูด ลูด โอว, ตู มึห มาเซ. โอว แฮะ ฮอต ดึอม ครู ตัห, โอว มึห แคะ เหมา, น็อห โอว ดาคึย แคะ ตี.