Jakobus 1 سے مشہور بائبلی آیات

شئیر

Mu ndere, ha mugmug ge be rang momen i da ndro mu. Danmu, be mu ndoa, aga i hian le ndro mu, danmu boro ndoui ad Ndorlaben.

Ar homo i de danen longu hian ber belengan masou, i ha soling ndro Jehova, i ghenunuen i le longu masigane. I de boii homo bui, i ndemani i gleri, bugane, i hengeni le ndro i.

Aga danmu, mu ndere hian. Homo ma homo i delengan roud, i de bosoui nongen roud bui, i munie le gus aden.

Ar danmu boro i hian ge, danmu dogi monen ge le sal ademu, heb longu momen i da ndro mu bui.

Ar homo i hirong ge sidesi nongen ad Ndorlaben, hirong aga i de vonei bui, Ndorlaben i ha lengi, iou ghinen i, dege iou gin hirong i. Ar homo i hirong ge sidesi i de hinen i bui, i bahilou ge.

Ndramed homo i horuan, i mamaren, be i ndoa le rang aden momen be su beg seslaini i. Be i gin ndounen rang aden momen, Jehova na ghengen le ndro i gor lundielag, i na ge mamaren, Jehova i hengen le ndro i salion ber gor lundielang, dege i gin bai, i beg hengen le ndro su, golsugisden i.

Longu hendre e hendre hian ge i meher le belengan, Damen ber gor lundielang i ghengeni le ndro du. I de belueni hanguruen aden bui, i de belueni bern aden bugane.

Ar hom ndramed i hirong ge nongen ad Ndorlaben i de hinen i bui i dege hom ndramed i lele bormarn le glas luglug. Be i gin ilndri bormarn ri, i iao hebndi, i de danen i bui bormarn i hi derbe.

Aga i mburer hian ge, aga i lodu rosan ge le bormarn ad Jehova, aga Damen adu, ar homo i hanguruen su ndur iohang ma su bihinou le rang asu momen, be i gbieni longu segdan ber gor giao.

Mbue homo i vong le rang aden momen: Jehova i seslaini io. Jehova de danen seslaini hom ndramed gle longu momen bui. Longu hendre de danen seslaini Jehova le longu momen bugane. Sengen ad hom ndramed i seslaini i le longu ber boan.

Hom ndern, be i homo molhege le boan, i gabmugueni Ndorlaben, i da gin rui i le belengan.