กซ 1 سے مشہور بائبلی آیات

شئیر

อัน เฌา แฮะ คยอด เอ, แกวะ แตห เอ กอย แคง อับ ว็อง. แกวะ ฮู แตห กานัม อึบ เอ. อัน แฮะ วี แตห เอ กอย แคง มืง ปี อึบ เฌา เยซู อี มูห ฆอน ปี ร็อก เฌาพรา.

โคว, ดอ พาน เบลห เฌาพรา แบน โมยว แบน โมยว, อัน แตห เฌา เยซู จอย อัน. อึณ บอ มูห โมยว อี กอย แคง ฆางหราว, โมยว อี กอย แดง กาดาย, โมยว ปี ปึอน ยึร บอ ปี ตู ปึอน ยึร, บอ มูห กานัม อี มึห ปวน ตาง, อี กอย แคง เบลณ บอ อี อึบ กาดาย, เฌา เยซู แฮะ พาน เบลห โตต ฌึร ตี, แตห ดอน โมยว แบน อาฆยึร ดี อัน.

เฌา เยซู แฮะ กอย ซีณ อาต มึห ดอน โมยว. แคะ กอย ดอน โมยว, อึณ บอ กอย ซีคยา โกบ เฌา เยซู.

เฌา เยซู บอ มึห อารึบ ปี เฌาพรา, ปี ตู ปึอน ยึร เอ. อัน บอ มูห ฆอน เฌาพรา อี แฮะ กอย ซีณ อาต พาน เบลห เฌาพรา ดอน โมยว.

โคว อัน ตี ซีณ ซีแง ยึร เย ลอง อัน ตี, เย บอ ซาคึร ดาง เบ เซเซ, ตู มึห ดอ ปีว. เย หมาณ ดี เฌาพรา, แตห เบ นับ ปี โลว ปี อึง เฌาพรา, แตห เบ มึห อางยาน บอ นับ ปี ปาย แบน โมยว แบน โมยว ลอง น็อห พึอม เฌาพรา. เย ซาคึร ปาย ตี, แตห เบ โบง อี กาอาบ โบง, อี กาดาน ดี เฌาพรา, แตห ปี โบง เบ ดอน โมยว บอ ล็อะ น็อห อัน. แตห เบ โบง แบน โมยว แบน โมยว อี บอด อี ดี แบน อาฆยึร กืน. แตห เบ บอ แกร ดี นับ ซีคยา เฌาพรา.