ยก 3 سے مشہور بائبلی آیات

شئیر

เซ อึณ ยี มูห อางยาน ปี ดัว เฌาพรา ดี อี, อึณ แฮะ บอด. อึณ บอ โบง แตห อี ลาย โพรม, โบง โตต ดอน โมยว, แตห อึณ ดาคึย. อึณ แตห อี ลาย โทม โฆรห บอ นับ ดี กาเว กาเซา อี เฮา. อึณ บอ โบง นา หมึอม ดอน โมยว, ตู มึห โดง ร็อก โดง ฌ็อง. อึณ มืร ตู ณึงราง ดอ เหมา.

เซ อึณ มึห ดูอี อี มึห อางยาน กาแต เบ, อัน โลว บยัะ นา หมึอม ปี โบง อัน, แตห อึณ ลึห ลอง อางยาน อัน. เซ อัน ตู ปีคึก น็อห อัน, โบง นา หมึอม ดอน โมยว, แฮะ นับ ซีคยา, ปี โบง อัน ฌึร ตี แฮะ เลห อางยาน บอด.

เฆ อี มึห น็อห ฌึร ตี, เฆ ปี ดูอี อี ซัม กาอาง เบล แคง กาดาย. เฆ โบง แตห อี ลาย ร็อก ลาย กาล็อะ. แฮะ ฮอต อึณ ปี ปี ซัม เฆ วี มึห เบล. เบล ตี ปี ดูอี เฮา อี โบง นา หมาน นา หมึอม, อี แฮะ แบร กืน.

โคว, เซ เบ มึห น็อห หลัยะ อี บอ น็อห ซี ปึอน ดอน โมยว, เบ ดี นับ ดี โบง กาฟัร กาเฟียน นา ตู หมึอม ดอน โมยว.

อึณ มูห ซีดัะ อู โบ็ง ตี, อี นับ ดี อืบ เฌาพรา อี มูห ฆูณ เอ, ปี วี นับ ดี เอห อี เฮา, อี มูห ดูอี ปี โบง เบลห เฌาพรา, แตห เฆ ปี อารึบ อัน. บอ โฆรห ม็องการา แตห ดี อี บอ โฆรห ดืง อี นับ ดี เลห แคง โมต เอ ตี. เบ บีนอง, อาว กาอาบ เอ โบง ปาย ตี.

ซีดัะ เอ ปี กาโชต เงา ตี. อึณ กอย แคง โดว เอ, นับ ดี โบง นา ตู หมึอม นา จาว แบน โมยว แบน โมยว. อึณ ปี เงา อี เลห แคง กาโละ งาราย แฮะ ปีด็อะ ดี ซีดัะ เอ, แตห เอ กาลาง โฆรห ตู หมึอม, อี แตห เอ แบน ดูอี ตู หมึอม, แตห บอ อาซาก เอ กอ ชึม.

อึณ ยี ตู มึห ดูอี อี นับ ดี ยืน โฆรห อัน. ซีดัะ ตี อาว เยน ดอ เหมา. อัน โบง นา ตู หมึอม เซเซ. อึณ ปี ซีดัะ มึห อาย มาฮัณ อี แป ดี ง็อห ยัม ดูอี.

เบ บีนอง โอว, แกวะ แตห ดูอี กืน แบน ดา ซารา มาโนว อี. เบ นับ, เซ เย ดา ซารา กาลึบ, เฌาพรา ดี ดัม หมาบ ดี เย หลึอม อี เฮา.