Jakobus 2 سے مشہور بائبلی آیات

شئیر

Dagara hom ndramed i da boro ndoui ber lang i gina molhege le ndro i, be heb longu aden hian bugane.

Aga ndangen, mandrn ad hom ndramed ginmad, be meluan gin bieni i, dagara ndoui ber lang gina molhege le ndro hom ndramed, be longu aden heb hian bui.

Aga i hi derbe, mu ndere hian? Ar homo i bai, i gin boro ndoui ad Ndorlaben, ma longu aden i de heb hian bui, ndoui ber lang de danen rumburdi hi derbe?

Uo danem i, uo gin boro i: Jehova i Ndorlaben homo ge, aga i hian, aga i monen, su lao ad Satan, dagara beld Satan lie i danen i lie Jehova i Ndorlaben homo ge, i ha noh i ha rerr leri.

Malabo homo i beg vong me ndro io, uo ge, uo danem boro ndoui ber lang. Io ge, io bo longu hian ge. Hian bosilieni me ndro io ndoui adem ber lang, be heb longu adem hian bui, io beg bosilieni le ndro uo longu ordo hian ge. Aga i vonei: Io gin boro ndoui ber lang.

Gord manden ir belengen homo, i ndoun ndoun le ndro homo ber boan, de danen ibdi heb gahaloseli le ndro ndern bui. Homo i da ibdi gahaloseli le ndro ndern, gahaloseli aden ir ndounen gord, i beg meher ndro i.

Danmu ilndri malabo, ndramed na ge monen le longu aden hian ge, ndoui ber lang i de vonei bui le hinen i monen bui.

Malabo uo danem ilndri longu aden hian ge, ma ndoui ber lang i da ndro i bersi, i gin bo longu hian ge, i gin boro ndoui ber lang leri.