साल्न्हाका चात्या 2 سے مشہور بائبلی آیات

पतरुस इम्बालाइहेङ दोअ्हि, पाप पालि लाअ्सु, कालाउ नेलाइ पाप स्यामाको भाअ्सिङ झाराङ येसु ख्रिस्टको मिङता बप्तिस्ता ह्रुसु। कालाउ नेलाइ पबित्तरो आत्माको बरदान निङस्वाना।

इम्बालाइ साल्न्हाका चात्यागेलाइको सिक्स्या, सङगति कालाउ तोले पोङखे कालाउ ए दोफाङ चाघाखे-आम्घाखे कालाउ प्रार्थानाता भक्ति दोफाङ दिनाङ सोमोइ पिघाखे।

कालाउ इम्बालाइ झाराङ पबित्तरो आत्माहोइ पोङघाहि, कालाउ पबित्तरो आत्मा इम्बालाइहेङ पिका बरदान आन्सार इम्बालाइ भनेङ-भेनेङ भासागेलाइता नुइ धुइलि तेङहि।

कालाउ आकाससो आचानक बार्का दुम भेरमा भाइका एनोङ गाला लोहि, कालाउ इम्बालाइ योम्तेङ हिका गोताङ साअ् गालाहोइ भरिहि। कालाउ इम्बालाइको आगाता मेको झिल्का भाइका देखाल जेङहि, जाइको बनावट देतोङ भाइका हिघाहि कालाउ इङको झिल्का खेङन्हातेङ भाग-भाग जेङतेङ इम्बालाइ झाराङ ह्रुता हानितेङ हि। कालाउ इम्बालाइ झाराङ पबित्तरो आत्माहोइ पोङघाहि, कालाउ पबित्तरो आत्मा इम्बालाइहेङ पिका बरदान आन्सार इम्बालाइ भनेङ-भेनेङ भासागेलाइता नुइ धुइलि तेङहि।

इम्बालाइ एनोङ दोङ मन जेङतेङ परमेस्वरको मुन्दिरता ए दोफाङ जोम्घाखे, कालाउ साअ्-साअ्ता तोले पोङघाखे कालाउ इम्बालाइ खुसि कालाउ सुद्द हृदयसो मिलितेङ चाघाखे, कालाउ परमेस्वरको बाखानाइ पाकाताङ, कालाउ झाराङ द्‍याङगेलाइसो आसिरबाद निङतेङ हिघाहि। मुक्ति निङकालाइ प्रभु ओबालाइको सङख्याता दिनाङ-दिनाङ हेन्जा थोपिपिघाखे।

न्हुसोको दिनागेलाइता इसिका जेनाङ दोअ्तेङ परमेस्वर दोअ्हि, का झाराङ द्‍याङगेलाइहेङ काङको आत्मा प्याङका, कालाउ नेलाइको चानगेलाइ, कालाउ नेलाइको चामिन्दिगेलाइ आगमबानि दोअ्तावा, कालाउ नेलाइको धाना वाजानगेलाइ दर्सन तिनावा, कालाउ नेलाइको वाराङगेलाइ सोप्पन तिनावा।

खाङधुरि पाकालाइ झाराङ ए दोफाङ हिघाहि, कालाउ इम्बालाइ ताइको दोफा हिका गोताङ आनेमाने ता-ताइमिता बाखाराइघाखे। इम्बालाइ ताइको सम्पति कालाउ आनेमाने पितेङ जाइ-जाइहेङ जेदोङ आमेनेगेलाइको गोइका हिघाहि ओदोङ आमेने झाराङहेङ बाखाराइ पिघाखे।

कालाउ जाइ-जाइ प्रभुको मिङ ल्होकावा वा मुक्ति निनावा।

प्रभुको दिना लोलि खान्तेङ लाम्फा सान्हे कितिकितिका कालाउ तालि हिति भाइपा इ:का जेनावा। इङको दिना माहान कालाउ महिमामय दिना जेनावा।