साल्न्हाका चात्या 3 سے مشہور بائبلی آیات

ओदोङ भाअ्सिङ पाप पालि लाअ्सु कालाउ परमेस्वर भारि घुरिसु, कि नेलाइको पाप स्यामा पाप्याको, कालाउकि नेलाइता परमेस्वरसो आत्मिक सरबुङको सोमोइ ल्वाको।

कालाउ पतरुस दोअ्हि, “काङको दोफा सोना-चान्दि मान्थु, कालाउ काङको दोफा जेदोङ हि इङको नासेहेङ प्याङका। नासरत येसु ख्रिस्टको मिङता ल्हो कालाउ तेअ्।”

कालाउ पतरुस उङको द्‍याङको दाम्पाहा खुर चातेङ ल्होपाहि कालाउ एन्सालाउ दोङ वाको खोकोइगेलाइको गुलि गाठोगेलाइता बल लोहि। उङको द्‍याङ जुरुक्क ल्होतेङ जाअ्हि कालाउ तेअ्लि तेङहि। वा तेअ्काताङ कालाउ तोङकाताङ कालाउ परमेस्वरको बाखिन पाकाताङ इम्बालाइ दोफा मुन्दिरको सालेङता हानिहि।

इदोइ द्‍याङ जाइहेङ नेलाइ नाल्सुखेना, कालाउ एला नेलाइ तिङसुखेना, वा येसु ख्रिस्टको मिङता खाङधुरि पाकानाङ बल्लियाका जेङका हि कालाउ येसुको मिङता एल्का हि, कालाउ जाइहेङ नेलाइ ताइमिङ तिङसुखेना।