อพ 5 سے مشہور بائبلی آیات

شئیر

โกบ มูห เบ ฆอน ปี ร็อก เฌาพรา, แตห เบ โบง ปี ปี โบง เฌาพรา. เบ โลว ร็อก เฌาพรา, แตห อึณ ปี เฌา เยซู ร็อก เอ ดอ คัม อัน ดี ยัม กาดาง เอ. เฌา เยซู แฮะ คัม ดี ยัม, แตห อัน ปี โดว ซัดดาวา ปี หลู ดูอี, แตห เฌาพรา อึง บอ ฆ็อห แวน หมาบ เฆ. เฌา เยซู แฮะ คัม ดี ยัม, แตห อึณ ปี ปี หลู ดูอี, แตห อึณ อูห หงูน ดี อาต เฌาพรา.

โคว อัน ตี เบ ดอน อี โลว ซาดีก, แกวะ แตห เบ โบง ปี ปี โบง เฆ ดูอี อี ตู มึห อางยาน, แตห เบ โบง ปี ปี โบง เฆ ดูอี อี มึห อางยาน บอด. แตห เบ ดีงัณ ดี โบง นา หมึอม, แกวะ แตห เบ ดีหลัห. โคว, อาคราว นี ตู หมึอม.

แกวะ แตห เบ ยึต ป็อห. เซ เบ เดียง ป็อห, อึณ แตห เบ ชึม. เบ ยี โลว แตห น็อห พึอม เฌาพรา กอย แคง น็อห เบ, แตห อึณ กอ โนะ. เบ โลว ต็อห โหมว ดาคึย, โหมว อี อืบ เฌาพรา. เบ โลว ต็อห ปี โหมว ทัม. ปาย ตี แตห เบ อืบ เฌาพรา แคง น็อห เบ. เบ บอ กาดูห มาเซ, เบ โลว ดาง ฆูง เฆฌู ดี เฌาพรา เซเซ. โกบ หณึม เอ เฌา เยซู เอ โลว ดาง ฆูง เฆฌู ดี เฌาพรา, อี มูห ฆูณ เอ.

โคว อัน ตี แกวะ แตห เบ รึร, แตห เบ มึห อางยาน บอด, แตห เบ นับ มาเซ ปี อึง เฌาพรา.

เบ อีมาย, แตห เบ ร็อก อีบึณ เบ, แตห เบ ร็อก ปี เฌา เยซู ร็อก เฆ ดูอี แคง พึง อัน. เฌา เยซู แฮะ คัม ดี ยัม กาดาง เฆ.

อาต นี เบ แฮะ ดึอม กอย แคง อับ ว็อง, ตู นับ มาเซ ลอง เฌาพรา. ดอ ตี นี เบ แยะ แฮะ กอย แคง บลาง ปี ดัว เฌาพรา, แตห เบ นับ ปี อึง เฌาพรา. โคว, แตห เบ โบง ปี อึง เฌาพรา, แตห อึณ ปี เบ กอย แคง บลาง.

แตห เบ ลาย โฆม โกบ โรวเซ เบ เฌา เยซู.

เบ อีบึณ, แตห เบ โทม โฆรห อีมาย เบ, แตห อึณ ปี เบ โทม โฆรห เฌาพรา.

ปี ต็อห โอว ยี ปาย นี. อีมาย ดอน อี โลว ร็อก อีบึณ อัน, แตห อึณ ปี อัน ร็อก โดว บรีม อัน. บอ อีบึณ โลว โรวเซ อีมาย อัน.

โคว อัน ตี อีมาย โลว เลห แคง กาง ฆูณ มา อัน, วี ฮาว กอย รึม โดบ อีบึณ อัน เซเซ. ปาย ตี ฆาย อา วี แบน ปี โดว อู โบ็ง.

แกวะ แตห เบ โบง นา ตู หมึอม อี ตู มึห ดีโคว. ฌึร ตี มูห ปี โบง เฆ ดูอี อี กอย แคง อับ ว็อง. ปี โบง ดูอี แคง อับ ว็อง เบ ยี โลว กาลาง, แตห อี นับ แคะ ตู หมึอม ปี โบง เฆ ตี.