อพ 6 سے مشہور بائبلی آیات

شئیر

โคว, อาว มูห เอ โลว กาโฆห ดี ดูอี, เอ โลว กาโฆห ดี โบว กานัม บอ กานัม อี อึบ กาดาย อี ฮาย กาเซา, อี กอย แคง อับ ว็อง แคง เบลณ.

ดอน เฌณ เซ เบ ซาคึร ดี เฌาพรา บอ หมาณ มาเซ ดี อัน, เบ โลว ตา โตต ฌึร ตี ดอน โมยว. อึณ มูห น็อห พึอม เฌาพรา อี แตห เบ ซาคึร ปาย ตี. เบ บอ โลว ซาดีก, บัร เซเซ, ซาคึร ดาง ดอน อี, อี หณึม เฌา เยซู.

เฌาพรา แฮะ ดัว ดี เบ แบน โมยว แบน โมยว อี ปี ครึง ตา ดา ซึก. ครึง ตี เบ โลว ชึบ, แตห อึณ เฌะฌูง, แกวะ แตห อึณ ฌูด มาเซ. ปาย ตี, เบ ปึอน ดี แร นา ตู หมึอม ปี ซี โบง โบว กานัม ดี เบ.

โคว อัน ตี เบ โลว ดึห โตต ดอน โมยว ปี ดัว เฌาพรา ดี เอ, อี ปี ครึง ตา ดา ซึก. เซ เบ ดึห ตา โตต ฌึร ตี, เบ ดี บอ แป โตต ดอน โมยว. เซ ฮี ฌัม ซีแง ตู หมึอม, เบ ดี บอ ปึอน ดี แร รันซู เบ. เบ ดี บอ แป อัน, แกวะ แตห อัน แป เบ.

เบ บอ โลว หณึม ซีคยา เฌาพรา, แตห อึณ ปี ดา ซึก โฆ็ง มัง ฆ็อง. เซ รันซู บัณ บลา อี มึห เงา, มัง ฆ็อง ตี นับ ดี บยัด นับ ดี แร บลา เงา ตี. เบ บอ โลว นับ ซีคยา ลอง เฌาพรา แฮะ คยอด เบ. อึณ ปี ดา ซึก แฮะ ชึบ มาฆีณ ฮีน อัน. เบ บอ โลว นับ ซีคยา โฆรห เฌาพรา อี ปี มาปัวะ ลาง ปี ตา ดา ซึก. อึณ ยี มูห น็อห พึอม เฌาพรา อี แตห เบ นับ ซีคยา โฆรห เฌาพรา.

โคว อัน ตี เบ โลว โหลห เซเซ นา หมาน ลอง เฌาพรา, แตห อึณ ปี ดา ซึก ชึบ แซะ ดี ณอย อัน. แคะ ปี โบง เบ โลว เลห น็อห ซืร, แตห อึณ ฆ็อง บาง น็อห เบ ปี ซีโตว ฮีน ปี ชึบ ดา ซึก แป ดี ฆ็อง โดว อัน. เบ บอ โลว อึณปราย อูน น็อห เบ, แตห เบ โพรม เซเซ, แตห เบ ปึอน ดี กาลาง ลอง โฆรห เฌาพรา อี แตห น็อห ดูอี ดาคึย, อาว ฮู แบน รันซู เฌาพรา. เซ เบ โบง ปาย ตี, อึณ ปี ดา ซึก แฮะ ชึบ คูดีณ อัน.

แฮะ ฮอต ปัน ตี แตห น็อห เบ มึห โปลม เซเซ โกบ หณึม เบ เฌาพรา. เฌาพรา ดี ดัว ปวน อัน ดี เบ, แตห อึณ แบน โปลม ดี น็อห เบ.

เฌาพรา แฮะ ต็อห, “แตห เบ โรวเซ ฆูณ มา เบ.” ดอ ดัว เฌาพรา ดารา แบน ณ็อง แบน ณ็อง, อึณ มูห ณ็อง ตี ปี ดัว โดบ อัน กาดีก ซัดฌา. กาดีก ซัดฌา ตี ต็อห, “แตห เบ ปึอน ดี กอย ซีคยา บอ กอย เหลณ แคง มืง ปี ดัว เฌาพรา ดี เบ.”

เบ ฆอน, โกบ หณึม เบ อัน เฌา, เบ โลว โทม โดบ โฆรห ปี กาลาง ฆูณ มา เบ. โคว, แฮะ กาอาบ เบ โบง ปาย ตี.