ද්විතීය 30 سے مشہور بائبلی آیات

شئیر

ජීවනය හා මරණයත්, ආශිර්වාද හා ශාපත් මා ඔබ ඉදිරියෙහි තැබූ බවට ඔබට එරෙහිව සාක්ෂි පිණිස අද මම අහසත්, පොළොවත් කැඳවමි. එබැවින්, ජීවනය තෝරා ගන්න. එසේ කළ යුත්තේ, ඔබත්, ඔබේ දරුවනුත් ජීවත් වන පිණිසත්, ඔබ, ඔබේ දෙවියන්වහන්සේ වන ස්වාමින්වහන්සේට ප්‍රේම කරමින්, උන්වහන්සේගේ කටහඬට සවන් දෙමින්, උන්වහන්සේට ඇලුම් ව සිටින පිණිසත් ය. ඔබේ ජීවනය උන්වහන්සේයි. එවිට ඔබේ පියවරුන් වූ ආබ්‍රහම්ටත්, ඊසාක්ටත්, යාකොබ්ටත් දෙන්නට උන්වහන්සේ දිවුළ දේශයේදී උන්වහන්සේ ඔබට දීර්ඝායු දෙන සේක.

ඔබේ දෙවියන්වහන්සේ වන ස්වාමින්වහන්සේට ප්‍රේම කරන ලෙසත්, උන්වහන්සේගේ මාර්ගයන්හි ගමන් කරන ලෙසත්, උන්වහන්සේගේ ආඥා, උන්වහන්සේගේ නියෝග හා නියමයන් පිළිපදින ලෙසත් අද මම ඔබට අණ කරමි. එවිට ඔබ ජීවත් වී, වැඩි වර්ධනය වනු ඇත. අත්පත් කර ගන්නට ඔබ ඇතුළු වන දේශයේදී ඔබේ දෙවියන්වහන්සේ වන ස්වාමින්වහන්සේ ඔබට ආශිර්වාද කරන සේක.

මෙන්න! ජීවනය හා සඵලත්වයත්, මරණය හා විනාශයත් අද මම ඔබ ඉදිරියේ තබමි.

මෙන්න! වචනය ඇත්තේ ඔබට ඉතා සමීප ව ය; ඔබට එය පවත්වන්නට හැකි වනු පිණිස, එය ඇත්තේ ඔබේ මුවෙහි ය. ඔබේ හදවතේ ය.

ඔබේ දෙවියන්වහන්සේ වන ස්වාමින්වහන්සේට ඔබේ මුළු හදින් හා ඔබේ මුළු ජීවයෙන් ප්‍රේම කර, ජීවනය ලබන පිණිස, ඔබේ දෙවියන්වහන්සේ වන ස්වාමින්වහන්සේ ඔබේ හදවත් හා ඔබෙන් පැවත එන්නන්ගේ හදවත් චර්මඡේද කරන සේක.

එවිට, ඔබේ දෙවියන්වහන්සේ වන ස්වාමින්වහන්සේ ඔබේ අත්වල සියලු වැඩ ද ඔබේ ගර්භයේ පලය ද ඔබේ සත්ව රංචුවල පැටවුන් හා ඔබේ භූමියේ අස්වැන්න ද අතිශයෙන් සඵල වන්නට සලසන සේක. ස්වාමින්වහන්සේ ඔබේ පියවරුන් ගැන ප්‍රීති ප්‍රමෝද වූ සේ ම, ඔබ ගැනත් යළි ප්‍රීති ප්‍රමෝද වී, ඔබ සඵලවත් කරන සේක.

එහෙත් ඔබේ හදවත ඉවත හැරී, ඔබ කීකරු නො වෙතොත්, වෙනත් දෙවිවරුනට නමස්කාර කරන්නට හා සේවය කරන්නට ඔබේ සිත් ඇදී ගියහොත්, නිසැකයෙන් ම ඔබ විනාශ වී යන බැව් අද දවසේ මම ඔබට ප්‍රකාශ කරමි; යොර්දානෙන් එතෙර වී, අත්කර ගැනීමට ඔබ ඇතුළු වන දේශයේ දිගු කලක් ඔබ ජීවත් වන්නේ ද නැත.

අද මා ඔබට අණ කරන මෙම ආඥාව ඔබට ඉතා අසීරු නො වේ: ළඟා විය නො හැකි තරමේ දුර ද නො වේ.

“අප එය පවත්වන්නට, ස්වර්ගයට නැගී, එය ලබාගෙන, අපට ප්‍රකාශ කරන්නේ, කවරෙක් දැ?” යි ඇසීමට එය ඉහළ ස්වර්ගයේ තිබෙනවා ද නො වේ.

“අප එය පවත්වන්නට එය ලබාගෙන, අපට ප්‍රකාශ කරන්නට, සයුර තරණය කරන්නේ කවුරුන් දැ?” යි ඇසීමට එය සයුරෙන් එහා තිබෙනවා ද නො වේ.