1 සාමුවෙල් 2 سے مشہور بائبلی آیات

شئیر

“ස්වාමින්වහන්සේ බඳු ශුද්ධ කෙනකු තවත් නැත; ඔබවහන්සේ හැර වෙනත් කෙනකු නැත; අපේ දෙවියන්වහන්සේ බඳු පර්වතයක් තවත් නැත.

උන්වහන්සේ දූලියෙන් දුප්පතා නැගිටුවන සේක; අළු ගොඩින් දිළිඳා ඔසවන සේක; එසේ කරන්නේ උන්වහන්සේ අධිපතීන් සමඟ එකට ඔවුන් හිඳුවන පිණිස හා ගෞරවයේ අසුනක උරුමය ඔවුන් ලබනු පිණිස ය. “මන්ද පොළොවේ පදනම් කණු ස්වාමින්වහන්සේගේ ය; උන්වහන්සේ ලෝකය පිහිටුවා ඇත්තේ ඒවා මත ය.

තම ශුද්ධවතුන්ගේ පාද, උන්වහන්සේ සුරකින සේක; එහෙත් දුෂ්ටයෝ අඳුරෙහි නිහඬ කරනු ලබති. “මනුෂ්‍යයකු ජය ගන්නේ තමාගේ ම ශක්තියෙන් නො වේ.

ස්වාමින්වහන්සේ දුප්පත්කම එවන සේක; ධනවත් කරවන සේක; උන්වහන්සේ යටහත් කරන සේක; උසස් කරන සේක.

“ස්වාමින්වහන්සේ මරන සේක; ජීවනයට ගෙනෙන සේක; උන්වහන්සේ ෂෙයෝලයට බස්සන සේක. ඉහළට ඔසවන සේක.